Ĩtxi fxiꞌzenisa wala zxiçxkwesana nawa maawe eenteyuꞌ thẽysa jiꞌphuthaꞌw nawa ĩtxi ũsçxa weçxathaꞌw. Ĩtxi yũun uspaꞌka, ¿Jeuwaꞌs maꞌw weçxayaꞌ ãjakxthaꞌw?, ¿kĩh yũupaꞌka weçxakxthaꞌw?

1. Ĩtxi fxiꞌzeniꞌsyuꞌ ¿kĩh yũuçxa weçxawaꞌj jiꞌphkxthaꞌw?

Jeuwane ĩtxi fxiꞌzewaꞌjaꞌs peesne, açyu txãa paꞌka Jeuwaꞌsçxa weçxawaꞌj jiꞌphnetkhaꞌw, “Idxneˈga takh ĩtxi fxiꞌzenisas” (Salmo 36:9). “Txãaíik kweꞌsx jxukaysa ĩtxi fxiꞌzewaꞌjaꞌs ũs, kĩjkĩhnawa jxuka” (Hechos 17:25, 28). Açyu Jeuwa paꞌka naa kiwete ũskxthaꞌw Jeuwayuꞌ kĩjkĩhnawa jxuka peesna ũsna ĩtxi ũskahn (lẽeywe Hechos 14:17).

2. ¿Ĩtxi fxiꞌzeniꞌs paꞌka Jeuwaꞌs maꞌw weçxayaꞌ ãjakxthaꞌw?

Jeuwa wala wẽdxine tutxhte uꞌpxhyãꞌjçxa. Txãa paꞌka David naꞌwku weꞌwe: “Adxaꞌs jiineꞌgayu tutxhte uꞌpiyna” (Salmo 139:16). Kweꞌsx ĩtxi fxiꞌzenisaꞌs Jeuwa dxiˈpte wala jxthuhthesana (lẽeywe Mateo 10:29-31). Jeuwaꞌs wala weçxathaꞌw ĩtxi fxiꞌzewaꞌjaꞌs pees paꞌka. Jeuwayuꞌ wala kũj yaatxine wala nxusna fxiꞌzesatxiꞌs, txãayu jiina (Éxodo 20:13). a Nasa txãꞌw kũj yahkxna fxiꞌzesatxiꞌs, nasa yaꞌikh wẽesatxiꞌsyuꞌ Jeuwayuꞌ jiina.

 WEJXKWEÇXA PIYAN UꞌJWEKA

3. Yaꞌnweꞌwneꞌga ãçaꞌmee uꞌjuyaꞌ

Cristianoweꞌsxyuꞌ naꞌjĩneꞌta idxna selpiinaꞌw saꞌ idx thãasnisçxa kxtey yuunaꞌw. Kweꞌsx ĩtxi fxiꞌzeniꞌs idx maꞌwneꞌga jxthãasu, kweꞌsx kwekweꞌs sacrificiote dukhni naꞌwẽꞌk yũu. Lẽeywe Romanos 12:1, 2 txajuꞌ naa paapẽynisatxis paswe:

• ¿Kĩh yũuçxa ĩtxi fxiꞌzeniꞌs yaꞌnweꞌwekxthaꞌw?

• ¿Maꞌw yũukxthaꞌw?

 5. Luuçxkwe tutxhte upiyn nweꞌweneꞌga

Uꞌyyuꞌ nasa tutxhte jiꞌphte Davidyuꞌ zxiçxkwene weꞌwe, Jeuwa ewne thegu luuçxkwe tutxhte walaan uꞌjweçte. Lẽeywe Salmo 139:13-17, txajuꞌ naa paapẽynisatxis paswe:

• ¿Jeuwa thegte baaçx kik ĩtxi yũu uꞌpxhçxa meeçxaꞌ tutxhte uꞌpiçxa?

Nyaafxtey Jeuwa jxkaahne uꞌy israelitaweꞌsxtxiꞌs tuyate nweꞌwene luuçxkwe tutxhte jiꞌphte. Lẽeywe Éxodo 21:22, 23, txajuꞌ naa paapẽynisatxis paswe:

• Luuçxkwe tutxhte uꞌpiy uute, ¿Jeuwayuꞌ maꞌw kik theguꞌ?

• Luuçx tutxhte uꞌpiyna ikh wẽete, ¿Jeuwayuꞌ maꞌw kik theguꞌ? b

• ¿Idxyuꞌ kĩhka yaatxi Jeuwa jxthãasnisate?

Txãa VIDEUꞌS thegwe.

Maai uꞌyweꞌsx luuçx tutxhte upiyna ikhte ewna sũhuꞌneꞌta. Lẽeywe Isaías 41:10, txajuꞌ naa paapẽynisatxis paswe:

• Teeçx uꞌyaꞌs luuçx jiꞌphuniꞌs ikh kaahte, ¿kimna puꞌçxhwaꞌj pakwekx?, ¿kĩh yũupaꞌka?

 ¿AYTE PAꞌJ KĨHKXTHAꞌW PIYA?

Ĩtxi yũuniꞌs Jeuwane pees, txãa paꞌka kweꞌsx ĩtxi fxiꞌzeniꞌs respetaĩwaꞌjna txaꞌwẽy vxite ĩtxi fxiꞌzeniꞌs txaꞌwẽy, Dxus eçaˈ txãꞌwku kaapiyaꞌja.

¿Kĩh pasuguigk?

• Ĩtxi fxiꞌzenisa Jeuwa jĩi wala jxthuhthesana, ¿maꞌw jiyukxthaꞌw?

• ¿Jeuwayuꞌ maꞌw kik theguꞌ peekxçxa yaꞌikhte kĩhçxa vxitenwa ikhte?

• ¿Ĩtxi fxiꞌzeniꞌs peeste idxyuꞌ kĩhga wejx wẽdxi?