PEꞌLA 36
Jxukate isa weꞌwwaꞌj jiꞌphnetkhaꞌw
Naa kiwete nasa isaneꞌta weꞌw jxthãasu, Jeuwawa txaꞌwẽy ũythasune. Nawa, naa kiwete nasayuꞌ ĩsxiinçxa weꞌwna ũssa, açyu isa weꞌwwaꞌj wala thẽyna. Nawa isa weꞌwni, ¿ew yũumanx?, ¿kĩh yũuçxa? Theguka.
1. ¿Kĩh yũu paꞌka isate weꞌwwaꞌj jiꞌphkxthaꞌw?
Isate weꞌwçxayuꞌ Jeuwaꞌs wala wẽdxna ũsçxawa kajiyuꞌjunaꞌw, nawa naꞌw yahkxwaꞌj jiꞌphnetkhaꞌw: Jeuwa kĩjkĩhnawa jxukate thegna ũssa. Thegune isa weꞌwna ũste (Hebreos 4:13). Açyu txãayuꞌ wala wãt yaatxina isa weꞌwna ũste. Dxus eça nawku weꞌwe: “Jeuwayuꞌ isa weꞌwsameetxiꞌsyuꞌ ahçene, nawa txãjx nasa kuꞌle uꞌjusatxiꞌsyuꞌ txãayuꞌ wala wẽdxine” (Proverbios 3:32).
2. ¿Kĩh yũute een iisa isasaꞌsçxa weꞌwwaꞌj jiꞌphkxthaꞌw?
Jeuwa jxthãasniꞌs jxuka kxtey yuu wẽeçxa isasaꞌsçxa weꞌwwaꞌj jiꞌphnetkhaꞌw vxiteweꞌsx yakh (Zacarías 8:16, 17). Yakhthẽꞌjweꞌsxtxiwa, mjĩisa nweꞌsxtxiwa, yatteweꞌsxtxiwa isasaꞌsçxa weꞌwwaꞌjna (lẽeywe Proverbios 24:28 vxiteꞌ Efxesios 4:28). Jxkaahn ũssa txãatxwa impuesto jxuka txãa ĩsxiimee duhkna (Romanos 13:5-7). Bakaçx yuhwa ĩsxiimee (Hebreos 13:18).
3. ¿Isa weꞌwte maꞌw puꞌçxhiꞌkx?
Piçthẽꞌj meeçxa uꞌy isa weꞌwna ũste vxiteyuꞌ konfianza jiꞌphutxna. Congregacionte txaꞌwẽy ewsa namiku jiꞌphuyaꞌ ãjanaꞌw. Isasaꞌs weꞌwte Jeuwaꞌs weçxanaꞌw, açyu vxiteweꞌsx uyuuyã txãa isasa weꞌwna ũste. Açyu txhitxhyaꞌ ãjaneꞌta Dxusaꞌs selpiiyaꞌ (Tito 2:10).
WEJXKWEÇXA PIYAN UꞌJWEKA
Isasa weꞌwna ũsçxa Dxus namiku yũuyã ãjanaꞌw. Txaꞌwẽy thegyaꞌ ãjanaꞌw, kweꞌsx ĩtxi fxiꞌzenisate maꞌw kaavxaꞌjawaˈj jiꞌphkxthaꞌw isasaꞌs.
4. Jeuwa isa weꞌwsatxiꞌs wẽdxine
Lẽeywe Salmo 44:21 vxiteꞌ Malaquías 3:16, txajuꞌ naa paapẽynisatxis paswe:
-
¿Isasaꞌs sũuthte ewmanx?, ¿kĩh yũuçxaga txãꞌw yaatxi?
-
Isasaꞌs weꞌwte, ¿Jeuwayuꞌ maꞌw kik yaatxi?
Luuçxweꞌsx isa weꞌwte neyweꞌsxyuꞌ weçxaneꞌta. Kweꞌsxwa isa weꞌwte Jeuwayuꞌ weçxana.
5. Bakaçxtewa isaçxa weꞌwena
Thegwe kĩh yũuçxa isate weꞌwnisa wala jxthuhthesakx. Txãa VIDEUꞌS thegwe.
Lẽeywe Hebreos 13:18, txajuꞌ weꞌweka: isa weꞌwte kĩh yũuçxa wala jxthuhthesakx...
-
... yatteweꞌsx yakh.
-
... mjĩisaweꞌsx yakh.
-
... escuelatewa.
6. Isa weꞌwte kweꞌsxtxiꞌs puꞌçxhina
Isa weꞌwteyuꞌ thẽysa vxaana, nawa txaꞌwẽy isasaꞌs weꞌwteyuꞌ wala ewna. Lẽeywe Salmo 34:12-16, txajuꞌ naa paapẽynisatxis paswe:
-
Isasa weꞌwte idx ĩtxi fxiꞌzewaꞌjaꞌs, ¿maꞌw puꞌçxhiꞌkx?
-
Ptaamsa isa weꞌwçxa yaꞌutxaaneꞌta.
-
Namuyuꞌ wẽdxine mjĩisa isa weꞌwte, respeto knayũuna.
-
Jxkaahsaweꞌsx isasaꞌs weꞌwçxa respeto knayũuneꞌta.
MAII NASAWEꞌSXA NAꞌJĨTX: “Leꞌçxkweçxa ĩsxiinisa ewna jĩneꞌta”.
-
¿Jeuwa jxuka ĩsxiinisaꞌs ahçemaꞌk?, ¿idxyuꞌ maajĩguigk?
¿AYTE PAꞌJ KĨHKXTHAꞌW PIYA?
Jeuwayuꞌ txãjx namikuweꞌsxtxiꞌs isateçxane weꞌw jxthãasu, kĩh yũun ũsçxawa vxiteꞌ kĩh weꞌwna ũsçxawa.
¿Kĩh pasuguigk?
-
¿Kĩh yũuçxa isa weꞌweguigk?
-
¿Isasaꞌs sũuthyaꞌ ãjamthaꞌw?
-
Isasaꞌs weꞌwwaꞌj jiꞌphneꞌga bakaçxtewa, ¿kĩh yũuçxa?
WEJXKWE PIYAYA ÃJANEGA
¿Neyweꞌsxyuꞌ maꞌw kaapiyaꞌjyaꞌ ãjatxki txãjx nçxikweꞌsxtxiꞌs isasaꞌs weꞌwyaꞌ?
¿Kĩh bendiciones jxpaꞌkatxki txãjx weꞌwnisa kxtey yuute?
Promesatxis kxtey yuuçxayu wala bendiciontxis jxpaꞌkaya ãjaneꞌga (9:09)
Impuestos dukhwaꞌj jiꞌphnetkhaꞌw ewmee iijxũun ũstewa.
“¿Idxyuꞌ impuestos dukhwaꞌj jiꞌphmag?” (Ptaꞌsxnĩ, 1 septiembre, 2011te)
Teeçx piçthẽꞌj pesweesane yũu, nawa txãjx ĩtxi fxiꞌzewaꞌjaꞌs, ¿maꞌw kik yuꞌptheꞌj?
“Piyath Jeuwa wala ewsatewa vxiteꞌ wala peltunaysana” (Ptaꞌsxnĩ, 1 mayo, 2015te)
