Adán vxiteꞌ Eva Dxusaꞌs nwẽeseꞌjmeeneꞌta, txãa paꞌka pxthaa yuun fxiꞌzethaꞌw pkaal jiꞌphuthaꞌw, txaꞌwẽy uunetkhaꞌw. a Nawa jxuka vxitumeeneꞌ Dxusyuꞌ nasatxiꞌs peeykãhn paꞌka, txãjx nçxiꞌkaꞌs kaahne txãjx uuniꞌs yaꞌdukhne Adán vxiteꞌ Eva ewmee vxitni paꞌka. Txãa uuniꞌs khũkhuna pxthaa yuuniꞌs pkaal vxiteꞌ uuwaꞌjaꞌs. Jesús kweꞌsxtxiꞌs peeykãhçxa txãjx ĩtxi fxiꞌzenisaꞌs yaꞌdukhne (lẽeywe Mateo 20:28). Adán vxiteꞌ Eva vxitniꞌs wala vxitunetkhaꞌw, nawa Jesús uuni paꞌka kĩjkĩhnawa jiꞌphuyaꞌ ãjanaꞌw, txãꞌw yũuçxaꞌk dxiꞌjaꞌs phade ĩtxi fxiꞌzewaꞌjaꞌs jiꞌphukhan. Jeuwa vxiteꞌ Jesús kweꞌsxtxiꞌs wala peeykãhn ũsyã, açyu naa peꞌla idxaꞌs puꞌçxhina Jesús uuniꞌs wejxkwe weçxayaꞌ.

1. ¿Jesús uuni maꞌw puꞌçxhikx?

Pkaal paꞌka Jeuwate ewmesaçxathaꞌw yũu. Pkaal jiꞌphsanetkhaꞌw, açyu seena ewmeesaꞌsçxa vxitna ũsthaꞌw. Jeuwa yakh namiku yũuyaꞌ ewuunaꞌw Jeuwaꞌs peltun pẽhywaꞌj jiꞌphnetkhaꞌw, Jesús yasete ksuusçxa pkaalte weteyajmee (1 Juan 2:1). Dxus eçaꞌ naꞌjĩk: “Kristowa txãꞌwẽyku pxthaa yuuçxa uu, tee dxiꞌjçxáa jxukaysa paꞌgate. Txãꞌ ewsak yuꞌ, nawa kweꞌsx ewmeesa paꞌgate pxthaa yuuk Dxus tasxte nuypaꞌjxaꞌ” (1 Pedro 3:18).

2. ¿Eꞌsyuꞌ Jesús uuniyuꞌ maꞌw puꞌçxhikx?

Jeuwayuꞌ txãjx nçxiꞌkaꞌs naa kiwetene kaah Jesús fxiꞌzeniꞌsyuꞌ atesaꞌkyuꞌ “Dxusaꞌ naa kiwete nasatx iiméh wala peeygãhçxa yuuçxáak txajx Nçxiꞌk teeçxçxáasanawa naa kiwete kaaj, kxah maawa txãꞌsna ũuste jxpaꞌgaçxaꞌ bagaçxte yuhwa pçumée ĩtxi fxiꞌzewaꞌjaꞌs jiꞌphukahn vxitumée” (Juan 3:16). Jesús vxitni paꞌka Jeuwa jxuka ewmeesaꞌs khũkhuna Adán ahmee yũuniꞌs, txaꞌwẽy bagaçxtewaꞌj ĩtxi fxiꞌzewaꞌjaꞌs jiꞌphuyaꞌ ewuunaꞌw. Jesús uuniꞌs fe jiꞌphçxa paraisute uꞌpuyaꞌ ãjanaꞌw (Isaías 65:21-23).

 WEJXKWEÇXA PIYAN UꞌJWEKA

3. Jesús yaꞌdukhnisa nweꞌwena uuwajaꞌs vxiteꞌ pkaalte

1. (1) Adanyuꞌ atesaꞌk yũu, nawa Dxusaꞌs nwẽeseꞌjmeeçxa nasatxiꞌs pkaalteçxaꞌk jxuka vxitna kaah, txãa paꞌka nasa uun ũsyã.

2. (2) Jesusyuꞌ atesaꞌkyuꞌ, Dxusaꞌs nwẽeseꞌjçxa. Nasawa txaꞌwẽy nwẽeseꞌjsa ĩtxi fxiꞌzeyaꞌ ewuutxna, txaꞌwẽy atesa yũuyaꞌ ewuutxna.

4. Jesús uuni jxuka nasatxiꞌs puꞌçxhina

 5. Jesús yaꞌdukhnisayuꞌ idxaꞌs peesnisana

Jesús uuniyuꞌ Jeuwa peesnisana txãjx namikuweꞌsx jĩi, txãa wala jxthuhthesana. Lẽeywe Gálatas 2:20, txajuꞌ naa paapẽynisatxis paswe:

• ¿Pablo kĩh kik weꞌw Jesús yaꞌdukhnisate?

Adán pkaalte wetete txãa paꞌka jxukaysa pkaalte wetethaꞌw. Jeuwayuꞌ txãjx nçxikaꞌs naa kiwete uuyaꞌ kaahne, idx ĩtxi fxiꞌzekhan bakaçxte yuhwa uuwaꞌjmee.

Naa versiculotxiꞌs lẽeyçxayuꞌ yahkxyaꞌ ãjaneꞌga Jeuwa maꞌw kik yahkx txãjx nçxiꞌk pxthaa yũuçte. Lẽeywe Juan 19:1-7 vxiteꞌ 16-18, txajuꞌ naa paapẽynisatxis paswe:

• Jeuwa vxiteꞌ Jesús ew yũute, ¿idxyuꞌ maꞌwga yaatxi?

 ¿AYTE PAꞌJ KĨHKXTHAꞌW PIYA?

Wala weçxathaꞌw Jesús uupaꞌka, Jeuwa kweꞌsx pkaalaꞌs khũkhuna kĩhçxa ĩtxi fxiꞌzewaꞌjaꞌs jiꞌphunaꞌw.

¿Kĩh pasuguigk?

• ¿Kĩh yũupaꞌka kik Jesús uu?

• Jesusyuꞌ atesaꞌk yũu, nawa ¿maꞌw yũuçxaka txãjx ĩtxi fxiꞌzeniꞌs dukh?

• ¿Jesús uuniꞌs idxaꞌs maꞌwka puꞌçxh?