PEꞌLA 11

¿Dxus yuwes maꞌw yũuçxa ew jiyuya ãjakxthaꞌw?

TAKH

Mjĩi wala jiꞌphçxa thẽynane thegu nawa, tuhd tuhdçxa mjĩin uꞌjçxayu mjĩiwa jxãꞌjaneꞌga, txaꞌwẽy Dxus yuweꞌswaꞌj lẽeyna jxãꞌjaneꞌga. Nawa naꞌw paapẽy, ¿mtee kwẽꞌy takhekith Dxus yuweꞌs lẽeyya? Txaꞌwẽy Dxus yuweꞌs lẽey wẽeçxa vxiteꞌ ew jiyu wẽeçxa ayte uyuuneꞌga yuꞌkxpehnisaꞌs.

1. Een iisa Dxus eças lẽeyçxa, ¿kĩh yũute wala ewki?

¿Een iisa Dxus eçaꞌs lẽeyte jxthuhthesamanx? Ũu jxthuhthesana, Dxus eçaꞌs lẽeyte puꞌçxhina wãt fxiꞌzeya (lẽey Salmo 1:1-3). Nawa Dxus eças lẽey takh wẽeçxa een iisa leꞌçxkwe leꞌçxkwe lẽeyna uꞌjweneꞌga. Txaꞌw yũute puꞌçxhina Dxus yuweꞌs ew jiyuwaꞌj.

2. ¿Kĩh puꞌçxhikx Dxus yuwes wejxkwe piyawaꞌj?

Dxus yuweꞌs ĩꞌneeçxa lẽeywaꞌjmeena. Dxus yuwes lẽeyçxa yuꞌjuçxa ũus yahkxwaꞌj jiꞌphnetkhaꞌw (Josué 1:8). Txãasa versículos lẽeyçxa paapẽy: ¿Naa Jeuwate kĩh kik weꞌwe? ¿Vxite versículos adxaꞌs maꞌw puꞌçxhikx? ¿Ãcxha vxitetxis maꞌw puꞌçxhya ãjakxthaꞌw?

3. ¿Baaçx eente kutxiꞌjiguigk Dxus yuweꞌs lẽeywaꞌj?

Vxitetxyu thẽyne yũu een kutxiꞌjwa Dxus yuwes lẽeywaꞌj nawa, vxitesayu een kutxiꞌjneta (Efxesios 5:16). Kusineꞌta lẽey vxiteꞌ kuꞌsusteneꞌta lẽey vxiteꞌ kusneꞌta lẽey dehya uꞌjmeey Dxus yuweꞌs, ¿idxyu baaçx een kutxiꞌjya ãjaguigk Dxus yuwes lẽeywaꞌj?

WEJXKWEÇXA PIYAN UꞌJWEKA

Dxus yuwes lẽeyya wẽdxineꞌga, ¿kĩh yũuyã ãjaguigk Dxus yuwes wejxkwe jiyu wẽeçxa? Naa eçte puꞌçxhina Dxus eças wejxkwe jiyuya.

Ũꞌnisaꞌs puuçte isaçxa wãt ũꞌsete jxukaneꞌga ũꞌwe, Dxus yuweꞌs lẽeyna takhçxa txaꞌwẽy isaçxa jxuka lẽeyna ewuuneꞌga

4. Dxus yuwes lẽeyçxayu wãt yaatxineꞌga

Dxus yuweꞌs txaꞌwẽ lẽeysameete wala thẽyna. Nawa, lẽeyya takhçxayu wala weçxathaꞌw, ũꞌnisas puuçte wãt ũꞌsete jxukanega ũꞌwe, Dxus yuwes lẽeyya takhçxa txaꞌwẽy jxuka lẽeyneꞌga. Lẽeywe 1 Pedro 2:2, txajuꞌ naa paapẽynisatxis paswe:

Dxus yuweꞌs een iisa lẽeyçxa wejxkweneꞌta piya wẽje, ¿idxwa txaꞌwẽyçxa lẽeyya wẽdxiga?

Txãa VIDEU thegwe naa piçtakxweꞌsxa maꞌw yũuçxaga Dxus yuwes lẽeyya wẽdxiꞌk. Txajuꞌ naa paapẽynisatxis paswe:

VIDEU: Piçtakxweꞌsxa Dxus eças wala piyaneꞌta peeykãhya (5:33)

¿Piçtakxweꞌsxa thẽysas maꞌw kitx phewuꞌjya ewuu?
¿Kĩh kik puꞌçxh wahtxyamee?
¿Dxus yuwes lẽey wẽeçxa kĩh kik yũu?

Yuꞌkxpehnisas takhwaꞌj:

Dxus yuwes jiyu wẽeçxa txhitxhwe Dxus eças thẽymee jiyukhan. Traducción del Nuevo Mundo idx yuwete fxiꞌjni ũste txãas lẽeywe.
Dxus eçte lẽeyna takh wẽeçxa peꞌla wẽdxnisaꞌs txhitxhwe kĩhçxa txãas lẽey. “Dxus yuwes maꞌw yũuçxa takhya ewuuguigk” naa recuadro puꞌçxhina meen lẽey.
Dxus yuwes lẽeyçxa eçkwete fxiꞌjn jxaawuuneꞌga kĩhçxa naa recuadros iijxũu “Ayte lẽeyna ũsthu”, txãa publicacionas ayte uyuuneꞌga.
Iijxũunega JW Library^®. Spahkxya ãjanega idx celularte Dxus yuwe lẽeyya ãjakhan, açyu kĩhte uꞌphcxawaꞌj lẽeyya ãjameeçxa wẽseꞌjeneꞌga.
Secciones iijxũuwaꞌjna Traducción del Nuevo Mundo. Mapas, tablas vxiteꞌ glosario jiꞌphna Dxus yuweꞌs wejxkwe jiyuwaꞌj txãꞌs iijxũuwe.

5. Ew phewuꞌjunega Dxus yuweꞌs wejxkwe jiyu wẽeçxa

Lẽeywe Salmo 119:34, txajuꞌ naa paapẽynisatxis paswe:

Dxus yuweꞌs lẽey wẽeçxayu, ¿kĩh yũuçxa Dxus yakh puutx weꞌwwaꞌj wala ewki?

Dxus yuweꞌs ew jiyu wẽeçxa, ¿kĩh yũuwaꞌj jiꞌphguigk? Naa yuꞌkxpehnisaꞌs kxtey myuu vxite leccionaꞌs ew jiyu wẽeçxa:

1. Jxuka parrafos lẽey.
2. Textos biblicotxis pakweçxa lẽey kĩhçxa kaajaꞌdaꞌjaneꞌga ew jiyuya.
3. Idxa piya wẽeçxa idx jiyuniꞌs sutx kĩhçxa, kaapiyaꞌjsa yakh ew pasuneꞌga.

¿Jiiga?

Jeuwa kaajiyuꞌjsaweꞌsx mazkwe Dxus yuweꞌs iijxũuneꞌta. Nawa Traducción del Nuevo Mundosneꞌta iijxũuyã wẽdxi txãayu Dxus yases jiꞌphna txaꞌwẽy thẽymee jiyuya ãjanaꞌw (Naa artículo thegwe jw.org: “¿Jeuwa kaajiyuꞌjsa txãaweꞌsx jĩi Dxus yuwes jiꞌphmanx?”).

MAII NASAWEꞌSXA NAꞌJĨTX: “Een jiimeeçxa Dxus yuwes piyaya waꞌluth”.