Dxus peeykãhsana, nawa maii religiones seenaꞌ ewmee yũuneꞌta. Dxusaꞌsthaꞌw selpii jĩneꞌta, nawa wala ewmeesaçxa kaapiyaꞌjneꞌta. Dxus yaseꞌs khũuçxhineꞌta txãa ĩsxiinisa paꞌka. Txãꞌw yũusa ew kaapiyaꞌjsameeyã, ¿Dxus yaseꞌs maꞌwta khũuçxhiꞌj? ¿Dxusyuꞌ maꞌw kik yahkx? ¿Dxusyuꞌ kĩh yũuyãwakx?

1. ¿Religiona ewmee kaapiyaꞌjçxa Dxus yaseꞌs maꞌwta khũuçxhiꞌji?

Religionesweꞌsxyuꞌ Dxus yaseꞌs khũuçxhiꞌjineꞌta txaꞌwẽy yuꞌphtheꞌjeneꞌta ewmeesa yakh (Romanos 1:25). Dxus yaseꞌs kaapiyaꞌjaçmeeneꞌta, nawa Dxus eçyuꞌ naꞌjĩꞌk Dxus yaseꞌs jiyuwaꞌj jiꞌphnetkhaꞌw (Romanos 10:13, 14). Religionesweꞌsxyuꞌ naꞌwneꞌta weꞌw: Ewmeesa paꞌjteyuꞌ Dxusne jxkaaha jĩneꞌta. Nawa txãayuꞌ meh ĩsxiinisana, Dxusyuꞌ yuuwemeena (leẽywe Santiago 1:13). Wala nxusteçxa paꞌjte, nasayuꞌ wejx yuhwa Dxus yakh utxaaya ãjaçmeeneꞌta txãa ĩsxiinisa paꞌka.

2. Religiona txãjx vxitnisa yakh Dxus yaseꞌs khũuçxhiꞌjineꞌta, ¿maꞌw?

Religionyuꞌ nasatxiꞌs wala pkxuuneꞌta, nawa Jeuwayuꞌ txãꞌw yũuçmeeneꞌ. Dxus eçyuꞌ naꞌjĩꞌk: “Txãaweꞌsx pkalaꞌ iiméh seenaꞌ walaniꞌ cielute kãhpkaçx”, seenaꞌ ewmee yũupaꞌka (Apocalipsis 18:5). Religionesweꞌsxaꞌ wala politicate puꞌçxhna ũsyã, txaꞌwẽy puiiwaꞌjaꞌsçxa puꞌçxhna nasa wala kũꞌjsa uꞌkakhan. Maii lideresweꞌsxyuꞌ vxu jiꞌphsa naꞌwẽy fxiꞌzeyã, vxite nasaweꞌsxtxiꞌs vxu pẽhyneꞌta. Dxusyuꞌ txãꞌw jxthãasuçmeeneꞌ, txãꞌw yũuçxa txãaweꞌsxyuꞌ Dxusaꞌs jiimeeyã (lẽeywe 1 Juan 4:8).

3. Religiones ewmee vxitpaꞌka, ¿Dxusyuꞌ maꞌw kik yaatxi?

Religiones ewmee vxitpaꞌka idxyuꞌ nxusuneꞌga, Dxusyuꞌ wejxne nxusu nasatxiꞌs peeykãhçxa. Nawa ewmee kaapiyaꞌjsaꞌ wala pkxuuneꞌta nasatxiꞌs. Dxusyuꞌ txãaweꞌsx yakh wala ũusaçxan ũsna. Religiones seenaꞌ ewmee weꞌwna ũsyã Jeuwate. Jeuwayuꞌ wala nxusna ũsna txãa ĩsxiinipaꞌka. Açyu Dxusyuꞌ txãa religiontxiꞌs jxuka pebana “bagaçxte yuhwa peena yuꞌ uymeetxna” (Apocalipsis 18:21). Txeçxhmee pejxna, txãa ewmee kaapiyaꞌjsaꞌs pebawaꞌj (Apocalipsis 18:8).

 WEJXKWEÇXA PIYAN UꞌJWEKA

4. Dxusyuꞌ jxpaꞌkaçmeeneꞌ ewmee kaapiyaꞌjsatxiꞌs

Religiones naꞌwsayã dxiꞌj fxiy fxiysana sũhuꞌneꞌta Dxusteçxa kũju. Nawa, ¿txãa yahkxnisa isamanx? Lẽeywe Mateo 7:13, 14, txajuꞌ naa paapẽynisatxis paswe:

• ¿Ĩtxi fxiꞌzewaꞌjaꞌs jxpaꞌkawaꞌj dxiꞌjyuꞌ maꞌwki?

Txãa VIDEUꞌS thegwe, txajuꞌ naa paapẽynisatxis paswe.

• ¿Dxusaꞌ jxuka religionesweꞌsxtxiꞌs jxpaꞌkamaꞌk?

 6. Dxusyuꞌ nasatxiꞌs kutxiꞌj wẽjene religión ewmeesate

Lẽeywe Apocalipsis 18:4, a txajuꞌ naa paapẽynisatxiꞌs paswe:

• Religión ewmeesa nasatxiꞌs kaajxpuban ũste, Dxusyuꞌ nweꞌw wẽjene, ¿idxyuꞌ maꞌwga yaatxi?

7. Dxus isasaꞌs wejxkwe mjiyu

Ewmee kaapiyaꞌjte, ¿Dxusaꞌ ewmeesanaꞌ sũhuꞌga? Naa ejemplote yahkx: Nçxiꞌk ney tasxu nvxithna uꞌjçxa, ewmeeçxaa yũun fxiꞌzete, ¿neyyuꞌ yuuwemanx?

• Religión ewmee kaapiyaꞌjte, ¿Dxusaꞌ yuuwemanx?, ¿Dxus yuweꞌs piyan ũsçxa nvxihtwaꞌj jiꞌphmaathaꞌw ewmee kaapiyaꞌjn ũste?

 ¿AYTE PAꞌJ KĨHKXTHAꞌW PIYA?

Religión ewmeesa Dxus yaseꞌs kũuhçxhiꞌjneꞌta, txãa seenaꞌ ewmee yũun ũspaꞌka. Isamee kaapiyaꞌjsaꞌs Dxusyuꞌ jxuka pebayawaꞌjna.

¿Kĩh pasuguigk?

• Ewmee religionteyuꞌ, ¿idxyuꞌ maꞌwga yaatxi?

• ¿Ewmee religionsatxiꞌs Dxusyuꞌ maꞌw kik yaatxi?

• ¿Dxusyuꞌ kĩh yũukx ewme religionsatxis?