PEꞌLA 10

¿Idxaꞌs Jeuwa kaajiyuꞌjsaweꞌsx yakh pkhakhete maꞌw puꞌçhikx?

TAKH

Jeuwa kaajiyuꞌjsaweꞌsxa, ¿idxaꞌs piꞌkxmatx txãaweꞌsx yakh pkhakheya? Jeuwa kaajiyuꞌjsaweꞌsx yakh baaçx yuhwa iipkhakhemeeçxa wala thaameeneꞌga. Txaꞌwẽy paapẽyneꞌta: ¿Jeuwa kaajiyuꞌjsaweꞌsxa kĩh kitx yũu pkhakhen ũsçxa? ¿Txãaweꞌsxtxisyu kĩh yũuçxa wala jxthuhthetx? ¿Adxwa uꞌjya ãjamaꞌth? Naa peꞌlate piyaneꞌga pkhakhete maꞌw puꞌçxhiꞌk Jeuwate namiku wejxkwe yũuyã, txaꞌwẽy idxas puꞌçxhina.

1. ¿Kĩh yũuçxa pkhakhewaꞌj jiꞌphkxthaꞌw?

Dxus eçte fxiꞌjsaꞌ ptaꞌsxineꞌta kĩh yũuçxa kik pkhakhen ũste wala jxthuhthesayu: “Pkhakhen ũsçxa Jeuwaꞌs wala weçxaneꞌta” (Salmo 26:12). Jeuwa kaajiyuꞌjsa naa eente pkhakheçxa wala weçxan ũsyã. Naa kiwete kisu iisa jxuka pkhakheneꞌta, memna Dxusaꞌs weçxaneꞌta, txaꞌwẽy Dxus yakh puutx weꞌwneꞌta. Año iisa, tekh eente fxiy fxiy pkhakheçxa mazkwẽ nasaweꞌsx yakh.

2. ¿Kweꞌsx pkhakhenite kĩh piyaguig?

Pkhakheniteweꞌsxaꞌ Dxus yuweꞌsçxaaneꞌta weꞌwe. Kxteeyu kaajiyuꞌjneꞌta, Dxus eça maajĩn kik weꞌwe (lẽeywe Nehemías 8:8). Idxa kxtee pkhakheçxa Jeuwa pẽeykãanisaꞌs wejxkwe piyaneꞌga vxiteꞌ txãjx ewsa jiꞌphunisaꞌs. Jeuwa idxaꞌs peeykãhte, txãw jiyuçxa, idxyu txãate wejxkwe namiku yũuya ãjaneꞌga. Txaꞌwẽy jiyuneꞌga Dxusyu maꞌw puꞌçxhiꞌk wãt fxiꞌzeya (Isaías 48:17, 18).

3. ¿Pkhakhesaweꞌsxaꞌ idxaꞌs maꞌwta puꞌçxhi?

Jeuwa naꞌwne wẽdxi jxukasaytxis thegna meswe: “Vxite naꞌwẽtx kweꞌsx pkhaakheçte paꞌjaꞌçmée txãꞌwẽ yũumée, wejxwa teeçxsa naꞌwẽçxaj kxteeçxaj puutx kçxhãaçxhaꞌjna fxiꞌzega” (Hebreos 10:24, 25). Kweꞌsx pkhakeniteyu, nasaweꞌsx peeykãhnisaꞌs kaavxaꞌjaneꞌta. Idxaꞌ maꞌwga Dxus yuweꞌs piya wẽje txaꞌwẽy. Dxus yuwe kaapiyaꞌjnisa wẽseꞌjeneꞌga açyu idxaꞌs wejxkwe jxthaakwe nuyçxhãçxhaꞌjana (Romanos 1:11, 12). Ptaamumeesatx vxiteꞌ ptaamusaweꞌsx yakh thẽysas maꞌw kitx phewuꞌj, txãaweꞌsx yakh pkhakheçxa weꞌwya ãjaneꞌga, txãa paꞌkak Jeuwa pkhakhe thãasu.

WEJXKWEÇXA PIYAN UꞌJWEKA

Theguka, ¿Jeuwa kaajiyuꞌjsaweꞌsxaꞌ kĩh yũuçxa kitx pkhakhe? Vxiteꞌ ¿kĩh yũuçxa txãa wala jxthuhthesakx pkhakhete?

4. Jeuwa kaajiyuꞌjsa pkhakhenisatx

Cristiano siglo primeroteweꞌsxaꞌ pkhakheneꞌta Dxusaꞌs selpiiya (Romanos 16:3-5). Lẽeywe Kolosenses 3:16, txajuꞌ naa paapẽynisatxis paswe:

¿Nyaafxte cristianoweꞌsxaꞌ Jeuwaꞌs maꞌw kitx selpii?

Ãçxhwa Jeuwa kaajiyuꞌjsaweꞌsxa pkhakheneꞌta. Jiyu wẽeçxa txãa videus theguka, Txãa VIDEUꞌS thegwe. Piisanite thegwe pkhakhenisaweꞌsxte, txajuꞌ naa paapẽynisatxis paswe.

VIDEU: ¿Dxus jxkaahwaꞌsa weꞌwnxi yat te Jeuwa kaajiꞌyusa kxte dxiite yuꞌ kĩ kitx yuꞌ? (2:12)

Kolosenses 3:16 weꞌwçxa, ¿kĩh yũuçxa pkhakhenisa wala ewki?
Videu vxiteꞌ piisanite thegçxa, ¿kĩhga piya kweꞌsx pkhakhenite?

Lẽeywe 2 Korintios 9:7, Jeuwa kaajiyuꞌjsa yakh pkhakheçxa, ¿kĩh yũuçxa kik vxu ul pẽyiçmee?

Idx kaapiyaꞌjsa yakh kĩh piyaweçxawa pkhakhenite thegya ãjaneꞌga.

¿Pkhakhenite maaka wejxkwe zxiçxkwe thegu?

¿Jiiga?

Jw.org uꞌkaçxa pakweya ãjaneꞌga. Maꞌwẽn vxiteꞌ kĩhte pkhakheyawatewaꞌj.

1. Kweꞌsx pkhakhenite kĩjkĩhnawa jxuka ũsna. Nasa ksxaavxte txaꞌwẽy videus thegya ãjanaꞌw. Pkhakheniꞌs takhyawaꞌjçxa memuthaꞌw, txaꞌwẽy kabayawaꞌjçxa memuthaꞌw vxiteꞌ Dxus yakh puutx weꞌwna.
2. Kxteeyyu paapẽyneꞌta, açyu jxukaysa pasya ãjaneꞌta.
3. Jxukaysatx wala weçxathaꞌw: Thẽꞌjsaweꞌsx, piçtakxweꞌsx, luuçxweꞌsx, uꞌyweꞌsx, jxukaysa pkhakhen ũssaweꞌsxtxis.
4. Jeuwa kaajiyuꞌjsa pkhakhenite vxu ul pẽyiçmeeꞌneꞌta.

5. Pkhakheya wala paꞌpçxuwaꞌj jiꞌphnetkhaꞌw

Jesusyu Nazarettene uꞌpu txãjx nweꞌsx yakh. Pkhakheya uꞌjne tekh een uta, yuꞌkh wala skhẽwna Jerusalente pkhakheya. Lẽeywe Lukas 2:39-42, txajuꞌ naa paapẽynisatxis paswe: