PEꞌLA 26
¿Kĩh yũuçxakxthaꞌw txãa seenaꞌ pxthaa yuun fxiꞌze?
Maii nasaweꞌsx naꞌwneꞌta paapẽy: ¿kĩh yũuçxakxthaꞌw txãa seenaꞌ pxthaa yuun fxiꞌze?, nawa yahkxnu Dxus eçte pasnisaꞌs wala kvxiisxãꞌjana.
1. ¿Eçxthẽꞌjyuꞌ maꞌw kik ewmeesaꞌs nuy paꞌj?
Eçxthẽꞌj Dxuste thaakwe yũu wẽje, txãaꞌsçxane nwẽeseꞌj jxthãasu, txãa paꞌka Adán vxiteꞌ Evaꞌs wala kaajxpubaꞌjne Dxusaꞌs nwẽeseꞌjkahmeen, txãa paꞌka Eçxthẽꞌjyuꞌ Evaꞌs wala ĩsxiine(Génesis 3:1-5). Eçxthẽꞌj txãa ĩsxiinisa yakh naꞌwne weꞌw Dxusaꞌs nwẽeseꞌjmeeçxawa ew fxiꞌzeyaꞌ ãjaneꞌkwe jĩne. Eçxthẽꞌjyuꞌ nyaafxte ĩsxiinisa kik weꞌw, Dxus eçaꞌ naꞌjĩꞌk “Eçxthẽꞌjaꞌ bagaçxte yuhwa ewsaꞌs yũꞌçmeꞌ, saꞌ bagaçxte yuhwa isa weꞌweꞌçmeꞌ. Txãa yuu txãꞌwẽesana naꞌ ĩsxiinaçxáak weꞌweꞌ, saꞌ kaaĩsxiijaꞌjsaꞌ” (Juan 8:44).
2. ¿Adán vxiteꞌ Eva kĩhka txhitxh?
Jeuwayuꞌ Adán vxiteꞌ Evaꞌs kĩjkĩhnawa jxukane pees, nawa teeçx nxun tãꞌsxaꞌs ũꞌwa jiꞌphuçmeeneꞌta (Génesis 2:15-17). Nawa Adán vxiteꞌ Evas Dxusaꞌs nwẽeseꞌjmeeneꞌta txãaweꞌsxyuꞌ txãa nxun tãꞌsxaꞌs ũꞌneꞌta (Génesis 3:6). Adán vxiteꞌ Eva atesaneꞌta yũu. Kĩhwa pkaal jiꞌphuçmeeneꞌta, açyu txãaweꞌsxyuꞌ ew txhitxhwaꞌj jiꞌphuneꞌta. Nawa txãaweꞌsxyuꞌ ewmeeneꞌta txhitxh. Açyu txãaweꞌsxyuꞌ wala yuuwesaneꞌta yũu, Dxus jxkãahnisaꞌs wẽdxiꞌçmeeneꞌta (Génesis 3:16-19).
3. ¿Adán vxiteꞌ Eva txhitxhnisa kweꞌsxtxiꞌs maꞌw kik suwuu?
Adán vxiteꞌ Eva pkaalteneꞌta wete, txãꞌw yũuçxa atesameeꞌk yũu kweꞌsxyuꞌ txãaweꞌsx nçxiꞌksanetkhaꞌw txãa paꞌka pkaal jiꞌphnethkhaꞌw. Adán vxiteꞌ Eva weꞌwçxa Dxus eçaꞌ naꞌjĩꞌk: “Pkalaꞌ naa kiwete teeçx nasate yuuçxáa uꞌkaçxak uuwaꞌjaꞌs vxit, txãa paꞌgatx jxukaysa naa kakwe uuwaꞌjaꞌs jiꞌphu, pkalte wetepaꞌga” (Romanos 5:12).
¿Kĩh yũuçxakxthaꞌw txãa seenaꞌ pxthaa yuun fxiꞌze? Pxthaa yuun fxiꞌzethaꞌw ewmee txhitxhpaꞌka, vxiteweꞌsxyuꞌ ewmee txhitxhneꞌta txãa paꞌka. Kweꞌsx ũsnimeete ũspaꞌka nxuswa een jiꞌphuthaꞌw (lẽeywe Eclesiastés 9:11).
WEJXKWEÇXA PIYAN UꞌJWEKA
Jeuwa kweꞌsx pxthaa yuuniꞌs kĩhwa yuuwemeesana, ¿kĩh yũuçxa? Jeuwa kweꞌsx pxthaa yuuniꞌs maꞌw kik yaatxi. Ayte wejxkwe jiyu.
4. ¿Kim knxusuꞌjsana?
Mazkwe nasaweꞌsx naꞌwneꞌta kreĩ, naa kiwete Dxus gobernayna ũsna sũhuꞌneꞌta, ¿txãayuꞌ isamanx? Txãa VIDEUꞌS thegwe.
Lẽeywe Santiago 1:13 vxiteꞌ 1 Juan 5:19, txajuꞌ naa paapẽynisatxis paswe:
-
¿Thẽysa jiꞌphuna nxusna fxiꞌzeniꞌs Dxusa yuuwemanx?
5. Eçxthẽꞌj gobierno ewmee vxitsana
Lẽeywe Génesis 3:1-6 txajuꞌ naa paapẽynisatxis paswe:
-
¿Eçxthẽꞌj kĩh ĩsxiinisa kik weꞌw? (Thegwe versículos 4 vxiteꞌ 5).
-
Eçxthẽꞌjyuꞌ Jeuwaꞌs naꞌjĩne: Nasatxiꞌs ewsaꞌs peesuçmeene jĩne, ¿maꞌw jiyukxthaꞌw?
-
Eçxthẽꞌjyuꞌ naꞌwne weꞌw Dxusaꞌs peejxmeeneꞌtkhaꞌw jĩne, ¿txãa weꞌwnisa isamaꞌk yũu?
Lẽeywe Eclesiastés 8:9 txajuꞌ naa paapẽynisatxis paswe:
-
Naa kiwete Jeuwa gobernaymeete, ¿maꞌw fxiꞌzen ũskxthaꞌw?
-
(1) Adán vxite Eva atesaneꞌta yũu paraisute, nawa Eçxthẽꞌjaꞌs wẽseꞌjçxa Dxusaꞌs wẽseꞌjmeeneꞌta.
-
(2) Pkaalaꞌ pxthaa yuuni vxiteꞌ uuwaꞌjaꞌs naa kiwete utaane Dxusaꞌs nwẽeseꞌjmeepaꞌka.
-
(3) Jeuwayuꞌ pebana nxusni pkaal, uunisa, nawa nasa naa kiwete atesa yũusa, Dxus yakh paraisute uꞌputxna.
6. Seenaꞌ nxusna fxiꞌzete Jeuwa txaꞌwẽy nxusune
¿Jeuwa kweꞌsx pxthaa yuun fxiꞌzeniꞌs kũjmaꞌk yaatxi? Thegwe David vxiteꞌ apóstol Pedro fxiꞌjnisaꞌs. Lẽeywe Salmo 31:7 vxiteꞌ 1 Pedro 5:7, txajuꞌ naa paapẽynisatxis paswe:
-
¿Jeuwa maꞌw kik yaatxi txãa seenaꞌ pxthaa yuun fxiꞌzenite? Kweꞌsx pxthaa yuuniꞌs Jeuwa thegna ũsna, ¿idxyuꞌ maꞌwga yaatxi?
7. Jeuwa nasaweꞌsx pxthaa yuun ũsnisaꞌs, jxuka pabayawana
Lẽeywe Isaías 65:17 vxiteꞌ Apocalipsis 21:3, 4, txajuꞌ naa paapẽynisatxis paswe:
-
Jeuwa jxuka pxthaa yuuniꞌs pabayawana, ¿idxaꞌs maꞌwka kvxiisxãꞌja? ¿kĩh yũuçxa?
¿Jiiga?
Eçxthẽꞌj khwẽꞌy ĩsxiinisa yakh Jeuwaꞌs ew jxkaahsameeneꞌ jĩne. Txãjx yaaseꞌs wala khũuçxhiꞌjne. Dxus yaseꞌs wala çehksana, açyu txãjx gobiernote Dxusa txãjx yaseꞌs yaatena. Dxus yaseꞌs çehk nvxihtteꞌ naa kiwete uꞌta wala jxthuhthesa yũuna (Mateo 6:9, 10).
MAII NASAWEꞌSXA NAJITX: “Kweꞌsx nxusna fxiꞌzeniꞌsyuꞌ Dxusne jxkaaha jĩneꞌta”.
-
¿Idxyuꞌ maa sũhuꞌga?
¿AYTE PAꞌJ KĨHKXTHAꞌW PIYA?
Eçxthẽꞌj, Adán vxiteꞌ Eva naa nxusna fxiꞌzeniꞌs yuuweyã, nawa Jeuwayuꞌ nasa nxusna fxiꞌzeniꞌs wala kũh yahkxna ũsna. Açyu jxuka pxthaa yuuniꞌs pabayawana nxusna fxiꞌzeniꞌs txaꞌwẽy.
¿Kĩh pasuguigk?
-
¿Eçxthẽꞌjyuꞌ kĩh kik ĩsxii Evaꞌs?
-
Adán vxiteꞌ Eva vxitnisa, ¿kweꞌsxtxiꞌs maꞌw kik suwuu?
-
Seenaꞌ nxusna fxiꞌzen ũste, Jeuwa txaꞌwẽy wala nxusune, ¿maꞌw jiyukxthaꞌw?
WEJXKWE PIYAYA ÃJANEGA
Jiyuwe, Dxus yuweyuꞌ maajĩka pkaalaꞌs.
Wejxkwe thegwe, Eçxthẽꞌj Jardín de Edente wala ĩsxiin weꞌwne.
“¿Dxus pxthaa yuuniꞌs kaaskhẽuꞌjna ũsmanx?” (Ptaꞌsxnĩ, 1 enero 2014te)
Paꞌkwewe kvxiisxãꞌjnisaꞌs, txaꞌwẽy yaꞌpaapẽynisatxiꞌs pasnisaꞌs uyyaꞌ ãjaneꞌga.
“¿Holocaustoyuꞌ Dxus kastigomanx? ¿Dxusyuꞌ maꞌwte kik nwewmee?” (Pakwewe jw.org te)
Teeçx piçthẽꞌj wala pxthaa yuun ũsune, nawa ewsaꞌs piyane.
