Eeyuꞌ wala jxthuhthesana, ee jiꞌphmeeçxayuꞌ ĩtxi yuuyã ewuumeenaꞌw. Eeaꞌs Dxusne vxit, açaꞌ txãayuꞌ jiina maꞌw yũuwatewa. ¿Eeaꞌs Dxusyuꞌ maꞌw kik theguꞌ? ¿Eeaꞌs ũꞌmathaꞌw meeçxaꞌ txaꞌwẽy kwekwetewa yuꞌakhmathaꞌw? Naate weꞌwnisayuꞌ, ¿maꞌw yũuçxa ew txhitxhyaꞌ ewuukxthaꞌw?

1. ¿Eeaꞌs Dxusyuꞌ maꞌw kik theguꞌ?

Txaanteyyuꞌ Jeuwa naꞌjĩne txãjx selpisaatxiꞌs: “Kĩh çxiçxwa jxuka ĩtxĩ ũssayuꞌ eena” (Levítico 17:14). Ĩtxi fxiꞌzeniꞌsyuꞌ Dxusne pees txãa paꞌka eeyuꞌ wala jxthuhthesana.

2. Dxusyuꞌ eeaꞌs iijxũu jxkaahaçmeene

Jeuwayuꞌ congregación cristiana kaseꞌjmeyna weꞌwne eeaꞌs ũꞌmeeneꞌkwe jiine jxkaah (lẽeywe Génesis 9:4 vxiteꞌ Levítico 17:10). Txajuꞌ vxite congregación cristiana kaseꞌjyãꞌjteyuꞌ Jeuwa txaꞌwẽyne jxkaah. Eeaꞌs ũꞌwaꞌjmee (lẽeywe Hechos 15:28, 29).

¿Eeyuꞌs kĩh yũuçxa iijxũuwameekx? Idxaꞌs Dxus eça weꞌwçxa walxida tuudxmeeneꞌga jĩte txaꞌwẽy tuudxmeeçxa idx venate yuꞌakhmag. Txãꞌw yũuwaꞌjmeena Dxus jxkaahniꞌs txãꞌwmee weꞌw açaꞌ eeaꞌs iijxũuyã ewuumeenaꞌw saꞌ kiꞌũꞌyãwa ãjameenaꞌw txaꞌwẽy ũꞌyã ãjameenaꞌw ee kaꞌdnisaꞌsyuꞌ. ¿Yuꞌçe ee jiꞌphsaꞌs iijxũute ewmanx?

Yuꞌçe ee jiꞌphsaꞌs kwekwete yuꞌakhteyuꞌ yuweka ũꞌnisa naꞌwẽysana txãꞌw yũunisayuꞌ Dxus jxkaahnisameena naꞌwẽysana. Glóbulos rojos, glóbulos blancos, plaquetas, plasma ee jiꞌphsana açyu kweꞌsx kwekwete yuꞌakhwaꞌj jiꞌphmeenetkhaꞌw. Txãa peꞌlakwetxiꞌs vxite peꞌla leꞌçxkwesa jiꞌphsana naꞌwneꞌta yaase fracciones sanguíneas. Txãa fraccionas jxpaꞌka wẽeçxawa peekx ũus yahkxçxa txhitxhwaꞌj jiꞌphna. Vxiteweꞌsxyuꞌ ãçaꞌsa eeaꞌs iijxũuneꞌta txãjx kwekwete iiçxaneꞌta iijxũu nasa peekxiiçxa txhitxhwaꞌj jiꞌphna. (Gálatas 6:5). a

 WEJXKWEÇXA PIYAN UꞌJWEKA

3. Jeuwa maꞌwne jxthãasu txaꞌwẽyçxa txhitxhyaꞌ ãjaneꞌga

Jeuwa kĩh yahkxna ũstewa eeaꞌs, ¿kweꞌsxyuꞌ maꞌw ew txhitxhyaꞌ ãjanaꞌw? Txãa VIDEUꞌS thegwe, txajuꞌ thegyaꞌ ãjaneꞌga Dxus eçaꞌ maꞌw kik yuꞌkxpeheꞌ.

• Jiisa yũu wẽeçxa Dxusaꞌs pẽhy (Santiago 1:5).

• Dxus yuwete principio uꞌptxina pakwewe kĩhçxa kxtey yuu (Proverbios 13:16).

• Idx uꞌpnite puꞌçxhwaꞌjaꞌs pakwe.

• Kaajiyuꞌj kĩh jxpaꞌkameeguigk.

• Yahkxwaꞌj jiꞌphneꞌga ew txhitxh wẽeçxa (Hechos 24:16). b

• Kim yuhwa idx paꞌka txhitxhyaꞌ ãjameena (Romanos 14:12).

• Kĩh yahkxçxawa fxiꞌjçxa nvxiht.

4. Jeuwa kaajiyuꞌjsaweꞌsxyuꞌ yuꞌçeniꞌs ewsaneꞌta pakwe

Eeaꞌs jxpaꞌkameethaꞌw Dxus jxkaahniꞌs kxtey yuuwaꞌj txãa paꞌka ew yuꞌçeniꞌs jxpaꞌka wẽjethaꞌw. Txãa VIDEUꞌS thegwe.

Lẽeywe Tito 3:2, txajuꞌ naa paapẽynisatxis paswe:

• ¿Yuꞌçeꞌjsaꞌweꞌsx yakh kĩh yũuçxa respeto weꞌwwaꞌj jiꞌphkxthaꞌw?

 5. Fracciones sanguíneas

Eeyuꞌ pahz peꞌla jiꞌphsana, glóbulos rojos, glóbulos blancos, plaquetas, plasma. Txãa peꞌlakwetxiꞌs vxite peꞌla leꞌçxkwesas jiꞌphsana txaꞌwẽy naꞌwneꞌta yaase fracciones sanguíneas. c

Txãa fracción sanguineate weꞌwnisayuꞌ idxiiçxa ew txhitxhwaꞌj jiꞌphuneꞌga. Dxus yuwete maꞌwneꞌga piyaꞌ saꞌ txãꞌs yahkxçxa kxtey yuuna. Vxiteyuꞌ fracción sanguínea jiꞌphteyuꞌ waꞌluneꞌta jxpaꞌkayaꞌ nawa vxiteyuꞌ ewneꞌta theguꞌ.

Txhitxh wẽeçxayuꞌ naꞌw paapẽyĩ:

• Txhitxhnisa yuꞌçeꞌjsatxiꞌs, ¿maꞌw ptaꞌsxyaꞌ ãjakith?

 ¿AYTE PAꞌJ KĨHKXTHAꞌW PIYA?

Jeuwayuꞌ naꞌwne jxthãasu eeyuꞌ ewmee iijxũuyaꞌ ãjameeneꞌkwe jiine.

¿Kĩh pasuguigk?

• Jeuwa dxiꞌpte eeyuꞌ wala jxthuhthesana, ¿kĩh yũuçxa?

• Dxus jxkaahniꞌs ee jxpaꞌkayaꞌ kaahmeene txãa jiinisa kwekwetewa jxpaꞌkawameena, ¿maꞌw yũuçxa jiitkhaꞌw?

• ¿Kĩh yũuçxa ew txhitxhwaꞌj jiꞌphukxthaꞌw yuꞌçeꞌjsa ee iijxũu wẽete?