Dxus yuweꞌs piyate wala ewna, nawa txaꞌwẽy thẽysa paꞌjatxna. Naꞌw yajxpaapẽyga, ¿Dxus yuweꞌs piyate ewuuyumanx? ¿Dxus yuwe piyate kĩh yũuçxa wala ewki? ¿Kĩh puꞌçxhiꞌkx Dxus yuweꞌs peena piyawaꞌj?

1. ¿Dxus yuweꞌs piyate kĩh yũuçxa wala ewki?

“Dxus weꞌweniꞌ ĩtxisaꞌ, kĩhtewa jxuka seelpisa” (Hebreos 4:12) Dxus yuwe wala ewna, txãa ptaꞌsxiꞌk Dxusyu kĩh yahkxna ũsna kweꞌsx jĩi, puꞌçxhina jiisa yũuwaꞌj vxiteꞌ esperanza jiꞌphuwaꞌj. Nawa, Dxus yuweyu wala jxthuhthesana Dxus namiku yũuwaꞌj. Dxus yuweꞌs piyaçxa wejx yuhwa idx ĩtxi fxiꞌzeniꞌs puꞌçxhina wãt fxiꞌzeya.

2. Dxus yuwe isasaꞌs jiyute, ¿kĩh yũucxa wala jxthuhthekx?

Dxus yuweteyu isasa ũsna, txãayu tesoro paꞌkasa naꞌwna. Txãaiçxa piꞌkikx isasas wey nawa txweymeeneꞌga (Proverbios 23:23). Txãa isasas jiyuçxa makwe thẽysa vxaatewaꞌj nvxihtmeeneꞌga (lẽeywe Proverbios 2:4, 5).

3. ¿Jeuwayu maꞌw puꞌçxhiꞌkx Dxus yuweꞌs piyan ũskhan?

Dxusyu naa kiwes vxiteꞌ cielun vxitsana, açyu idx namikuna idxaꞌs jiina kĩh pejxtewaꞌj “Dxusku kaaũusutheꞌjeꞌ, txajx jxthãasniꞌs kxtey yuuna fxiꞌzekahn” (lẽeywe Fxilipenses 2:13). Açyu makwe thẽysas vxaatewaꞌj, Dxusyu çxhãçxhasaꞌs ũsuna thẽysas wantaykhan. Dxusaꞌs pẽhywaꞌj jiꞌphuneꞌga, Dxus eçaꞌs piyaya nvxihtkhameen (1 Tesalonicenses 5:17).

 WEJXKWEÇXA PIYAN UꞌJWEKA

4. Dxus yuwe piyawaꞌj idx jĩi wala jxthuhthesana

Maꞌwẽni wala thẽysa paꞌjana açyu, ¿kweꞌsxyu kĩh yũuwaꞌj jiꞌphkxthaꞌw? Lẽeywe Fxilipenses 1:10 txajuꞌ naa paapẽynisatxis paswe:

• ¿Idx ĩtxi fxiꞌzenisa kĩh wejx jxthuhthesana?

• ¿Idxyu kĩh yũuyã ãjaguigk Dxus eçaꞌs piyan ũs wẽeçxa?

1. 1. Biçxte arena yuutate kĩhçxa kwet asxwẽete kwetyu khẽhmeeyã

2. 2. Nawa kwetyu khwẽꞌy asxte arena abte jxuka khẽheyã. Kweꞌsxyu txaꞌwẽyçxa yũuwaꞌj jiꞌphnetkhaꞌw, kweꞌsx ĩtxi fxiꞌzeniꞌs. Dxusaꞌs khwẽꞌy selpiiwaꞌj jiꞌphnetkhaꞌw, txãw yũute een ãjana kĩh yũu wẽetewaꞌj.

Nasaweꞌsx Dxuste piyaya jxpeejxnetkhaꞌw. Açyu Dxus eçaꞌs piyan ũsçxa, Dxusaꞌs wejxkwe jiyuya ãjanaꞌw. Lẽeywe Mateo 5:3 txajuꞌ naa paapẽynisatxis paswe:

• ¿Dxus eçaꞌs piyakhan kweꞌsxtxis maꞌw puꞌçxhiꞌkx?

 5. Maii nasaweꞌsxaꞌ Dxuste piyaya wẽdxiçmeeneꞌta, nawa piyan mes Dxus eça

6. Dxus puꞌçxhwaꞌjas konfiaywaꞌj jiꞌphnetkhaꞌw

 ¿AYTE PAꞌJ KĨHKXTHAꞌW PIYA?

Dxus yuweꞌs piya wẽete wala thẽysa paꞌjana. Nawa Dxus yuweꞌs piyan ũsçxa bagaçxtewaꞌj weçxan fxiꞌzeya ãjaneꞌga, Dxusaꞌs pakweçxa ewsas jxpaꞌkaneꞌga.

¿Kĩh pasuguigk?

• Dxus yuweꞌs isasas piyate, ¿idx jĩi kĩh yũuçxa wala jxthuhthesakx?

• ¿Jxthuhthesas jiyuçxa idxyu kĩh yũuwaꞌj jiꞌphguigk?

• Dxusaꞌs wejxkwe jiyu wẽeçxa, ¿kĩh yũuçxa Dxusaꞌs pẽhy jiꞌphneꞌga?