PEꞌLA 16

¿Jesusyuꞌ kĩh kik yũu naa kiwete ũsçxa?

TAKH

Jesusaꞌs yahkxçxayuꞌ luuçxkwe naꞌwneꞌta yaatxi, maiiyuꞌ profeta meh jiisana, vxiteyuꞌ piçthẽꞌj pxthaa yuun fxiꞌzesaçxana. Nawa naa kiwete txãjx fxiꞌzeniꞌs piyaçxayuꞌ ew jiyunaꞌw. Naa leccionas jiyunaꞌw Jesús kĩh jxthuhthesa kik vxit vxiteꞌ txãa vxitnisa idxaꞌs maꞌw puꞌçxhiꞌk.

1. ¿Maa mjĩinisa kik Jesús jĩi wala jxthuhthesa yũu?

Jesús jĩi wala jxthuhthesa yũune Dxus yuweꞌs ptaꞌsxwaꞌjaꞌs (Lukas 4:43). Ptaꞌsxne Dxus Gobierno jxuka ewmeesaꞌs pebana. Jesusyuꞌ ewsa tuutheꞌjnisa ptaꞌsxyaꞌ yuhwene jxuka nasaweꞌsxtxiꞌs. a Tekh año thaakwe Jesusyuꞌ Dxus yuweꞌs ptaꞌsxku (Mateo 9:35).

2. ¿Jesús milagro vxitnisayuꞌ kĩh piyakxthaꞌw?

Dxus yuwe kĩjkĩhnawa jxuka ptaꞌsxiꞌk Jesuste “ewsaçxaçxáanak kaavxaꞌjaꞌj”. Jeuwa wala milagros vxitne Jesús puꞌçxhnisa yakh (Hechos 2:22). Jeuwa çxhãçxhasana, Jesús yakh seenaꞌ wejxa kyujuꞌjne. Mazkwẽ nasaweꞌsxtxiꞌwa puuçne, maii ãçaꞌsatxiꞌs yuꞌçeꞌjne vxiteꞌ uusaweꞌsxtxiꞌ kaaũuseꞌjne (Mateo 8:23-27; 14:15-21; Markos 6:56; Lukas 7:11-17). Jesusaꞌs Jeuwane jxkaah. Txãasane wala milagros vxit. Jeuwayuꞌ wala çxhãçxhasana, jxuka ewmeesatxiꞌs pheuꞌjuna, txaantey maꞌwne yũu txaꞌwẽy.

3. ¿Jesús ĩtxi fxiꞌzenisate kĩh piyakxthaꞌw?

Jesusyuꞌ bakaçxtewa neyaꞌs nwẽeseꞌjene uu eentepkaçx selpiine (lẽeywe Juan 8:29). Jeuwa jxkaahniꞌs kxtey yuune nasa makwe ahçetewa. Açyu kweꞌsxyuꞌ makwe thẽysa jiꞌphtewa Dxusaꞌs selpiiyaꞌ ãjanaꞌw. Jeuwa selpisaatxiꞌs Jesús naꞌwẽy yũuwaꞌjaꞌs ãjaneꞌta, Jesusyuꞌ maꞌwne yũu txaꞌwẽy (1 Pedro 2:21).

WEJXKWEÇXA PIYAN UꞌJWEKA

Theguka, Jesusyuꞌ maꞌw kik ewsa tuutheꞌjnisa ptaꞌsx vxiteꞌ maꞌw kik milagros vxit.

4. Jesús ewsa tuutheꞌjnisa kaapiyaꞌjne

Jesús wala jxuꞌj uꞌjwene, kiwe tudçxatewa Dxus yuweꞌs ptaꞌsxyaꞌ mtee nasa ũstewa. Lẽeywe Lukas 8:1, txajuꞌ naa paapẽynisatxis paswe:

¿Jesusyuꞌ nasa utxasatx maꞌk, Dxus yuwe ptaꞌsx?
¿Nasatxiꞌs uy wẽeçxa, Jesusyuꞌ kĩh yũuwa kik jiꞌphuꞌ?

Dxusyuꞌ ptaꞌsxku mesiasyuꞌ ewsa tuutheꞌjniꞌs ptaꞌsxine. Lẽeywe Isaías 61:1, 2, txajuꞌ naa paapẽynisatxis paswe:

¿Jesusyuꞌ maꞌw kik kxtey yuun kaah naa profecía?
¿Naa eentewa nasaweꞌsx Dxus ewsa tuutheꞌjniꞌs nwẽeseꞌjwa pejxmanx?

5. Jesusyuꞌ lección ewsaꞌs kaapiyaꞌjne

Jesusyuꞌ Dxus Gobierno ptaꞌsxine, txaꞌwẽy vxite lección kaapiyaꞌjne. Wejxkwe jiyu wẽeçxa, theguka vxite ejemplo txãa Sermón del Montete weꞌwnisa. Lẽeywe Mateo 6:14, 34 vxiteꞌ 7:12, txajuꞌ naa paapẽynisatxis paswe:

Naa versiculotxiꞌs lẽeyte, ¿Jesusyuꞌ kĩhka yuꞌkxpehe?
¿Naa yuꞌkxpehnisa, naa eente nasatxiꞌs puꞌçxhmaꞌk?

6. Jesusyuꞌ milagros vxitne

Jeuwayuꞌ Jesusaꞌs çxhãçxhasaꞌs ũsne milagro vxitkhan. Teeçx ejemplo theg wẽeçxa, lẽeywe Markos 5:25-34 meeçxaꞌ txãa VIDEUꞌS thegwe. Txajuꞌ naa paapẽynisatxis paswe.

VIDEU: Teeçx uꞌy ãçaꞌsaꞌs kçxhãçxhaꞌjne (5:10)

Videote thegçxa, ¿txãa uꞌyyuꞌ ãçaꞌsa kĩh kik jiyu?
¿Txãa milagrote kĩhga ew theguꞌ?

Lẽeywe Juan 5:36, txajuꞌ naa paapẽynisatxis paswe:

Jesús milagro yũuni, ¿kĩhka kaavxaꞌja?

¿Jiiga?

Jesusna jiyuni pahz librusayuꞌ txãa yũu evangelione yaase. Pahz evangeliosyuꞌ: Mateo, Markos, Lukas vxiteꞌ Juan, txãaweꞌsxyuꞌ fxiy fxiyneꞌta weꞌw Jesuste. Txãaweꞌsx weꞌwniꞌs jxuka txaꞌwẽyku yũu Jesús ĩtxi fxiꞌzeniꞌs.

MATEO

teeçx libru khwẽꞌyku fxiꞌjsa yũu. Txãa libruyuꞌ Jesús kaapiyaꞌjnisateꞌk weꞌwe. Jesús jĩi yũu wala jxthuhthesa yũune Dxus Gobierno ptaꞌsxte. Mateoyuꞌ txãꞌwne fxiꞌj.
MARKOS

evangelio leeçxkweneꞌ fxiꞌj. Txãa librute kĩjkĩhnawa jxuka uyyaꞌ ãjana.
LUKAS

ptaꞌsxine: Jesús jĩi yũu wala jxthuhthesa yũune Dxus yakh puutx weꞌwte. Txaꞌwẽy kaajiyuꞌjune Jesús uꞌytxiꞌs ewne iipeꞌje.
JUAN

Jesús wala namiku jiꞌphune, açyu Juan txãjx weꞌwnisateꞌk weꞌwe, txaꞌwẽy vxite nasa utxaa ũssa yakh weꞌwene, naa libruꞌs lẽeynçxayuꞌ jiyunaꞌw Jesús maꞌwtewa.