PEꞌLA 34
¿Jeuwaꞌs peeykãhçxa maꞌw kaajiyuꞌjkxthaꞌw?
Dxus yuweꞌs piyan ũsçxa, ¿Jeuwa yakh wejxkwe utxaan ũsga? ¿Jeuwa yakh namiku yũu wẽjega? Txãꞌwnteyuꞌ idxaꞌs Jeuwayuꞌ wejxkwene wẽdxi. Txaꞌwẽy idxaꞌs nweꞌwena. Nawa, ¿idx peeykãaniꞌs maꞌw kaajiyuꞌjyaꞌ ãjaguigk?
1. ¿Jeuwaꞌs peeykãhçxawa maꞌw kaajiyuꞌjkxthaꞌw?
Jeuwaꞌs waꞌlmee nwẽeseꞌjte wãt yaꞌyaatxina (lẽeywe 1 Juan 5:3). Dxusaꞌs nwẽeseꞌjçxa kweꞌsx peeykãaniꞌs kaavxaꞌjathaꞌw. Jeuwayuꞌ kweꞌsxtxiꞌs baaçx yuhwa çxhãçxha jxkaahaçmeeneꞌ nwẽeseꞌjxa, kweꞌsxyuꞌ txhitxhyaꞌ ãjanaꞌw. Dxusaꞌs selpiimathaꞌw meeçxaꞌ Dxusaꞌs selpiimeemathaꞌw. Jeuwayuꞌ wẽseꞌj thãasune, waꞌlmee txãꞌs peeykãhçxaçxaa (Romanos 6:17). Peꞌla 3 vxiteꞌ 4yuꞌ puꞌçxhina ewmeesaçxa yũumee, ewsaçxa yũuyã.
2. Jeuwaꞌs peeykãhçxa kaavxaꞌja wẽeçxa, ¿kĩh yũute wala thẽyki?
“Ew fxiꞌzewaꞌjyuꞌ wala thẽyna” (Salmo 34:19). Jxukaysa kweꞌsx jiꞌphuniꞌs wala kçxhãçxhawaꞌj jiꞌphthaꞌw, wala thẽysaçxa jiꞌphun fxiꞌzen ũste Jeuwaꞌs nwẽeseꞌjwa wala thẽyna. Açyu Dxusaꞌs nwẽeseꞌjn ũsçxa makwe thẽysa jiꞌphun ũstewaꞌj Dxusyuꞌ wãt yaatxina. Jeuwa kweꞌsxtxiꞌs baaçx yuhwa nvxihtmeenaꞌ (lẽeywe Salmo 4:3).
WEJXKWEÇXA PIYAN UꞌJWEKA
Theguka, nwẽeseꞌjniꞌ meh jxthuhthesana Jeuwa jĩi. Txaꞌwẽy thegyaꞌ ãjanaꞌw, kĩh puꞌçxhiꞌkx baaçxtewa nwẽeseꞌjxaꞌ.
3. Eçxthẽꞌjyuꞌ idxaꞌs ewmeeneꞌ weꞌwe
Job librute weꞌwçxa naꞌjĩꞌk: Eçxthẽꞌjyuꞌ wala pãatxhĩꞌkhne Jobaꞌs ĩsxiina weꞌwçxa. Açyu Dxusna selpiisatxwa, txaꞌwẽyçxa pãatxhĩꞌkhne wala ĩsxiin weꞌwne. Lẽeywe Job 1:1, 6–2:10, txajuꞌ naa paapẽynisatxis paswe:
-
¿Jobyuꞌ kĩh yũuçxa kik Jeuwaꞌs nwẽeseꞌje? (Thegwe Job 1:9-11).
-
¿Idxaꞌs vxite nasaweꞌsxtxwa Eçxthẽꞌjyuꞌ kĩh ĩsxiin weꞌwna ũski? (Thegwe Job 2:4).
Lẽeywe Job 27:5b, txajuꞌ naa paapẽynisatxis paswe:
-
¿Jobyuꞌ maꞌwka kaajiyuꞌj Jeuwaꞌs isate peeykãhn ũstewa?
Job txãjx peeykãaniꞌs kaavxaꞌjane, Jeuwaꞌsçxa selpiina ũsçxa.
Kweꞌsx peeykãaniꞌs kaavxaꞌjathaꞌw, Jeuwaçxan selpiina ũsçxa.
4. Kweꞌsxyuꞌ Jeuwaꞌs wala kaaweçxajathaꞌw
Lẽeywe Proverbios 27:11, txajuꞌ naa paapẽynisatxis paswe:
-
Jeuwaꞌs nwẽeseꞌjte kĩhçxa ew txhitxhte, ¿Jeuwayuꞌ maꞌw kik theguꞌ?, ¿kĩh yũuçxa?
5. Idxaꞌ Jeuwaꞌs nwẽeseꞌjxa ãjaneꞌga
Jeuwaꞌs peeykãh paꞌka vxitetxiꞌs waꞌlmee weꞌwyaꞌ ãjanaꞌw. Txaꞌwẽy kĩh jxkaahte thẽytewa kxtey yuunaꞌw waꞌlmee. Txãa VIDEUꞌS thegwe, txajuꞌ naa paapẽynisatxis paswe:
-
¿Vxitetx Jeuwate weꞌwyaꞌ thẽymanx?
-
Naa videute thegte, ¿Grayson thẽysaꞌs maꞌw kik phewuꞌj?
Jeuwana nwẽeseꞌjçxayuꞌ ewmesaꞌs ahçenaꞌw kĩhçxa ewsaꞌsçxa wẽdxinaꞌw. Lẽeywe Salmo 97:10, txajuꞌ naa paapẽynisatxis paswe:
-
Ãçxhte paꞌj idxyuꞌ piyaçxa jiineꞌga, ¿Jeuwayuꞌ kĩh kik wẽdxi vxiteꞌ kĩh kik ahçe?
-
¿Idxyuꞌ maꞌw yũuçxa ewsaꞌs uyuuguigk saꞌ maꞌw yũuçxa ewmeesaꞌs ahçeguigk?
6. Jeuwan nwẽeseꞌjte ewsana
Jeuwan isa nwẽeseꞌjte meh ewna. Lẽeywe Isaías 48:17, 18, txajuꞌ naa paapẽynisatxis paswe:
-
¿Jeuwayuꞌ jiimanx kweꞌsx kĩh peejxna ũstewa?, ¿maꞌwga theguꞌ?
-
¿Dxus yuweꞌs piyate, idxaꞌsyuꞌ maꞌwka puꞌçxh Jeuwa isasaꞌs jiyuyaꞌ?
MAII NASAWEꞌSXA NAꞌJĨTX: “Adx kĩh yũutewa, Dxusyuꞌ kĩh yuhwa yaatxiçmeeneꞌ”.
-
¿Kĩh texto iijxũuyaꞌ ãjaguigk Jeuwayuꞌ ewmeesaꞌs ahçene saꞌ ewsaꞌs wẽdxine?
¿AYTE PAꞌJ KĨHKXTHAꞌW PIYA?
Idxyuꞌ Jeuwaꞌs peeykãhçxayuꞌ kaajiyuꞌjuneꞌga makwe thẽysa paꞌthewa nwẽeseꞌjçxa.
¿Kĩh pasuguigk?
-
¿Job fxiꞌzeniꞌs kĩhga piya?
-
¿Maꞌw kaajiyuꞌjguigk Jeuwaꞌs peeykãhçxa?
-
¿Jeuwaꞌs nwẽeseꞌjwaꞌj kĩh puˈçxhiˈkx?
WEJXKWE PIYAYA ÃJANEGA
Mpiya, maꞌw yũuçxa Jeuwaꞌs nwẽeseꞌjeguigk, congregacionte nwẽeseꞌjte txaꞌwẽy.
“Idx yakh txuteemee fxiꞌzesatxis idxwa peeykãhçxa nvxitmeeneꞌga” (16:49)
Wejxkwe piya, Eçxthẽꞌjyuꞌ maꞌw kik ĩsxii.
“Jobyuꞌ Jeuwaꞌs nwẽseꞌjnçxa ũsna” (Dxus yuweyuꞌ ptaꞌsxsana, peꞌla 6)
Thegwe, luuçxkweyuꞌ Jeuwaꞌs peeykãhyaꞌ wẽdxiꞌneꞌta.
¿Piçtakxweꞌsxyuꞌ kĩh kitx yũu Dxusaꞌs nwẽeseꞌjxa?
