PEꞌLA 17

¿Jesusyuꞌ maꞌwki?

TAKH

¿Jesusyuꞌ maꞌwki?

Jesús naa kiwete ũsi kĩjkĩhnawa ewsane vxit, txãaꞌs jiyuçxa Jesús ewsaneyuꞌ. Açyu Jeuwa vxiteꞌ Jesús namiku yũuyã ewuunaꞌw. ¿Jesusyuꞌ kĩhka ewsa kaavxaꞌja? ¿Kweꞌsxyuꞌ kĩh yũuwaꞌj jiꞌphkxthaꞌw, txãa naꞌwẽy yũuwaꞌj?

1. ¿Jesusyuꞌ maꞌwte Jeuwa naꞌwẽyki?

Jesusyuꞌ txeçxhne fxiꞌze cielute, açyu, Jeuwaꞌs thegyaꞌ ãjane, jiyuna Jeuwa kĩh yahkxna ũstewa, txaꞌwẽy kĩh wẽdxtewa, Jeuwa Jesusyuꞌ txaꞌwẽyçxane yaatxi (lẽeywe Juan 5:19). Txãa paꞌka, Jesusaꞌ ptaꞌsxku: “Adxna uysaꞌ, adx Tatanak uyuꞌ” (Juan 14:9). Jesusaꞌs piyaçxa Jeuwaꞌs txaꞌwẽy jiyuyaꞌ ãjanaꞌw. Jesusyuꞌ nasatxiꞌs wala peeykãhne, açyu, Jeuwa kweꞌsxtxiꞌs txaꞌwẽy peeykãhn ũsna.

2. Jesusyuꞌ peeykãhniꞌs neyaꞌs, ¿maꞌw kik kaavxaꞌjaꞌ?

Jesús naꞌjĩne: “Adx Tataꞌs nwẽeseꞌjçxa txajx jxkaajniꞌs kxtey yuusatewa” (Juan 14:31). Jesús naa kiwete ũsi, txãjx neyaꞌs wala wẽdxiꞌne, açyu, makwe thẽysa jiꞌphuçxawa nwẽseꞌjne. Açyu, Jesusyuꞌ Jeuwaꞌs peeykãhn ũsçxa vxiteꞌ nasatxiꞌs Jeuwate kaapiyaꞌjne, txãjx namiku yũuyã ãjakahn (Juan 14:23).

3. ¿Nasatxiꞌs wẽdxçxa Jesusyuꞌ maꞌwka kaavxaꞌja?

Dxus yuwe naꞌjĩꞌk: Jesusaꞌ nasatxiꞌs wala wẽdxiꞌne (Proverbios 8:31). Txãa paꞌka, puꞌçxhne nuykçxhãçxhane, txãꞌwyuꞌ kĩhwa ũythasmeeneꞌ, açyu, txãjx çxhãçxhasaꞌs vxiteꞌ txãjx peeykãhniꞌs kaavxaꞌjne milagros vxitnaꞌ (Marcos 1:40-42). Jesús jxukasaytxiꞌs ewne weꞌw, Jesús weꞌwnisaꞌ vxite nasatxiꞌs esperanza vxiteꞌ kvxiisxãꞌjniꞌs jiꞌphuyaꞌ ãjaneꞌta. Jesusyuꞌ wala nxus een jiꞌphune. Txaꞌwẽy kweꞌsx pakate uune. Jesús kaapiyaꞌjniꞌs nwẽeseꞌjte wejx thaakwe wẽdxiꞌne (Juan 15:13, 14).

WEJXKWEÇXA PIYAN UꞌJWEKA

Jesús ĩtxi fxiꞌzenisaꞌs wejxkwe jiyuyaꞌ ãjaneꞌga. Idxyuꞌ Jesús naꞌwẽy yũuyã ãjaneꞌga txaꞌwẽy vxite nasatxiꞌs peeykãhn.

4. Jesús neyaꞌs wẽdxiꞌne.

Jesús ejemployuꞌ kaapiyaꞌjaꞌk, maꞌw yũuçxa Dxus peeykãhniꞌs kaavxaꞌjaçxa ãjakxthaꞌw. Lẽeywe Lukas 6:12 txaꞌwẽy Juan 15:10 vxiteꞌ 17:26. Txajuꞌ naa paapẽynisatxis paswe:

Jesuste piyaçxa, ¿Jeuwaꞌs maꞌw peeykãhniꞌs kaavxaꞌjaçxa ãjakxthaꞌw?

Jesús txãjx neyaꞌs wala wẽdxiꞌne txaꞌwẽy wala puutx weꞌwne txãa yakh

5. Jesúsyuꞌ kũh yahkxna ũsuꞌ nasa seenaꞌ thẽysa jiꞌphsatxiꞌ

Jesusyuꞌ nasaweꞌsxtxiꞌs kũhne yahkx, wahtxçxawa een kutxiꞌjne nasaweꞌsxtxiꞌs puꞌçxh wẽeçxa. Lẽeywe Markos 6:30-44, txajuꞌ naa paapẽynisatxis paswe:

¿Jesús nasaweꞌsxtxiꞌs maꞌw kik kaavxaꞌja txãjx wẽdxwaꞌjaꞌs? (Thegwe versículos 31, 34, 41 vxiteꞌ 42).
¿Jesús txãa nasatxiꞌs kĩh yũucxa kik puꞌçxh? (Thegwe versículo 34).
Jesús txãjx ney naꞌwẽy yũute, ¿kĩhga piya Jeuwate?
¿Jesús naꞌwẽy maꞌw yũuyã ãjakxthaꞌw?

6. Jesusaꞌ peesçxa txãa yũu kĩhwa ũythasuçmeeneꞌ

Jesusyuꞌ kĩhwa jiꞌphmeeneyuꞌ, nawa ewku yũu, açyu, kweꞌsxtxiꞌs txaꞌwẽy kũh yũu jxthãasu. Lẽeywe Hechos 20:35, txajuꞌ naa paapẽynisatxis paswe:

Naa kaapiyaꞌjniteyuꞌ, ¿kweꞌsxtxiꞌs kĩh kitx puꞌçxh wãt fxiꞌzeyaꞌ?

Txãa VIDEOS thegwe, txajuꞌ naa paapẽynisatxis paswe:

VIDEO: “Peessa yakh wejx weçxa yujaꞌ jxpaꞌgasate jxthaakwe” (Peꞌla leçxkwesa) (4:00)

Kĩhwa jiꞌphmeeçxawa, ¿kĩh peesyaꞌ ãjakxthaꞌw?

¿Jiiga?

Dxus yuwe naꞌwku kaapiyaꞌjaꞌ, Jeuwa yakh puutx weꞌwçxa Jesús yaseꞌs kxsuswaꞌjna (lẽeywe Juan 16:23, 24). Txãꞌw yũuçxa Jesús vxitnisaꞌs weçxayaꞌ ãjanaꞌw, txaꞌwẽy Jeuwa namiku yũunaꞌw.

MAII NASAWEꞌSXA NAꞌJĨTX: “Nasa seenaꞌ pxthaa yũun fxiꞌzetewa Dxusyuꞌ yaatxiçmeeneꞌ jĩneꞌta”.