PEꞌLA 37
Dxus eçaꞌ weꞌweꞌk mjĩinisate vxiteꞌ vxute
Wala kũj yahkxna ũsneꞌga vxu uy wẽeçxayuꞌ. Mjĩiwaꞌj pakwen ũsga. Wala thẽysa jiꞌphuneꞌga Jeuwa selpii wẽeçxa. Nawa Dxus eçyuꞌ wala yuꞌkxpeheꞌk.
1. ¿Dxus eçaꞌ maajĩkik mjĩinisate?
Dxusyuꞌ kweꞌsx mjĩiniꞌs weçxa thãasune. Dxus eçyuꞌ naꞌjĩꞌk: “Piçthẽꞌjyuꞌ txãjx çxhãçxha mjĩiniꞌs yaꞌweçxane” (Eclesiastés 2:24). Jeuwayuꞌ meh çxhãçxha mjĩisana, kweꞌsxyuꞌ txãꞌs piyawaꞌj jiꞌphnetkhaꞌw, txãꞌw yũuçxa kweꞌsxwa txaꞌwẽyçxa wãt fxiꞌzeyaꞌ ãjanaꞌw.
Mjĩinisayuꞌ wala jxthuhthesana, nawa isateyuꞌ mjĩiçxa yahkxteyuꞌ wala jxthuhthesa meena. Jeuwa selpiinisaçxa wala jxthuthesana (Juan 6:27). Jeuwa kĩjkĩhwa ũsuna peejxmee, txãa yakh jaꞌda ũsteyuꞌ.
2. ¿Vxute maꞌw yahkxwaꞌj jiꞌphkxthaꞌw?
Dxus eçyuꞌ naꞌjĩꞌk: “Vxuyuꞌ nweꞌwene”. Nawa vxuçxan jiꞌphuniyuꞌ weçxan jiꞌphyaꞌ ãjameenaꞌw (Eclesiastés 7:12). Dxus eçyuꞌ naꞌjĩne vxuçxan wẽdxiꞌçmeeneꞌkwe jĩꞌneꞌ. Txãa paꞌkane naꞌw yuꞌkxpeheꞌ: “Maꞌwẽkuẽ [jiꞌphçxawaꞌj] wẽt mfxiꞌzewe” (lẽeywe Hebreos 13:5). Vxu wala meh jiꞌphmeeçxawa kweꞌsxyuꞌ weçxanthaꞌw fxiꞌze. Kweꞌsxyuꞌ vxuçxan wala jxpaꞌkweçmeethaꞌw saꞌ kimnawa yuulmeethaꞌw (Proverbios 22:7). Txaꞌwẽy vxuwa pweesaꞌjaçmeethaꞌw vxu wala jiꞌphuyaꞌ.
3. ¿Kweꞌsx vxu yakh vxitetxiꞌs maꞌw puꞌcxhyaꞌ ãjakxthaꞌw?
Jeuwa Dxusyuꞌ kĩjkĩhnawa jxuka peesna ũsna “Ew yũuwaꞌjçxáꞌs mkaaj, [...] jiꞌphuniꞌs vxitetx jxtxuhdeyaꞌwa” (1 Timoteo 6:18). Jeuwa maꞌwne yũu txaꞌwẽy congregacionaꞌ puꞌçxhna vxite nasa peejxna txaꞌwẽy puꞌçxhna. Jeuwa naꞌwne jxthãasu waˈlmee vxiteweꞌsx peeste, Jeuwayuꞌ wẽt yaatxina. Txãꞌw yũuteyuꞌ ewna (lẽeywe Hechos 20:35).
WEJXKWEÇXA PIYAN UꞌJWEKA
Theguka, maꞌw mjĩiniꞌs thegwaꞌj jiꞌphkxthaꞌw, açyu kĩh yũuçxa kik weçxan fxiꞌzeyaꞌ ãjanaꞌw jiꞌphunisaꞌ yakh.
4. Mj̈ĩisayuꞌ ewsa yũu
Jeuwate namiku yũute, mjĩinisaꞌs ew thegunaꞌw. Txãa VIDEUꞌS thegwe, txajuꞌ naa paapẽynisatxis paswe:
-
¿Jason kĩh kik yaatxi mjĩinisaꞌ?
-
¿Jason kĩh kik yũu txãjx mjĩinisa thaakwe thegyaꞌmee?
Lẽeywe Kolosenses 3:23, 24, txajuꞌ naa paapẽynisatxis paswe:
-
¿Kĩh yũuçxa waˈlmee mjĩiwaꞌj jiꞌphnetkhaꞌw?
Mjĩiwaꞌj wala jxthuhthesana. Nawa wejx jxthuhthesana Dxusaꞌs selpiin ũste.
5. Kĩh jiꞌphçxawa wãt fxiꞌzeyaꞌ ãjanaꞌw
Mazkwẽe nasaweꞌsxaꞌ vxuꞌs jxaaw wẽjeneꞌta. Nawa Dxus eçyuꞌ fxiyku yuꞌkxpeheꞌk. Lẽeywe 1 Timoteo 6:6-8, txajuꞌ naa paapẽynisatxis paswe:
-
¿Dxus eçaꞌ kĩh kik yuꞌkxpeheꞌ?
Vxu walamee jiꞌphçxawa weçxanthaꞌw fxiꞌze, txaꞌwẽy. Txãa VIDEUꞌS thegwe, txajuꞌ naa paapẽynisatxis paswe:
-
Vxu walamee jiꞌphçxa txãa nweꞌsxweꞌsxyuꞌ, ¿kĩh yũuçxa wãt fxiꞌzeyaꞌ ãjatxki?
Vxu jiꞌphçxayuꞌ wejxkwe vxuiiçxan wejx wala jiꞌphuꞌ wẽete, Jesusyuꞌ yuꞌkxpeheꞌ txãꞌw yaatxni ewmeena. Lẽeywe Lukas 12:15-21, txajuꞌ naa paapẽynisatxis paswe:
-
Jesús kaajaꞌdaꞌjnisa, ¿idxyuꞌ kĩhga piya? (Versículo 15 thegwe).
Lẽeywe Proverbios 10:22, txajuꞌ kaajaꞌdaꞌjwe 1 Timoteo 6:10 yakh. Txajuꞌ naa paapẽynisatxis paswe:
-
¿Wejxkwe vxu pakwete ewmanx, meeçxaꞌ Dxus namiku jxthuhthesa yũuwaꞌj ewmanx?, ¿kĩh yũuçxa?
-
Vxu wala jiꞌphuꞌ wẽete, ¿kĩh yũukx?
6. Kĩh peejxtewa Jeuwayuꞌ ũssuna
Wala thẽysa paꞌjte mjĩiwa vxuwaꞌj jiꞌphmeeteꞌ jiyunaꞌw, makwe fe jiꞌphun ũsnetkhaꞌw Jeuwate. Txãa VIDEUꞌS thegwe jiyuyaꞌ ãjaneꞌga txãa thẽysaꞌs maꞌw kitx phewuꞌj, txajuꞌ naa paapẽynisatxis paswe:
-
Txãa yakhthẽꞌj, ¿kĩh thẽysa kik jiꞌphuꞌ?
-
¿Kĩh yũuwaka jiꞌphuꞌ yaçte kaseꞌjyaꞌ?
Lẽeywe Mateo 6:25-34, txajuꞌ naa paapẽynisatxis paswe:
-
¿Jeuwaꞌs khwẽꞌyçxa selpiin ũsçxa, Jeuwa kĩhwa ũsyaꞌwana?
MAII NASAWEꞌSXA NAꞌJĨTX: “Wala mjĩiwaꞌj jiꞌphthu, adx yat pweꞌsx jĩi. Txãa paꞌkath pkhakheyaꞌ uꞌjyaꞌ ãjaꞌçmee”.
-
¿Kĩh texto puꞌçxhiꞌk Jeuwaꞌs khwẽꞌy selpiiwaꞌj?
¿AYTE PAꞌJ KĨHKXTHAꞌW PIYA?
Vxu vxiteꞌ mjĩiniꞌs pejxthaꞌw, nawa wejx jxthuhthesana Dxusaꞌs selpiin ũste.
¿Kĩh pasuguigk?
-
¿Idxaꞌs kĩh puꞌçxhiꞌk mjĩinisa thaakwe yahkxyaꞌmee?
-
Wala meh jiꞌphçxawa weçxanthaꞌw fxiꞌze, ¿kĩh yũuçxa?
-
Jeuwayuꞌ txãjx selpisaatxiꞌs puꞌçxh wẽjene, ¿kweꞌsxyuꞌ maꞌw yũuçxa confianza kaavxaꞌjaꞌyaꞌ ãjakxthaꞌw txãate?
WEJXKWE PIYAYA ÃJANEGA
¿Dxus eçaꞌ maajĩ kik vxute?
Jeuwa kĩh yũupaꞌka yaꞌweçxa.
¿Dxus eçaꞌ maajĩ kik vxu pweesaꞌjnisaꞌs?
“Dxus eçaꞌ maajĩka: Vxu knayte pweesaꞌjn ũsçxa” (¡Despertad!, marzo, 2015te)
Teeçx piçthẽꞌj Dxus yuwe paꞌka txãjx ĩtxi fxiꞌzeniꞌs yuꞌptheꞌjne, meen thegwe.
“Jiba wuwuuniꞌs wala thegyaꞌ wẽdxith” (Ptaꞌsxnĩ, 1 noviembre, 2011te)
