Jeuwa jxuka ew pheuꞌjnisa ũsna (1 Korintios 14:33). Açyu, txãjx çxhab txaꞌwẽyçxa ew pheuꞌjn ũsna. Congregación cristiana, ¿maꞌw pheuꞌjni ũski? ¿Kweꞌsxyuꞌ kĩh yũuwaꞌj jiꞌphkxthaꞌw jxuka kxtey yuuwaꞌj?

1. ¿Congregacionaꞌs kim kik jxkaaha?

“Kristowa maꞌwẽga txajx nweꞌwenisatxiꞌs thegna jxpeꞌjeꞌ” (Efxesios 5:23). Jesús cielujuy txãjx çxhabaꞌs jxkaahn ũsna naa kiwete jxuka. Ew mjĩi nes yũusa txhitxhneꞌ, thẽꞌjsa wala txeçxh selpiineꞌta, açyu txãaweꞌsxyuꞌ kũhmee thẽꞌjsaweꞌsx jxkaahsane yaase (lẽeywe Mateo 24:45-47). Txaantey apostolesweꞌsx vxiteꞌ thẽꞌjsaweꞌsxaꞌ congregacionte jxkaahaneꞌta. Ãçxhwa Kũhmee thẽꞌjsaweꞌsx jxkaahsa congregacionaꞌs jxkaahn ũsyã naa kiwete uta (Hechos 15:2). Txãa piçthẽꞌjweꞌsxyuꞌ kweꞌsx organizacionte namumeeyã. Txãaweꞌsxyuꞌ Dxus yuweꞌs lẽeyneꞌta, Dxus jxkaahniꞌs jiyuwaꞌj. Açyu, Jeuwa jxkaahniꞌsneꞌta pakwe kĩhçxa Jesús maꞌwne weꞌw kxtey yuuneꞌta.

2. ¿Thẽꞌjsaweꞌsxyuꞌ kĩhta yũu?

Thẽꞌjsaweꞌsxyuꞌ wala jiisayã. Txãaweꞌsxyuꞌ Dxus eç yakh kaapiyaꞌjneꞌta, txaꞌwẽy puꞌçxhneꞌta kçxhãçxhaꞌjyaꞌ vxite yakthẽꞌjweꞌsxtxiꞌs. Txãa piçthẽꞌjweꞌsxyuꞌ “Dxus luuçx txãatx jxpaꞌyakx miipeꞌjwe, piisxáa-thegsa naꞌwẽ. Saꞌ vxuu jxpaꞌgawaꞌjçxáꞌs yajkxna txãꞌwẽ yũumée” (1 Pedro 5:1, 2). Thẽꞌjsaweꞌsx yakh selpiina puꞌçxhsa Dxus jxkaahniꞌs kxtey yuuçxa, txãaweꞌsxwa thẽꞌjsa yũun kaahayã.

Kũhmee thẽꞌjsaweꞌsx jxkaahsa maii thẽꞌjsaweꞌsx txhitxhneꞌta, thẽꞌjsaweꞌsx tadxiisa yũukhan. Txãa yakthẽꞌjweꞌsxyuꞌ congregacionte paꞌjçxa puꞌçxhwaꞌjaꞌs vxiteꞌ kçxhãçxawaꞌjaꞌs ũsneꞌta. Thẽꞌjsa tadxiisa txhitxhyaꞌ ãjaneꞌta thẽꞌjsaweꞌsx yakh selpiina puꞌçxhsa. Dxus weꞌwniꞌs kxtey yuuçxa thẽꞌjsa yũukhan (1 Timoteo 3:1-10, 12; Tito 1:5-9).

3. ¿Kaajiyuꞌjsaweꞌsxyuꞌ kĩhta yũu?

Pkhakheniteyuꞌ Jeuwaꞌs weçxanaꞌw, memunaꞌw, paapẽynisatxiꞌs pasuna txaꞌwẽy Dxus yuweꞌs ptaꞌsxyaꞌ ãjanaꞌw (lẽeywe Salmo 148:12, 13).

 WEJXKWEÇXA PIYAN UꞌJWEKA

4. Jesús neꞌjweꞌsx meh ewsana

Jesusyuꞌ wala zxiçxkwe yũuyaꞌ piꞌkxne. Lẽeywe Mateo 11:28-30, txajuꞌ naa paapẽynisatxis paswe:

• ¿Jesús jxkaahni maꞌwki? ¿Maꞌw kik yahkx thãasu?

5. Thẽꞌjsaweꞌsxyuꞌ txãjx ejemplote yakh kaapiyaꞌjaneꞌta

1. (1) Thẽꞌjsaweꞌsxyuꞌ Jeuwate wejxkwe namiku yũuneꞌta, txaꞌwẽy txãjx nweꞌsxtxiꞌs puꞌçxhneꞌta txaꞌwẽy yũun

2. (2) Thẽꞌjsaweꞌsxyuꞌ kũh yahkxneꞌta jxuka congregacionteweꞌsxtxiꞌs

3.  (3) Thẽꞌjsaweꞌsxyuꞌ Dxus eçaꞌs ptaꞌsxneꞌta peꞌçxkanamee

4. (4) Thẽꞌjsaweꞌsxyuꞌ pkhakheni yattaꞌs padna. Khũkhyaꞌ puꞌçxhineꞌta vxiteꞌ kĩh yũun ũstewa txaꞌwẽy

6. Thẽꞌjsaweꞌsx yakh jaꞌdan mjĩin ũsthaꞌw

Dxus eçaꞌ kaapiyaꞌjaꞌk, kĩh yũuçxa wala jxthuhthesana thẽꞌjsaweꞌsxtxiꞌs puꞌçxhte. Lẽeywe Hebreos 13:17, txajuꞌ naa paapẽynisatxis paswe:

• ¿Kĩh yũuçxa thẽꞌjsaweꞌsxtxiꞌs waꞌlmee nwẽeseꞌjwaꞌj jiꞌphkxthaꞌw?, ¿idxyuꞌ maꞌwga yaatxi?, ¿kĩh yũuçxa?

Lẽeywe Lukas 16:10, txajuꞌ naa paapẽynisatxis paswe:

• ¿Thẽꞌjsaweꞌsxtxiꞌs kĩh yũuçxa puꞌçxhwa jiꞌphkxthaꞌw?

 ¿AYTE PAꞌJ KĨHKXTHAꞌW PIYA?

Jesusyuꞌ pkhakhesatxiꞌs jxkaahn ũsna. Thẽꞌjsaweꞌsxyuꞌ nwẽeseꞌjn ũstxna Jesusaꞌs. Açyu, kweꞌsxyuꞌ thẽꞌjsaweꞌsxtxiꞌs nwẽeseꞌjn puꞌçxhithaꞌw.

¿Kĩh pasuguigk?

• ¿Pkhakhesatxiꞌs kim kik jxkaaha?

• ¿Thẽꞌjsaweꞌsxyuꞌ pkhakhesatxiꞌs maꞌw puꞌçxhna ũstxki?

• Jeuwa kaajiyuꞌjsaweꞌsxyuꞌ, ¿kĩhta yũu?