PEꞌLA 22

¿Maꞌw yũuçxa Dxus yuweꞌs ptaꞌsxyaꞌ ewuuguigk?

TAKH

Dxus yuweꞌs isasaꞌs jiyuçxa naꞌw yahkxneꞌga: Vxite nasatxiꞌs naa ewsa tuutheꞌjniꞌs ptaꞌsxwaꞌj jiꞌphthu. Nawa Dxus yuweꞌs ptaꞌsx wẽeçxa wala ũukhneꞌga. Ayte uyuuneꞌga naa yuꞌkxpehnisaꞌs Dxus yuweꞌs ũukhmee ptaꞌsxwaꞌj. Txaꞌwẽy wãt fxiꞌzeyaꞌ ãjaneꞌga, vxitetxiꞌs Dxus yuweꞌs ptaꞌsxçxa.

1. Idx jiyunisatxiꞌs, ¿maꞌw Dxus yuweꞌs ptaꞌsxyaꞌ ewuuguigk?

Discipulosweꞌsxyuꞌ naꞌjĩneꞌta: “Kĩhkĩhwa kweꞌsx yafxju yuu uyna wẽseꞌjna yuuniꞌs weh yuhwa sxuunaꞌ yuuyaꞌ ãjameꞌnjaꞌw” (Hechos 4:20). Txãaweꞌsx jĩi wala jxthuhthesa yũune Jesús kaapiyaꞌjniꞌs, txãa paꞌka vxite nasatxiꞌs ptaꞌsx wẽjeneꞌta. Idxaꞌ txaꞌwẽyga yahkxyaꞌ, namikuweꞌsx vxiteꞌ yat pweꞌsx yakh weꞌwna ũsçxa. Dxus yuweꞌs ptaꞌsxyaꞌ ewuuneꞌga respeto yakh weꞌwwaꞌj jiꞌphuneꞌga (lẽeywe Kolosenses 4:6).

Naa yuꞌkxpehnisaꞌs weꞌwwaꞌj takheneꞌga

Yatteweꞌsx yakh weꞌwna ũsçxa, naꞌjĩn ptaꞌsxyaꞌ ãjaneꞌga: “Naa kisute ewsa tuutheꞌjni piyath”.
Idx namiku wala nxusna ũste vxiteꞌ ãçaꞌn ũste, nuyçxhãçxha wẽeçxa versículo ewsa mlẽey.
Idx yakh mjĩisa paapẽyte: naa kisute kĩhga yũu jĩte, ptaꞌsxyaꞌ ewuuneꞌga pkhakheçxa kaapiyaꞌjniꞌs.
Idxyuꞌ namikuweꞌsxtxiꞌs kaavxaꞌjyaꞌ ãjaneꞌga internette jw.org.
Vxitetxiꞌs piꞌkxyaꞌ ãjaneꞌga Dxus yuweꞌs piyayaꞌ idx yakh, txaꞌwẽy kaapiyaꞌj jw.org te maꞌw Dxus yuwete wejxkwe piyayaꞌ ãjana.

2. ¿Kĩh yũuçxa wala ewki pkhakhesaweꞌsx yakh Dxus yuweꞌs ptaꞌsxte?

Jesús discipulosweꞌsxyuꞌ Dxus yuweꞌs jxukaysatxi ptaꞌsxneꞌta. Jesusyuꞌ “eꞌz eꞌzku yaçte kaaj, txajx paꞌjwaꞌj çxhambsu mteewa jxuka” (Lukas 10:1). Txãꞌw yũute mazkwe nasaweꞌsxyuꞌ Dxus ewsaꞌs tuutheꞌjniꞌs wẽseꞌjneꞌta. Discipulosweꞌsxyuꞌ jaꞌda Dxus yuweꞌs ptaꞌsxçxa wala weçx weçxa yahkxneꞌta (Lukas 10:17). Idxaꞌ pkhakheçxa, ¿Dxus yuwe ptaꞌsxyaꞌ uꞌjyaꞌ ewuumag?

WEJXKWEÇXA PIYAN UꞌJWEKA

Piya kĩh yũuyaꞌ ãjaguigk ũukhwaꞌjaꞌs nvxihtyaꞌ. Txaꞌwẽy weçx weçxa yahkxyaꞌ ãjaneꞌga Dxus yuweꞌs ptaꞌsxte.

3. Jeuwa idx yakh ũssuna

Vxite nasatxiꞌs Dxus yuweꞌs ptaꞌsx wẽeçxa, ũukhune vxite maajĩtxki sũhçxa.

¿Idxyuꞌ txaꞌwẽyçxa yaatximag?, ¿ũukhmag?, ¿kĩh yũuçxa?

Txãa VIDEUꞌS thegwe, txajuꞌ naa paapẽynisatxis paswe.

VIDEU: Jeuwas wala pẽhythu ũus çxhãçxha yahkxya (4:05)

¿Jeꞌz knaꞌsa vxiteꞌ teeçx piçtakx kĩhta yũu ũukhwaꞌjaꞌs jiꞌphuyaꞌmee?

Lẽeywe Isaías 41:10 txajuꞌ naa paapẽynisatxis paswe:

Dxus yuwe ptaꞌsx wẽeçxa ũukhyuꞌte, ¿kĩh yũuçxa Dxus yakh puutx weꞌwwaꞌj jiꞌphguigk?

¿Jiiga?

Ãçxh Jeuwa kaajiyuꞌjsaweꞌsxyuꞌ naa sũhuꞌneꞌta: Baaçx yuhwa Dxus yuweꞌs ptaꞌsxyaꞌ ãjameenaꞌw jĩneꞌta. Sergeyyuꞌ naꞌwne yahkx kĩhte yuhwa selpiisameeth, vxite nasaweꞌsx yakh weꞌwyaꞌ wala thẽynane thegu. Nawa, Sergeyyuꞌ Dxus yuweꞌs piyayaꞌ takhne vxiteꞌ txãayuꞌ naꞌjĩne: Nasatxiꞌs ũukhçxawa Dxus yuweꞌs ptaꞌsxyaꞌ takhthu. Ãçxhaꞌ naꞌwthu yaatxi, wala selpisaath vxite nasatxiꞌs Dxus yuweꞌs ptaꞌsxte, adx fe wala kçxhãçxha.

4. Respeto kaavxaꞌjwaꞌjna

Dxus yuweꞌs ptaꞌsx wẽeçxa, myaahkx kĩh weꞌweyaꞌwaçxaꞌwa. Lẽeywe 2 Timoteo 2:24 xiteꞌ 1 Pedro 3:15, txajuꞌ naa paapẽynisatxis paswe:

Vxite nasaweꞌsx yakh Dxus yuwete weꞌwçxa, ¿naa yuꞌkxpehnisaꞌs maꞌw kxtey yuuyaꞌ ãjaguigk?
Idx yatteweꞌsx vxiteꞌ namikuweꞌsx, idx naꞌwẽy yahkxmeete, ¿kĩh yũuyaꞌ ãjaguigk?, ¿kĩh yũuwaꞌj jiꞌphmeeguigk?
Biu paapẽywaꞌj jiꞌphnetkhaꞌw, jxuka ptaꞌsxwaꞌjmeena kĩh yũuyãwatewa, ¿txãꞌw yũu ewmanx?

5. Dxus yuweꞌs ptaꞌsxçxa wala weçx weçxa yaatxithaꞌw

Jeuwayuꞌ Jesusnane neeweꞌwe Dxus yuweꞌs ptaꞌsxwaꞌjaꞌs. ¿Jesusyuꞌ maꞌw kik thegu txãa ptaꞌsxwaꞌjaꞌs? Lẽeywe Juan 4:34, txajuꞌ naa paapẽynisatxis paswe:

Ũꞌnisaꞌs ũꞌçxa ĩtxine yaꞌfxiꞌze txaꞌwẽy wãtne yaꞌfxiꞌze. Jeuwa txãjx jxkaahniꞌs kxtey yuute Dxus yuweꞌs ptaꞌsx. ¿Jesúsyuꞌ kĩh yũuçxa kik ũꞌnisa yakh kaajaꞌdan weꞌw?
Ewsaꞌs tuutheꞌjniꞌs vxite nasaweꞌsxtxiꞌs ptaꞌsxçxa, ¿idxyuꞌ kĩh jxpaꞌkaguigk?

Yuꞌkxpehnisaꞌs

Kisu iisa pxãhte pkhakheçxa, theg maꞌw weꞌweyaꞌ ãjaguigk Dxus yuweꞌs ptaꞌsx wẽeçxa.
Kisu iisa pkhakheçxa, idx kaapiyaꞌjsa yakh weꞌweneꞌga txãꞌw yũuçxa ew piyaneꞌga. Kĩhçxa maꞌwneꞌta kaapiyaꞌja pkhakhenite, idxwa txaꞌwẽy vxite nasatxiꞌs kaapiyaꞌjyaꞌ ewuuneꞌga.
Peꞌla: “Maii nasaweꞌsxa naꞌjĩtx” vxiteꞌ “Maii nasaweꞌsxaꞌ naꞌwneꞌta paapẽyĩ”, naa librute pakweçxa pasniꞌs. Txãꞌw yũute puꞌçxhina ũukhmee Dxus yuweꞌs ptaꞌsxyaꞌ.

MAII NASAWEꞌSXAꞌ NAꞌWNEꞌTA PAAPẼYĨ: “¿Maꞌwçxaga?”