PEꞌLA 41
¿Dxus eçyuꞌ maajĩ kik sexoꞌs?
Maii nasaꞌs thaameeneꞌta sexote weꞌwete. Nawa Dxus eçaꞌ sexote weꞌweçxa respeto yakhku weꞌwe. Jeuwa kweꞌsxtxiꞌs vxit, açyuꞌ txãayuꞌ jiina kĩh pejxtewa, txãa paꞌka kweꞌsxtxiꞌs sexote weꞌwnisa wala puꞌçxhina. Txãayuꞌ ptaꞌsxina kĩh yũuwatewa Jeuwaꞌs weçxa wẽeçxa, txaꞌwẽy maꞌw weçx weçxan fxiꞌzeyaꞌ ãjakxthaꞌw bakaçxtewa.
1. ¿Jeuwa maꞌw kik yaatxi sexoꞌs?
Teeçx piçthẽj uꞌy yakhçxa Jeuwayuꞌ wãtne fxiꞌze jxthãasu, açyu Jeuwayuꞌ peesne sexoꞌs. Sexoyuꞌ wala zxiçxkwesana, nawa ptamuuçxa, Dxus eçaꞌ txãꞌwne kaapiyaꞌja: Nyuu yakh wãt wãt fxiꞌzenekwe txeçxhtepkaçx (Proverbios 5:18, 19). Jeuwa ptamsaweꞌsxtxiꞌs naꞌwne jxthãasu jaꞌdaçxa ũswaꞌj jiꞌphneꞌta. Txãaweꞌsxyuꞌ, vxite piçthẽꞌj vxiteꞌ uꞌy yakh dehwaꞌjmeena (lẽeywe Hebreos 13:4).
2. ¿Txãa inmoralidad sexualyuꞌ kĩhkx?
Dxus eçaꞌ naꞌwku kaapiyaꞌja: “Dxus jxkaahna ũsnite uꞌkayaꞌ ãjawaꞌjsameetaꞌ: Pkal kazxsate fxiꞌzesa” (1 Korintios 6:9, 10). Dxus eçaꞌs fxiꞌjsayuꞌ weꞌweneꞌta, txãa pkaal kazx yũuni fxiꞌzenisa. Txãayuꞌ griegoneꞌta kutxiꞌj pornéia fxiꞌjneꞌta. Txãa fxiꞌjnisayuꞌ: (1) ptamumey jaꞌda dehnisa, txaꞌwẽy ptamuuyãꞌjçxayuꞌ vxite yakh dehyaꞌ ãjameeneꞌga a. (2) Piçthẽꞌjweꞌsx pweꞌsx, uꞌyweꞌsx pweꞌsx kazx yũunisate vxiteꞌ (3) takxweꞌsx yakh kazx yũunisan, txãa tekh weꞌwnisa pornéia na (1 Tesalonicenses 4:3).
WEJXKWEÇXA PIYAN UꞌJWEKA
Theguka: Idxyuꞌ kĩh yũuwaꞌj jiꞌphga inmoralidad sexualte weteyaˈmee. Txaꞌwẽy piya çehk fxiꞌze wẽeçxa, kĩh ewsa jxpaꞌkaguigk.
3. Inmoralidad sexual weteyaˈmee mũph
Teeçx piçthẽꞌj José yaasesayuꞌ, inmoralidad sexualte weteyaꞌ walçxa ũphne. Lẽeywe Génesis 39:1-12, txajuꞌ naa paapẽynisatxis paswe:
-
¿Joseyuꞌ kĩh yũuçxa kik ũph? (Thegwe versículo 9).
-
¿José ewmaꞌk yuu?, ¿kĩh yũuçxa?
José naꞌwẽy yũu wẽeçxa, ¿piçtakxweꞌsxyuꞌ kĩh yũuwaꞌj jiꞌphtxki inmoralidad sexualte weteyaˈmee? Txãa VIDEUꞌS thegwe.
Jeuwayuꞌ inmoralidad sexualte wete thãasuçmeeneꞌ. Lẽeywe 1 Korintios 6:18, txajuꞌ naa paapẽynisatxis paswe:
-
¿Maꞌw yũuçxa kik inmoralidad sexualte wete?
-
¿Idxyuꞌ inmoralidad sexualte maꞌw mũphyaꞌ ãjaguigk?
4. Inmoralidad sexualte idxyuꞌ knayyaꞌ ãjaneꞌga
Thẽymeena inmoralidad sexualte weteyaꞌ, ¿kĩh yũuçxa? Txãa VIDEUꞌS thegwe, txajuꞌ naa paapẽynisatxis paswe:
-
Teeçx yakhthẽꞌj, ¿kĩh kik yũu inmoralidad sexualte weteyaˈmee?
Cristianosweꞌsxyuꞌ txaꞌwẽyçxa wala puiiwaꞌj jiꞌphneꞌta kazx fxiꞌzenisa yahkxyameꞌ, ¿idxyuꞌ kĩh yũuyaꞌ ãjaguigk kazx fxiꞌzenisa yahkxyameꞌ? Lẽeywe Fxilipenses 4:8, txajuꞌ naa paapẽynisatxis paswe:
-
¿Kĩh yahkxwaꞌj jiꞌphkxthaꞌw?
-
Dxus eçaꞌs lẽeyna vxiteꞌ Dxusaꞌs selpiin ũsçxa, ¿puꞌçxhmaꞌk kazx yũuni fxiꞌzenisa weteyaˈmee?, ¿kĩh yũuçxa?
5. Jeuwa jxkaanisa kweꞌsxtxiꞌs puꞌçxhina
Jeuwayuꞌ jiina kweꞌsx maꞌw wẽt fxiꞌzewatewa, txãꞌsane yuꞌkxpeheꞌk kweꞌsx çehk fxiꞌzekhan. Lẽeywe Proverbios 7:7-27 meeçxaꞌ txãa VIDEUꞌS thegwe, txajuꞌ naa paapẽynisatxis paswe:
-
¿Txãa piçtakxyaꞌ kĩh kik yũu? (Thegwe Proverbios 7:8, 9).
-
Proverbios 7:23, 26te weꞌwnisa, kweꞌsx yahkxnite çehk ũsçxayuꞌ, ¿kĩh thẽysaꞌs jiꞌphmeekxthaꞌw?
-
¿Çehk fxiꞌzete maꞌw puꞌçxhiꞌk bakaçxtewa ĩtxi fxiꞌzewaꞌj?
“Dxusaꞌ homosexualaꞌs peeykãhaçmeeneꞌ” jĩneꞌta weꞌwe nasaweꞌsxaꞌ, nawa, ¿isamanx? Isameena, Dxusyuꞌ wala peeykãasana, açyu kweꞌsxtxiꞌs wãtne fxiꞌze jxthãasu. Nawa, txãjx weꞌwnisaꞌ kxtey yuu wẽeçxa, txãjx jxkaahniꞌs nwẽeseꞌjwaꞌj jiꞌphnetkhaꞌw. Lẽeywe 1 Korintios 6:9-11, txajuꞌ naa paapẽynisatxis paswe:
-
¿Dxusyuꞌ kĩh kik wẽdxiçmee?
Dxus aprobación jxpaꞌka wẽeçxa, jxukasay ewmesaꞌs nvxihtwaꞌj jiꞌphnetkhaꞌw. ¿Txãꞌw yũute ewmanx? Lẽeywe Salmo 19:8, 11, txajuꞌ naa paapẽynisatxis paswe:
-
¿Jeuwa jxkaahniꞌs kweꞌsxtxiꞌs nweꞌwmaꞌk?, ¿kĩh yũuçxaga txãꞌw yaatxi?
Jeuwayuꞌ mazkwẽ nasatxiꞌs puꞌçxhne, txãjx jxkaahnitxiꞌs nwẽeseꞌjyaꞌ. Açyu idxaꞌswa txaꞌwẽyçxa puꞌçxhina txãjx jxkaahniꞌs nwẽeseꞌjwaꞌj.
MAII NASAWEꞌSXA NAꞌJĨTX: “Nasa jeꞌzsaꞌ yaꞌwẽdxçxa sexo jiꞌphte ewna jĩneꞌta”.
-
¿Idxaꞌ maajĩguigk?
¿AYTE PAꞌJ KĨHKXTHAꞌW PIYA?
Teeçx piçthẽꞌj uꞌy yakhçxa Jeuwayuꞌ wãtne fxiꞌze jxthãasu. Açyu Jeuwayuꞌ peesne sexoꞌs. Sexoyuꞌ wala zxiçxkwesana, nawa ptamuuçxaçxaa.
¿Kĩh pasuguigk?
-
Txãa inmoralidad sexualyuꞌ, ¿kĩh yũunisakx?
-
¿Kĩh puꞌçxhiꞌkx inmoralidad sexualte weteyaˈmee?
-
Jeuwa jxkaahniꞌs nwẽeseꞌjte, ¿maꞌw puꞌçxhiꞌkx?
WEJXKWE PIYAYA ÃJANEGA
Teeçx piçthẽꞌj vxiteꞌ uꞌy yakh fxiꞌze wẽeçxa, Dxusyuꞌ ptaamuu kahane, ¿kĩh yũucxa?
“Ptamumee fxiꞌzete, ¿Dxus eçyuꞌ maajĩka?” (Pakwewe jw.org te)
Thegyaꞌ ãjanaꞌw: Dxus ecaꞌ kĩh kik weꞌw homosexualidadte
Dxus eçaꞌ sexote weꞌwnisa kweꞌsxtxiꞌs wala nweꞌwena.
“Sexo yuweka vxitnisaꞌ isateyuꞌ sexomanx” (Pakwewe jw.org te)
Kĩh puꞌçxhiꞌk teeçx piçthẽꞌj homosexual nvxihtyaꞌ, meen lẽeywe naa revista: “Ewtxi jxpaꞌka”.
“Dxus yuwe txãjx fxiꞌzeniꞌs yuꞌptheꞌjne” (Ptaꞌsxnĩ, 1 abril, 2011te)
a Sexote yahkxçxa jxaꞌdxwameena: yuk, çxuꞌçx, kusx, çxulx txãayuꞌ peekx jiimeeꞌs jxaꞌdxwameena. Sexo yukka vxitni vxiteꞌ yuweka vxitnisaꞌsyuꞌ meh kazxsana txãꞌw yũuwameena.
