PEꞌLA 25
¿Dxusaꞌ kwesx jĩi kĩh kik jxthãasu?
Dxus eçaꞌ naꞌjĩꞌk nasa wala txeçxhmee ĩtxi fxiꞌzeneꞌta, thẽysaçxa jiꞌphuneꞌta (Job 14:1). Nawa, ¿Dxusyuꞌ txãꞌwmaꞌk jxthãasu? Txãꞌw meena. Txajuꞌ Dxusyuꞌ kweꞌsx jĩi yũu, ¿kĩh jiꞌphki? ¿Maa eente Dxus weꞌwni jxuka kxtey yuumaꞌk? Theguka, Dxus eçyuꞌ wala zxiçxkwe pasuꞌk.
1. ¿Jeuwayuꞌ maꞌwne fxiꞌze jxthãasu?
Jeuwayuꞌ ewne fxiꞌze jxthãasu. ¿Yaatxika Adán vxiteꞌ Eva maꞌw kitx fxiꞌzen ũsu? Jeuwayuꞌ kĩjkĩhnawa jxuka ewsa peesne. Txãa kiwe meh zxiçxkwesane yũu. Açyu, “Dxusyuꞌ bedesĩyne saꞌ naꞌjĩne txãaweꞌsxtxiꞌs: ‘wala luuçx jiꞌphuneꞌkwe, peenaneꞌkwe, naa kiweꞌs yuutaawe vxiteꞌ ew iipeꞌjeneꞌkweꞌ” (Génesis 1:28). Jeuwa naꞌwne fxiꞌze jxthãasu ãçaꞌmee, ewçxa fxiꞌzeyaꞌ bakaçxtewa.
Naa eensuyuꞌ txãꞌw fxiꞌzeçmeenetkhaꞌw, a thẽysaçxa jiꞌphun ũsnetkhaꞌw, nawa Dxus yaatxniꞌs yuꞌptheꞌjmeeneꞌ wãtne fxiꞌze jxthãasu bakaçxtewa ãçaꞌmeꞌ (Isaías 46:10, 11). Dxusaꞌ nasa nwẽeseꞌjsatxiꞌsyuꞌ bakaçxtewa ĩtxi fxiꞌze jxthãasune (lẽeywe Apocalipsis 21:3, 4).
2. ¿Ãçxh maꞌw zxiçxkwe fxiꞌzeyaꞌ ãjakxthaꞌw?
Jeuwa kweꞌsxtxiꞌs vxitneꞌ txãa paꞌka txãjx kaapiyaꞌjniꞌs peejxnetkhaꞌw (lẽeywe Mateo 5:3-6). Dxusaꞌsçxa pakwewa jiꞌphnetkhaꞌw, txãꞌsçxa weçxawa. Jeuwa kweꞌsx namikune yũu wẽje. Dxusaꞌs nwẽeseꞌjwaꞌj jiꞌphnetkhaꞌw kweꞌsx ũus yaakxniꞌjuyãꞌjaꞌ (Deuteronomio 10:12; Salmo 25:14). Txãꞌw yũuteyuꞌ, wãt fxiꞌzeyaꞌ ãjanaꞌw makwe thẽysa jiꞌphun ũsçxawa. Dxusaꞌs selpiite wala weçxawa yũuna.
WEJXKWEÇXA PIYAN UꞌJWEKA
Jeuwa wala peeykãhçxa naa kiweꞌs wala ew vxitneꞌ. Açyu, maꞌwka kaapiyaꞌja txãjx yuwe kweꞌsx wala zxiçxkwe fxiꞌzewaꞌjaꞌs.
3. Jeuwayuꞌ nasatxiꞌs zxiçxkwene fxiꞌze jxthãasu
Txãa VIDEUꞌS thegwe, txajuꞌ naa paapẽynisatxis paswe:
-
¿Dxusaꞌ kĩh yũuçxa kik naa kiwe zxiçxkwe vxit?
Lẽeywe Eclesiastés 3:11, txajuꞌ naa paapẽynisatxis paswe:
-
Naayuꞌ, ¿Jeuwate kĩhka kaapiyaꞌja?
4. Jeuwa jxthaasniꞌs yuꞌptheꞌjmeeneꞌ
Lẽeywe Salmo 37:11, 29 vxiteꞌ Isaías 55:11, txajuꞌ naa paapẽynisatxis paswe:
-
Jeuwa jxthãasniꞌs yuꞌptheꞌjmeeneꞌ, ¿maꞌwte jiikxthaꞌw?
Teeçx yat wala sweeni ũsçxawa yaꞌpheuꞌjwaꞌj jiꞌphna, txaꞌwẽy naa kiwewa jxuka sweni ũsna, nawa Dxus phewuꞌjuna nasa wẽdxsa jĩi.
5. Jeuwaꞌs selpiinçxa, isateyuꞌ wãt fxiꞌzethaꞌw
Jeuwa jxthãasniꞌs jiyuçxa, wala weçxathaꞌw. Txãa VIDEUꞌS thegwe, txajuꞌ naa paapẽynisatxis paswe:
-
Terumi Jeuwa jxthãasniꞌs jiyuçxa, ¿txãjx ĩtxi fxiꞌzeniꞌs maꞌw kik puꞌçxh?
Lẽeywe Eclesiastés 12:13, txajuꞌ naa paapẽynisatxis paswe:
-
Jeuwayuꞌ jxuka peesne, nawa ¿kweꞌsxyuꞌ maꞌw yũuçxa weçxawaꞌj jiꞌphkxthaꞌw?
MAII NASAWEꞌSXAꞌ NAꞌWNEꞌTA PAAPẼYĨ: “¿Kĩh yũuçxa kik naa kiwete ũskxthaꞌw? ¿Idxyuꞌ maꞌw wãt fxiꞌzeyaꞌ ãjaguigk?”
-
¿Idxyuꞌ maꞌw pasuguigk?
¿AYTE PAꞌJ KĨHKXTHAꞌW PIYA?
Jeuwayuꞌ wãtne fxiꞌze jxthãasu ãçaꞌmee, zxiçxkwe fxiꞌzen naa kiwete. Naa eensu isateyuꞌ wãt fxiꞌzeyaꞌ ãjanaꞌw. Dxusaꞌs selpiina ũs paꞌka.
¿Kĩh pasuguigk?
-
Jeuwayuꞌ Adán vxiteꞌ Evaꞌs naa kiwetene kiꞌp, ¿Jeuwayuꞌ maꞌwne fxiꞌze jxthãasu?
-
Txãayuꞌ jxthãasniꞌs yuꞌptheꞌjmeeneꞌ, ¿maꞌw jiyukxthaꞌw?
-
Ew fxiꞌze wẽeçxa, ¿kĩh yũuwaꞌj jiꞌphguigk?
WEJXKWE PIYAYA ÃJANEGA
Theguka, Jardín Edente weꞌwnisaꞌ, ¿isa maꞌk yũu?
“Jardín Edente, ¿isateyuꞌ ũssune?” (Ptaꞌsxnĩ, 1 enero, 2011te)
Naa kiwe baaçx yuhwa pçuuwaꞌjsameena. Ayte wejxkwe mjiyu.
Theguka, Dxus yuwe weꞌwnisaꞌ maajĩkik kweꞌsx ĩtxi fxiꞌzeniꞌs.
Teeçx piçthẽꞌj wala vxu jiꞌphsane yũu, nawa wãt fxiꞌzeyaꞌ ãjaçmeeneꞌ, ¿kĩh yũuçxa? Naa videu thegwe.
a Vxite peꞌlate piyanaꞌw, kĩh yũuçxa kik naa kiwete zxiçxkwe yũumee.
