PEꞌLA 44

¿Dxusaꞌ fiestatxiꞌs jxuka wẽdximaꞌk?

TAKH

Jeuwayuꞌ kweꞌsxtxiꞌs wãtne fxiꞌze thãasuꞌ. Açyu maꞌweni fiesta vxityaꞌ ãjanaꞌw. Nawa, ¿Dxusyuꞌ jxuka fiestaꞌs wẽdximaꞌk? Jeuwa yaatxniꞌs wala jxthuhthesana kweꞌsx jĩi, ¿maꞌwkxthaꞌw kaajiyuꞌj?

1. ¿Jeuwayuꞌ kĩh yũuçxa kik fiestatxiꞌs jxuka wẽdxiꞌçmee?

Vxite fiestayuꞌ Dxus kaapiyaꞌjnisa jiꞌphmeena, ĩsxiinçxaa kaapiyaꞌjnisana. Vxiteyuꞌ nasa yahkxnisaçxatene weꞌwe, vxiteyuꞌ espiritismoçxateneꞌta kaapiyaꞌjaꞌ. Txãꞌw kaapiyaꞌjnisateyuꞌ Dxusyuꞌ wẽdxiꞌçmeeneꞌ vxiteyuꞌ inmortalidadneꞌta kaapiyaꞌjaꞌ, nawa txãayuꞌ ĩsxiinisana (Isaías 65:11). Txãa paꞌka Jeuwayuꞌ wala yuꞌkxpeheꞌk: “Ewmeesaweꞌsx ksxavxyu kasehçxa utxaanuwe, Saꞌ ewmeesaꞌs jxaꞌdxnuwe” (2 Korintios 6:17). a

2. ¿Jeuwayuꞌ maꞌw kik theguꞌ fiesta vxitçxa piçthẽꞌjçxan weçxate?

Jeuwayuꞌ naꞌwne yuꞌkxpeheꞌ “piçtheꞌjweꞌsxçxa konfianza kiꞌpuwaꞌj jiꞌphmeenetkhaꞌw ewmeete weteyaꞌmee” (lẽeywe Jeremías 17:5). Vxite fiestatxiꞌsyuꞌ nasa jxkaahsaꞌsçxaneꞌta weçxa, vxiteyuꞌ banderaçxaneꞌta weçxa, txaꞌwẽy independencia fiestatxiꞌs vxitçxayuꞌ wala weçxaneꞌta (1 Juan 5:21). Fiesta vxite nasaweꞌsxçxan weçxate, ¿Jeuwayuꞌ maꞌw kik theguꞌ?

3. ¿Fiesta ewmeete maꞌw yũuçxa jiithkhaꞌw?

Walxida wala tuudxte, fiestate ewmee yũun pkhakheçxa tuudxte, txaꞌw yũunisa Dxus eçte ewmeena jĩꞌk (1 Pedro 4:3). Maii fiestateyuꞌ nasaweꞌsxyuꞌ kĩjkĩhnawa jxuka ewmeesaꞌs vxituneꞌta, kweꞌsxyuꞌ txãa fiestateyuꞌ uçheꞌçmeethaꞌw, Jeuwa wẽdxiniꞌsçxathaꞌw yũu wẽje.

WEJXKWEÇXA PIYAN UꞌJWEKA

Jeuwaꞌs kaaweçxa wẽeçxa fiestatxiꞌs wala ew txhitxhwaꞌj jiꞌphnetkhaꞌw, vxite yuꞌkxpehnisaꞌs theguka.

4. Jeuwa fiestaꞌs ewmee thegte uꞌjmeeneꞌga

Lẽeywe Efxesios 5:10, txajuꞌ naa paapẽynisatxis paswe:

¿Fiesta vxit wẽeçxa kĩh yahkxwaꞌj jiꞌphkxthaꞌw?
¿Idx uꞌpnite kĩh fiestate vxitu?
¿Jeuwayuꞌ txãa fiesta wẽdximaꞌk?

¿Año kaahaçxa fiesta vxitteꞌ Jeuwayuꞌ maꞌw kik theguꞌ? Dxus eçteyuꞌ kĩhte yuhwa weꞌweçmeeneꞌ año kaahaçxa fiesta vxitniꞌs. Nawa Dxus eçteyuꞌ weꞌweꞌk Dxusna selpiisameeyuꞌ año kaahaniꞌs fiesta vxitneꞌta. Lẽeywe Génesis 40:20-22 vxiteꞌ Mateo 14:6-10. Txajuꞌ naa paapẽynisatxis paswe:

Txãa jeꞌz fiestate, ¿kĩhka yũu?
Paapẽywe: ¿año kaahaçxa fiesta vxitteꞌ Jeuwayuꞌ maꞌw kik theguꞌ?

¿Año kaahaçxa piꞌkxte idxyuꞌ maꞌw yũuguigk? Lẽeywe Éxodo 32:1-8. Txãa VIDEUꞌS thegwe, txajuꞌ naa paapẽynisatxis paswe:

VIDEU: ¿Dxusaꞌ maa sũhuꞌ kik txãa fiesta ewmeesatxis? (5:07)

¿Kĩh yũuçxa Jeuwa wẽdxniꞌs jiyuwaꞌj jiꞌphkxthaꞌw?
¿Maꞌw yũuçxa jiikxthaꞌw Jeuwa wẽdxniꞌs?

¿Dxusyuꞌ maa fiestaꞌs kik wẽdxi?

¿Dxus eçaꞌ txãa fiestaꞌs ptaꞌsximaꞌk? Maaju yuhkx sũhn, jiyu wẽeçxa pakweneꞌga.
¿Kimna weçxakxthaꞌw? Kweꞌsxyuꞌ Jeuwanthaꞌw weçxa saꞌ txaꞌwẽy jiithaꞌw naa kiwete thẽysa ũsaꞌs Jeuwaçxa phewuꞌjuna.
¿Txãa fiesta ewmeesamanx? Mtee ũstewa Dxus jxkaahniꞌs bakaçxtewa respetaĩwaꞌjna kĩhwa kazx yũumee.

5. Vxitetx puꞌçxh idx kreĩniꞌs respetaĩkahn

Fiestan piꞌkxte yuhmeen jĩwaꞌjyuꞌ wala thẽyna. Idx txhitxhnisaꞌs ptaꞌsxyaꞌ ãjaneꞌga peeykãhn vxiteꞌ respeto yakh. Txãa VIDEUꞌS thegwe.

VIDEU: Ũusaçxan weꞌwemeeçxayu ewçxa mpaswe (2:01)

Lẽeywe Mateo 7:12, txajuꞌ naa paapẽynisatxis paswe:

¿Dxusna selpiisameetxiꞌs fiesta vxitnuwe jĩyaꞌ ewuumag?
Fiestan uꞌjmeeçxawa, ¿idx nweꞌsxtxiꞌs, kĩh yũuwaꞌj jiꞌphguigk idx peeykãahniꞌs kaajiyuꞌj wẽeçxa?

6. Jeuwayuꞌ kweꞌsxtxiꞌs wãtne fxiꞌze thãasu

Jeuwayuꞌ nweꞌsx yakh vxiteꞌ namikuweꞌsx yakh jaꞌda ewne weçxan fxiꞌze thãasuꞌ. Lẽeywe Eclesiastés 8:15, txajuꞌ naa paapẽynisatxis paswe:

¿Jeuwayuꞌ kweꞌsx jĩi kĩh kik thãasu?

Jeuwayuꞌ txãjx selpiisatxiꞌsyuꞌ jxukaysa pkhakheçxa jaꞌda weçxane fxiꞌze thãasu. Yakhthẽꞌjweꞌsxwa jxuka pkhakheneꞌta pkhakheni walate, txãꞌw yũuçxa jaꞌda weçxan fxiꞌzeneꞌta. Txãa VIDEUꞌS thegwe.

VIDEU: Yakhthẽꞌjweꞌsxaꞌ peeykãhçxayu asamblea internacionalteneꞌta ew puutx yaꞌjxpaꞌka (5:40)

Lẽeywe Gálatas 6:10, txajuꞌ naa paapẽynisatxis paswe:

¿Vxitetx ew yũu wẽeçxa fiesta vxitwaꞌj jiꞌphmathaꞌw?
¿Idxyuꞌ kĩh yũu paꞌka pees wẽje?
Jeuwa kaajiyuꞌjsaweꞌsxyuꞌ luuçxtxiꞌs pkhakheçxa peesyaꞌ wẽdxineꞌta. ¿Neyweꞌsxyuꞌ txãaweꞌsx luuçxweꞌsxtxiꞌs kĩh peesyaꞌ ewuuguigk?

MAII NASAWEꞌSXA NAꞌJĨTX: “Fiestayuꞌ ewmeetewa kĩh yũumeena adx nweꞌsx yakhçxath pkhakhe wẽje”.

¿Idxyuꞌ maꞌw pasuguigk?

¿AYTE PAꞌJ KĨHKXTHAꞌW PIYA?

Jeuwayuꞌ yat pweꞌsx yakh vxiteꞌ namikuweꞌsx yakh jaꞌda weçxanku ũs thãasu. Fiesta ewmeesaꞌs Dxusyuꞌ ahçene, açyu kweꞌsxyuꞌ pkhakhewaꞌj jiꞌphmeenetkhaꞌw.