Jeuwayuꞌ jiyu jxthãasune txãjx nweꞌsxweꞌsxtxiꞌs, txãjx nweꞌsxyuꞌ angelesweꞌsxtxina, txãaweꞌsxyuꞌ “Dxus nçxiꞌktxina” (Job 38:7). Dxus yuweyuꞌ, ¿maꞌwka kaapiyaꞌja angelesweꞌsxtxiꞌs? ¿Txãaweꞌsxyuꞌ nasaweꞌsxtxiꞌs maꞌw puꞌçxhitxki? ¿Angelesweꞌsxyuꞌ Dxus nweꞌsx yũumanx?

1. ¿Angelesweꞌsx kimtxki?

Naa kiweꞌs vxitmey nyaafxte angelesweꞌsxtxi vxitne, txãayuꞌ kweꞌsx kwekwe naꞌwmee jiꞌphyã, txãayuꞌ cielute ũsyã (Hebreos 1:14). Cieluteyuꞌ seena kũh angelesweꞌsx ũstxina txãaweꞌsxyuꞌ fxiy fxiyyã (Revelación 5:11). Txãaweꞌsxyuꞌ kxteyneꞌta yuu Jeuwa jxthãasniꞌs (Salmo 103:20). Jeuwayuꞌ angelesweꞌsxtxiꞌsne kaaha naa kiwete, txãjx çxhabaꞌs ptaꞌsxyaꞌ txaꞌwẽy puꞌçxhyaꞌ, ãçxhwa angelesweꞌsxa wala puꞌçxhna ũstxina nasa Dxusaꞌs wejxkwe ew jiyuwaꞌj.

2. Eçxthẽꞌj yakh vxite ũstxina, ¿txãaweꞌsxyuꞌ kimtxki?

Vxite angelesweꞌsxyuꞌ Dxusaꞌs nwẽseꞌjmeeneꞌta. Nyaafxte nwẽeseꞌjsameeyuꞌ Eçxhthẽꞌj yaaseyuꞌ “naa kiweteweꞌsx jxukaysatx ĩsxĩina kaypumbaꞌjsa Eçxthẽꞌkh yaase yuꞌ” (Apocalipsis 12:9). Eçxthẽꞌjyuꞌ txãaçxane jxkaah wẽjeꞌk. Txãasane Eçxthẽꞌjyuꞌ Adán vxiteꞌ Evaꞌs kaajxpubaꞌj, txãaweꞌsxyuꞌ Dxusaꞌs nwẽeseꞌjmeeneꞌta. Txaꞌwẽy vxite angelesweꞌsxwa txãa Eçxthẽꞌj yakh utxaaneꞌta, txãaweꞌsxyuꞌ demonios yaaseyã. Jeuwayuꞌ cielujũ kutxiꞌjçxa naa kiwete wãtah, txãꞌw yũuçxa Eçxthẽꞌjaꞌs vxiteꞌ demoniotxiꞌs Jeuwa pebana (Apocalipsis 12:9, 12).

3. ¿Eçxthẽꞌj nasatxiꞌs maꞌw kaajxpuꞌjban ũstxki?

Eçxthẽꞌj vxite demoniosweꞌsxyuꞌ nasatxiꞌs wala kaajxpubaꞌjaneꞌta saꞌ vxiteyuꞌ, txãa espiritismoçxane kaajxpakweje. Txãayuꞌ nasatxiꞌs wala ksuuwuꞌjuna. Maii nasayuꞌ espiritismo, astrologoꞌs vxiteꞌ horoscopoꞌs. Txãatxineꞌta pakwe: Dxijx yusaa, meeslu vxiteꞌ uusaçxaneꞌta paapẽy. Jeuwayuꞌ naꞌjĩꞌk: Ikweꞌsxaꞌ espiritismote peyĩyaꞌ ãjameeneꞌkwe. Jeuwayuꞌ naꞌwku weꞌwe, kweꞌsxtxiꞌs ew nweꞌw wẽjene Eçxthẽꞌj demonios, txãayuꞌ kweꞌsx enemigotxna. Txãayuꞌ kweꞌsxtxiꞌs wala pkxuuneꞌta, txãa paꞌka peꞌla 29te kaapiyaꞌjaꞌk uusaweꞌsxyuꞌ wẽseꞌjeçmeeneꞌta txaꞌwẽy nweꞌweçmeeneꞌta (Levítico 19:31).

 WEJXKWEÇXA PIYAN UꞌJWEKA

6. Eçxthẽꞌjweꞌsx yakh puiiçxa knayyaꞌ ãjaneꞌga

Demoniosweꞌsxtxiꞌsyuꞌ Eçxthẽꞌjne jxkaaha, nawa angelesweꞌsx ewsatxiꞌsyuꞌ Miguelne jxkaaha. Miguelyuꞌ Jesús iiçxana, ¿Miguelyuꞌ meh çxhãçxhamanx? Lẽeywe Apocalipsis 12:7-9, txajuꞌ naa paapẽynisatxis paswe:

• ¿Kim wejxkwe çxhãçxhasakx Miguel txãjx angelesweꞌsx yakh meeçxaꞌ Eçxhthẽꞌj txãjx puꞌçxhnisaweꞌsx yakh?

• ¿Jesús discipulosweꞌsxa Eçxthẽꞌjaꞌs ũukhumatx?

Eçxthẽꞌjweꞌsx yakh puiiçxa knayyaꞌ ãjaneꞌga. Lẽeywe Santiago 4:7, txajuꞌ naa paapẽynisatxis paswe:

• Eçxthẽꞌj vxiteꞌ demonio kweꞌsxtxiꞌs kĩh yũukhameen, ¿idxyuꞌ kĩh yũuwaꞌj jiꞌphguigk?

 ¿AYTE PAꞌJ KĨHKXTHAꞌW PIYA?

Angelesweꞌsxyuꞌ Dxusaꞌs selpisaaweꞌsxtxiꞌs wala puꞌçxhineꞌta. Eçxthẽꞌjyuꞌ vxiteꞌ txãjx puꞌçxhsaweꞌsx Jeuwaꞌs ahçeneꞌta. Txãa paꞌka ocultismo iijxũuneꞌta nasatxiꞌs kaajxpubaꞌjn.

¿Kĩh pasuguigk?

• Angelesweꞌsxyuꞌ Dxusaꞌs selpisaaweꞌsxtxiꞌs, ¿maꞌw puꞌçxhikx Dxus yuweꞌs jiyukhan?

• ¿Eçxthẽꞌj vxiteꞌ demonioweꞌsxyuꞌ kimtxki?

• Espiritismoꞌs pakwete, ¿kĩh yũuçxa ewmeekx?