Mazkwẽ nasaweꞌsxaꞌ cristianosneꞌtayuꞌ jĩneꞌta, nawa fxiy fxiyneꞌta fxiꞌze, txaꞌwẽy txãjx kreĩniꞌsaꞌs fxiysaneꞌta yũu. Açyu, ¿isate cristianosweꞌsxtxiꞌs maꞌw yũuçxa jiyukxthaꞌw?

1. ¿Isateyuꞌ cristianoweꞌsxtxiꞌs maꞌw yũuçxa jiyukxthaꞌw?

Cristianosweꞌsxyuꞌ Jesucristo discipulosweꞌsxtxna (lẽeywe Hechos 11:26). ¿Maꞌw kaavxaꞌjatxki? “Jesusaꞌ txãjx juꞌgu yuusaaweꞌsxtxiꞌ naꞌjĩnak ptaꞌsx:—Adx kaapiyaꞌjniꞌs jxpumbamée nwẽeseꞌjçxaꞌ, adx nasa yuuçxa” (Juan 8:31). Açyu, cristiano isasaweꞌsxyuꞌ Jesús kaapiyaꞌjniꞌs nwẽeseꞌjwaneꞌta jiꞌphu. Jesusyuꞌ Dxus yuweꞌsne iijxũu Dxus weꞌweniꞌs ptaꞌsxkhan. Açyu, isasa cristianoweꞌsxyuꞌ Dxus yuweꞌs iijxũuwaꞌj jiꞌphyã, Jesús maꞌwne yũu txaꞌwẽy (lẽeywe Lukas 24:27).

2. ¿Cristianos isasaweꞌsxyuꞌ peeykãhniꞌs maꞌw kitx kaavxaꞌja?

Jesús txãjx discípulos “naꞌwẽth jxkaahaꞌ: adx maꞌwẽtka iꞌkweꞌsxtxi peeygãhaꞌ, iꞌkweꞌsxwa txãꞌwẽy puutx yaꞌpeeygãhna mfxiꞌzewe” (Juan 15:12). ¿Jesús txãjx discipulosweꞌsxtxiꞌs txãjx peeykãhniꞌs maꞌw kik kaavxaꞌja? Jesusyuꞌ een kutxiꞌjne txãaweꞌsx yakh ũsyaꞌ, puꞌçxhiꞌneꞌ, txaꞌwẽy uune txãaweꞌsx paꞌka (1 Juan 3:16). Isasa cristianosweꞌsxyuꞌ peeykãhniꞌs kaavxaꞌjn ũsyã, Jesús maꞌwne yũu txaꞌwẽy.

3. ¿Isasa cristianosweꞌsxyuꞌ kĩh yũun ũstxki?

Jesús mjĩiwaꞌjaꞌ nvxihtne txãjx discipulosweꞌsxtxiꞌs naꞌjĩne: meꞌjwe Dxus Gobiernos ptaꞌsxyaꞌ (Lukas 9:2). Cristianosweꞌsxyuꞌ pkhakheniteçxa ptaꞌsxiçmeeneꞌta, nasa pakweyaꞌ uꞌjweneꞌta mtee mtee ũstewa, txaꞌwẽy yat iisaneꞌta ptaꞌsxi (Hechos 5:42; 17:17). Ãçxhwa isasa cristianosweꞌsxyuꞌ Dxus yuweꞌs kaapiyaꞌjaneꞌta nasa mtee ũstewa. Nasatxiꞌs peeykãh paꞌka een kutxiꞌjneꞌta Dxus yuweꞌs ptaꞌsxyaꞌ vxiteꞌ Dxus kvxiisxãꞌjniꞌs kaajiyuꞌjn (Markos 12:31).

 WEJXKWEÇXA PIYAN UꞌJWEKA

4. Dxus yuwete isasaꞌs pakwewe

5. Dxus yuwe isasaꞌs ptaꞌsxtx

 6. Txãaweꞌsx ejemplo yakh kaajiyuꞌjtx

Cristianismo isasa uyçxa, ¿Tom maꞌw kik jiyu? Txãa VIDEUꞌS thegwe, txajuꞌ naa paapẽynisatxis paswe:

• ¿Tom kĩh yũuçxa kik religionaꞌs wẽdxiꞌçmee?

• ¿Tom maꞌwte kik isasaꞌs uy sũhuꞌ?

Yuweçxa weꞌwte jxthuhthesameena kxtey yuute jxthuhthesana. Lẽeywe Mateo 7:21, txajuꞌ naa paapẽynĩsatxiꞌs paswe:

• ¿Kweꞌsx krẽiꞌjniꞌsamanx vxiteꞌ kweꞌsx vxitniꞌsamanx Jesús jĩi, kĩh wala jxthuhthesakx?

7. Txãaweꞌsxyuꞌ yaꞌpeeykãhaneꞌta

• Isasa cristianosweꞌsxaꞌ makwe nasa fxiytewa, ¿maꞌw peeykãhwaꞌj jiꞌphtxki?

• Isasa cristianosweꞌsxaꞌ makwe puiin ũstewa, ¿kĩh yũuwaꞌj jiꞌphkxthaꞌw?

 ¿AYTE PAꞌJ KĨHKXTHAꞌW PIYA?

Isasa cristianosweꞌsxyuꞌ Dxus yuweꞌs jxkaahniꞌs kxtey yuuneꞌta, vxitetx puꞌçxhineꞌta peeykãhçxa, txaꞌwẽy Dxus yuweꞌs isasas ptaꞌsxineꞌta.

¿Kĩh pasuguigk?

• Cristianos isasaweꞌsxyuꞌ, ¿kĩhteta krẽiꞌj?

• Cristianos isasaweꞌsxyuꞌ, ¿kĩh ewsa jiꞌphtxki?

• Txãaweꞌsxyuꞌ, ¿kĩh mjĩiniꞌsa jiꞌphtxki?