PEꞌLA 15

¿Jesusyuꞌ kimna?

TAKH

¿Jesusyuꞌ kimna?

Jesusyuꞌ wala jxthuhthesana naa kiwete jxuka, txãjx yaseꞌs ksuusçxawa ew jimeeyã. Jesús kimtewa maii nasaweꞌsxaꞌ jimeeyã. Dxus yuwe maꞌwka kaapiyaꞌja.

1. ¿Jesusyuꞌ kimna?

Jesús vxasameena, txãayuꞌ çxhãçxhasana cielutene fxiꞌze. Jeuwa txãjx nçxiꞌkaꞌs nyaafxte vxitne, txãa paꞌka primogénito yaasena (Kolosenses 1:15). Dxus yuwe naꞌjĩꞌk: Jesús Dxus nçxiꞌk teeçxçxasana, txãayuꞌ Jeuwa vxitnisaꞌkyuꞌ kim yuhwa puꞌçxhmeeneꞌ Jesusaꞌs vxityaꞌ, txãa paꞌka unigenitone yaase (Juan 3:16). Jesús jaꞌda mjĩine Jeuwa yakh, kĩjkĩhnawa jxuka vxityaꞌ puꞌçxhne (lẽeywe Proverbios 8:30) Ãçxhwa txãaweꞌsxyuꞌ jaꞌda fxiꞌzen ũsyã. Jesusyuꞌ ptaꞌsxaꞌkyuꞌ, açyu Jeuwa jxkaahniꞌs jxuka kaajiyuꞌjne nasaweꞌsxtxiꞌs (Juan 1:14).

2. ¿Jesusyuꞌ kĩhjya kik naa kiwete yuhwe?

Jeuwa txãjx espíritu santo iijxũune milagros vxitkahn. María knasa nmiꞌ jiꞌphmeeneꞌyu, nawa Jeuwa txãjx nçxiꞌkaꞌs kaahne María txutxte. Txãꞌw yũuteꞌk Jesús naa kiwete upxh nasa naꞌw (lẽeywe Lukas 1:34, 35). Jesús naa kiwete kĩhçxa Cristo meeçxaꞌ Mesiaskuyuꞌ, nasatxiꞌs nweꞌwyaꞌ a. Dxusyuꞌ jxuka profecías kxtey yuuneꞌta Mesiaste. Jesús vxaate, maii nasaweꞌsx naꞌwneꞌta sũhuꞌ: “Idxaꞌ Dxus ĩtxisa Nçxiꞌkgu” (Mateo 16:16).

3. ¿Jesusyuꞌ ãçxh mtee ũski?

Jesús naa kiwete ĩtxi fxiꞌzeniꞌs jxãꞌjçxa, “Dxusaꞌ cielun peꞌjna uꞌjçxa maatewa jxthaakwe tuhthesa vxitçxa kiꞌp jxkaahwaꞌjsa” (Fxilipenses 2:9). Ãçxh Jesusyuꞌ wala jxthuhthesana, nawa Jeuwayuꞌ jxthaakwe jxthuhthesana Jesuste.

WEJXKWEÇXA PIYAN UꞌJWEKA

Wejxkwe thegyaꞌ ãjanaꞌw. Jesusyuꞌ kimtewa vxiteꞌ kĩh yũuçxa wala jxthuhthesana.

4. Jesusyuꞌ Dxus çxhãçxhasameena

Dxus eçaꞌ naꞌjĩꞌk: Jesusyuꞌ vxasameena, nawa wala çxhãçxhasana cielute. Nawa txãjx neyaꞌsne nwẽeseꞌje, ¿kĩh yũuçxakxthaꞌw txãa jĩi? Txãa VIDEUꞌS thegwe Jiyuyaꞌ ãjaneꞌga: Dxus eçaꞌ maajĩn kik weꞌwe Jesusyuꞌ ney naꞌwmeena. Jesús ney Dxus çxhãçxhasana.

VIDEU: ¿Jesucristoyu Dxusmanx? (3:22)

Naa texto kweꞌsxtxiꞌs jiyuyaꞌ puꞌçxhiꞌk: Jeuwa vxiteꞌ Jesusyuꞌ kim kik.

Lẽeywe Lukas 1:30-32.

¿Ángel maajĩ kik Jeuwa vxiteꞌ Jesuste, txãaweꞌsxyuꞌ nweꞌsxmanx? Kaajiyuꞌj.

Lẽeywe Mateo 3:16, 17.

¿Jesús yaꞌbautisaĩte cielujũ kĩhta weꞌwe? ¿Idxyuꞌ maa sũhuꞌga?
¿Jiiga kim kik weꞌw cielujũ?

Lẽeywe Juan 14:28.

¿Kim wala thẽꞌjsakx, txaꞌwẽy kim kik wejxkwe jxkaaha neymanx, nçxiꞌkmanx?
¿Jesusyuꞌ kĩh kik kaajiyuꞌj wẽje Jeuwaꞌs tata jiiçxa?

Lẽeywe Juan 12:49.

¿Jesusyuꞌ Jeuwa naꞌwẽymanx? ¿Jesusyuꞌ kĩh kik yaatxi? ¿Idxyuꞌ maa sũhuꞌga?

5. Jesusyuꞌ Dxus txhitxhnisana

Dxus eçaꞌ mazkwe profeciawa jiꞌphna, nasaweꞌsx jiyukahn Dxus txhitxhniꞌs kimtewa. Mesiasyuꞌ Dxus txhitxhnisana nasatxiꞌs nweꞌwkhan. Txãa VIDEUꞌS thegwe, piyaneꞌga: Jesusyuꞌ naa kiwete ũsçxa, kĩh profecía kik kxtey yuun kaah.

VIDEU: Jesusaꞌ profeciatxis jxuka kxtey yuun kahne (3:03)

Naa profecías Dxus eçte lẽey:

Lẽeywe Miqueas 5:2 kxtee pasuna Mesiasyuꞌ mtee kik upxh b

¿Jesús upxhniꞌs, naa profecía kxtey yuun kaahmaꞌk? (Mateo 2:1).

Lẽeywe Salmo 34:20 vxiteꞌ Zacarías 12:10 piyawe Mesías uumeyyuꞌ, kĩh kik yũu.

¿Naa profecía kxtey yũun kaahmaꞌk? (Juan 19:33-37).
¿Idxaꞌ maajĩguigk naa profecía, Jesusyuꞌ pheuꞌjmaꞌk kxtey yũukhan?
¿Jesuste idxyuꞌ kĩhga piya?

6. Jesusaꞌs jiyute puꞌçxhina

Jesuste piyate wala jxthuhthesana, txaꞌwẽy Jeuwa kĩh kik vxityaꞌ jxkaah, Dxus yuwe txãꞌwku kaapiyaꞌja. Lẽeywe Juan 14:6 vxiteꞌ 17:3, txajuꞌ naa paapẽynisatxis paswe: