PEꞌLA 21

¿Ewsa tuutheꞌjniꞌs maꞌw ptaꞌsxna ũstxki?

TAKH

Jeuwa txãjx Gobiernojũ jxuka ewmeesaꞌs pabayawaꞌjna txeçxhmee pejxna. Txãa weꞌwnisa meh ewna, txãa paꞌka vxite nasatxiꞌs ptaꞌsxwaꞌjna. Jesús txãjx discipulosweꞌsxtxiꞌs jxuka nasatxiꞌs ptaꞌsxyaꞌ jxthãasu. (Mateo 28:19, 20). Jeuwa kaajiyuꞌjsaweꞌsxaꞌ, ¿kĩh kik yũu Jesús jxkaahniꞌs nwẽeseꞌj wẽeçxa?

1. ¿Mateo 24:14 maꞌw kxtey yuun ũsna?

Jesús naꞌjĩne: “Naapkaçxhaꞌ Dxus jxkaahwaꞌjaꞌs ptaꞌsxnisaꞌ maa kiwetewa jxuka ptaꞌsxni yuuna mteeweꞌsxwa jxuka jiyukahn” (Mateo 24:14). Jeuwa kaajiyuꞌjsa jxuka nasatxiꞌs ptaꞌsxyaꞌ wẽdxiꞌthaꞌw naa weꞌwnisaꞌs. Naa ewsa tuutheꞌjnisaꞌs naa kiwete jxuka ptaꞌsxna ũsthaꞌw 1.000 yuweꞌsu thakwee, wala çxhãçxha mjĩiwaꞌj jiꞌphnetkhaꞌw. Naa weꞌwnisaꞌs kxtey yuukhan kĩhwa yũuyã ãjameenaꞌw, Jeuwa puꞌçxhmeeteyuꞌ.

2. ¿Vxite nasatxiꞌs Dxus yuweꞌs ptaꞌsx wẽeçxa kĩh yũukxthaꞌw?

Ptaꞌsxithaꞌw nasa mtee ũstewa cristiano siglo primeroteweꞌsx yat iisa Dxus yuweꞌs ptaꞌsxneꞌta, kweꞌsxwa txaꞌwẽythaꞌw yũu Dxus yuweꞌs yat iisa ptaꞌsxithaꞌw (Hechos 5:42). Txãꞌw yũute mazkwẽ nasaweꞌsxaꞌ Dxus yuweꞌs ptaꞌsxyaꞌ ãjanaꞌw nasa mtee ũstewa. Maii nasaweꞌsxyuꞌ yatte upuçmeeneꞌta, nawa mtee ũstewa Dxus yuweꞌs ptaꞌsxithaꞌw, nasatxiꞌs pakwethaꞌw mtee ũstewa Dxus yuweꞌs ptaꞌsxyaꞌ.

3. ¿Kimweꞌsx ewsa tuutheꞌjniꞌs ptaꞌsxwaꞌj jiꞌphtxkx?

Cristiano isasaweꞌsxaꞌ Dxus yuweꞌs ptaꞌsxwaꞌj jiꞌphtxna. Naa weꞌwnisa wala jxthuhthesana kweꞌsx jĩi, nasa ĩtxi fxiꞌzenisaꞌs vxituyaꞌwate jĩçxa, een walmee kukxiꞌjthaꞌw Dxus yuweꞌs ptaꞌsxyaꞌ (lẽeywe 1 Timoteo 4:16). Kweꞌsx mjĩiniꞌs kimna dukheçmeene. Dxus eçaꞌ naꞌjĩꞌk: Vxupaꞌkamee piya, açyu vxupaꞌkamee kaapiyaꞌjthaꞌw (Mateo 10:7, 8). Vxite nasayuꞌ wẽseꞌjeçmeeneꞌta, nawa kweꞌsxyuꞌ Dxusaꞌsçxathaꞌw weçxa Jeuwa wãt yahkxkhan.

WEJXKWEÇXA PIYAN UꞌJWEKA

Theguka, Jeuwa kaajiyuꞌjsaweꞌsxyuꞌ kĩhta yũu Dxus yuweꞌs ptaꞌsx wẽeçxa naa kiwete uta, nawa Jeuwayuꞌ maꞌw puꞌçxhna ũski.

Naa kiwete jxuka Dxus yuweꞌs ptaꞌsxithaꞌw: (1) Costa Rica; (2) Estados Unidos; (3) Benín; (4) Tailandia; (5) Yap (Micronesia); (6) Suecia.

4. Wala çxhãçxha mjĩithaꞌw nasatxiꞌs pakweyaꞌ

Jeuwa kaajiyuꞌjsaweꞌsxaꞌ een kukxiꞌjneꞌta. Dxus yuweꞌs ptaꞌsx wẽeçxa, nasa mtee ũstewa. Txãa VIDEUꞌS thegwe, txajuꞌ naa paapẽynisatxis paswe:

VIDEU: Mtee mtee maa kiwetewa jxuka Dxus yuwes seena ptaꞌsxna ũsthaꞌw (7:33)

Jeuwa kaajiyuꞌjsaweꞌsx kaapiyaꞌjniꞌs, ¿kĩhga wejxkwe wẽdxi?

Lẽeywe Mateo 22:39 vxiteꞌ Romanos 10:13-15, txajuꞌ naa paapẽynisatxis paswe:

Vxite nasaweꞌsxtxiꞌs peeykãhçxayuꞌ Dxus yuweꞌs kaapiyaꞌjathaꞌw, ¿kĩh yũuçxa?
Dxus yuweꞌs ptaꞌsxsatxiꞌs, ¿Jeuwayuꞌ maꞌw kik theguꞌ? (Versículo 15 meen thegwe).

5. Dxusaꞌs puꞌçxhithaꞌw

Dxus yuweꞌs ptaꞌsxwaꞌjaꞌs Jeuwayuꞌ jxkaahn ũsna. Nueva Zelanda çxhabte: Teeçx yakhthẽꞌj kusuçte yat iisa Dxus yuweꞌs ptaꞌsxyaꞌ kaseꞌjene, txãa eenteyuꞌ teeçx uꞌy yakhne weꞌwe, txãa uꞌyyuꞌ naꞌjĩꞌne: Kusitey Dxus yakh puutx weꞌwthu, txãjx yaseꞌs kxsusna pẽhythu, Dxus yuweꞌs kaapiyaꞌjkhan. Açyu, “tekh hora skhẽwte” txãjx vxitxte puꞌtathni wẽseꞌjth. Paulneyuꞌ “vxitxte puꞌtatasa Dxus yuweꞌsne ptaꞌsxna ũsu”.

Lẽeywe 1 Korintios 3:9, txajuꞌ naa paapẽynisatxis paswe:

Jeuwa Dxus yuweꞌs ptaꞌsxwaꞌjaꞌs jxkaahn ũsna, ¿naa ejemplo maꞌw kik kaavxaꞌj?

Lẽeywe Hechos 1:8, txajuꞌ naa paapẽynisatxis paswe:

¿Dxus yuweꞌs ptaꞌsxwa kĩh yũuçxa Jeuwaꞌs peejxthaꞌw?

¿Jiiga?

Kisu iisa pkhakheçxa kaapiyaꞌjaneꞌta Dxus yuweꞌs ptaꞌsxwa, ¿idxyuꞌ pkhakheçxa, txãa kaapiyaꞌjniꞌs maꞌwga theguꞌ?

6. Dxus yuweꞌs ptaꞌsxte Jeuwa jxkaahniꞌs nwẽeseꞌjethaꞌw

Siglo primerote Jesús discipulosweꞌsxtxiꞌs ahçesaweꞌsxyuꞌ Dxus yuweꞌs ptaꞌsxte wẽdxiçmeeneꞌta, txãa cristianosweꞌsxyuꞌ Dxus yuweꞌs ptaꞌsxyaꞌ ãjakhan wala nweꞌweneꞌta (Fxilipenses 1:7). Ãçxhwa Jeuwa kaajiyuꞌjsaweꞌsxyuꞌ txaꞌwẽyçxa yũun ũsthaꞌw. a

Txãa VIDEUꞌS thegwe.