PEꞌLA 19

Jeuwa kaajiyuꞌjsaweꞌsxaꞌ ¿isateyuꞌ cristianotxmanx?

TAKH

Jeuwa kaajiyuꞌjsa isate cristianoyã. Theguka, ¿kĩh yũuçxa kik Jeuwa kaajiyuꞌjsa yaase? Txaꞌwẽy thegya ãjanaꞌw maꞌwneꞌta yaꞌpeeykãhaꞌ.

1. ¿Jeuwa kaajiyuꞌjsa kĩhta kreĩꞌj?

Jesús txãjx neyaꞌs naꞌjĩne: Idx weꞌwniꞌs isasa yũuna (Juan 17:17). Jeuwa kaajiyuꞌjsaꞌweꞌsxyuꞌ Jesús naꞌwẽythaꞌw yũu: Dxus yuweꞌsçxathaꞌw krẽi. Theguka, Jeuwa kaajiyuꞌjsa maꞌw kik takh. 1870te kũhmeekwesa Dxus eçaꞌs piyan uꞌpuneꞌta. Nawa txãaweꞌsxyuꞌ Dxus eçaꞌsçxãaneꞌta iijxũu isasaꞌs jiyukahn. Vxite religión ewmeeneꞌta ptaꞌsx, nawa kũhmeekwesa ew piyaçxa vxitetx ptaꞌsxneꞌta. a

2. ¿Kĩh yũuçxa Jeuwa kaajiyuꞌjsa yaasekxthaꞌw?

Jeuwa txãjx selpisaatxiꞌs naꞌjĩꞌk: Adxaꞌs kaajiyuꞌjsakiꞌkwe Dxus yuweꞌs isa ptaꞌsx paꞌka (Hebreos 11:4–12:1). Txaanteyyuꞌ Jeuwa txãjx çxhabaꞌs naꞌjĩne: Adxna kaajiyuꞌjuneꞌkwe (lẽewe Isaías 43:10). Jesús nes kaajiyuꞌjsa neeyũu txaꞌwneꞌta paꞌya (Apocalipsis 1:5). Txãa paꞌka, 1931te Jeuwa kaajiyuꞌjsa yase iijxũuthaꞌw. Wala weçxan ũsthaꞌw txãa yase paꞌka.

3. ¿Jeuwa kaajiyuꞌjsaweꞌsxyuꞌ Jesús peeykãaniꞌs maꞌw kitx kaavxaꞌja?

Jesús txãjx discipulosweꞌsxtxi wala peeykãhaꞌjane, nweꞌsxsa naꞌwne thegu (lẽeywe Markos 3:35). Jeuwa kaajiyuꞌjsaweꞌsx naa kiwete jxuka nweꞌsx naꞌwẽy theguneꞌta, txãa paꞌkate yakhthẽꞌj vxiteꞌ npeꞌsx jĩneꞌta (Filemón 1, 2). Txaꞌwẽy naa yuꞌkxpehnisneꞌta wẽseꞌje “jxukaysa yakh ewçxáa mfxiꞌzewe, yakhthẽꞌjweꞌsxtxi peeygãhna” (1 Pedro 2:17). Naa peeykãaniꞌs kaavxaꞌjneꞌta, Jeuwa kaajiyuꞌjsaweꞌsx naa kiwete jxuka yaꞌpuꞌçxhneꞌta maakwe thẽysa paꞌjtewa.

WEJXKWEÇXA PIYAN UꞌJWEKA

Jeuwa kaajiyuꞌjsa fxiꞌzeniꞌs ew jiyuçxa, thegya ãjanaꞌw maꞌw yũuçxa kitx isasa cristiano yũu.

Isasa cristianosweꞌsxyuꞌ Dxus yuweꞌsçxãaneꞌta krẽi, açyu vxite nasaweꞌsxtxiꞌs ptaꞌsxneꞌta

4. Kweꞌsx krẽinisa Dxus eçteçxa ũssa

Jeuwa ptaꞌsxne Dxus eçte isasa ew jiyuyaꞌ ãjanaꞌw. Lẽeywe Daniel 12:4, txajuꞌ naa paapẽynisatxis paswe:

Dxusna selpisaaweꞌsxyuꞌ Dxus yuweꞌs piyaçxa, ¿kĩh wala “peenan” ũski?

Thegwe maꞌw kitx kũhmeekwesaꞌ Dxus yuweꞌs piyan ũsuꞌ Charles Russell yakh. Txãa VIDEUꞌS thegwe, txajuꞌ naa paapẽynisatxis paswe:

VIDEU: ¿Isasas maꞌw kitx jiyun kah? (7:45)

Naa videuꞌs uyçxa, ¿maꞌw kitx yũu Dxus yuweꞌs piyawaꞌj Charles Russell vxiteꞌ piyasaweꞌsx yakh?

¿Jiiga?

Kweꞌsx krẽiniꞌs maꞌwẽn eente yuꞌptheꞌjwa jiꞌphnetkhaꞌw ¿kĩh yũuçxa? Sek kãhçxa dud dudçxa zxiçxkwe vxan uꞌjwene, Dxus txaꞌwẽyçxa dud dudçxa kaajiyun ũsna Dxus yuweꞌs (lẽeywe Proverbios 4:18). Açyu Dxus yuweꞌs yuꞌptheꞌjmeena, nawa dud dud piyan uꞌjçxayuꞌ wejxkwe ew jiyunaꞌw.

5. Kweꞌsx yaseꞌs kaajiyuꞌjunaꞌw kimweꞌsxtewa

¿Kĩh yũucxa Jeuwa kaajiyuꞌjsa yaasekxthaꞌw? Txãa VIDEUꞌS thegwe, txajuꞌ naa paapẽynisatxis paswe:

VIDEU: Kweꞌsxyu Jeuwa kaajiyuꞌjsathaꞌw (2:40)

¿Jeuwa kaajiyuꞌjsa yase kĩh yũuçxa wala ewki?

¿Jeuwa kĩh yũuçxa kik nasatxiꞌs iijxũu kaajiyuꞌjsa yũukhan? Jeuwate seenaꞌ ĩsxiin weꞌwneꞌta, nawa txãa kaajiyuꞌjsaweꞌsxyuꞌ Jeuwate isasaꞌs ptaꞌsxneꞌta. Theguka kĩh ĩsxiinisaꞌs kik weꞌw.

Maii religiones naꞌwneꞌta kaapiyaꞌj: Imágenes iijxũuwaꞌjna. Dxusaꞌs selpii wẽeçxa, ¿txãa weꞌwnisa isamanx? Lẽeywe Levítico 26:1, txajuꞌ naa paapẽynisatxis paswe:

¿Maa isasakx, Dxusyuꞌ imagenweꞌsxtxiꞌs maꞌw kik theguꞌ?

Maii religiones Jesusaꞌs Dxusna jĩneꞌta. Nawa, ¿txãa weꞌwnisa isamanx? Lẽeywe Juan 20:17, txajuꞌ naa paapẽynisatxis paswe:

¿Maa isasakx, Jesusyuꞌ Dxus naꞌwẽymanx?
Jeuwa jxkaahneꞌ txãjx kaajiyuꞌjsaweꞌsxtxiꞌs isasaꞌs ptaꞌsxyaꞌ txãjx nçxiꞌkna, ¿Idxyuꞌ maa sũhuꞌguigk?

6. Kweꞌsx yaꞌpeeykãhathaꞌw

Dxus yuweyuꞌ cristianoweꞌsxtxiꞌs kaajaꞌdaꞌjne kweꞌsx kwekwe yakh. Lẽeywe 1 Korintios 12:25, 26, txajuꞌ naa paapẽynisatxis paswe:

¿Isasa cristianosweꞌsxyuꞌ kĩh yũuwaꞌj jiꞌphtxki vxiteweꞌsx pxthaa yũun ũste?
¿Idxaꞌ uymag Jeuwa kaajiyuꞌjsayuꞌ maꞌwta yaꞌpeeykãha?

Jeuwa kaajiyuꞌjsaweꞌsx nxus een jiꞌphute, txãjx yakthẽꞌjweꞌsxyuꞌ dud puꞌçxhineꞌta. Txãa VIDEUꞌS thegwe. Txajuꞌ naa paapẽynisatxis paswe:

VIDEU: Haititeweꞌsxaꞌ wala weçxan ũsyã makwe huracán Matthew jxuka pebatewa (5:29)

Jeuwa kaajiyuꞌjsaweꞌsx nxus een jiꞌphute, ¿peeykãhçxa puꞌçxhmatx?, ¿kĩh yũuçxa?

Isasa cristianosweꞌsxyuꞌ peeykãaniꞌs kaavxaꞌjaneꞌta peejxsatxiꞌs puꞌçxhna

MAII NASAWEꞌSXA NAꞌJĨTX: “Jeuwa kaajiyuꞌjsa religión uꞌsesana”.

¿Jeuwayuꞌ txãjx selpisaatxiꞌs baaçxka yase kiꞌp?

¿AYTE PAꞌJ KĨHKXTHAꞌW PIYA?

Jeuwa kaajiyuꞌjsaweꞌsx isate cristianoyã. Naa kiwete Dxusaꞌs selpiinaꞌw nweꞌsx naꞌw. Txãa krẽinisaꞌs Dxus eçte kutxiꞌjnisana, txaꞌwẽy Dxus isasaꞌs ptaꞌsxneꞌta.