Jesusaꞌ txãjx discipuloweꞌsxtxiꞌs kaapiyaꞌjne, iꞌkweꞌsxaꞌ naa kiweteweꞌsxmeeneꞌkwe jĩne (Juan 15:19). Txãa jĩnisa naa kiwete politicaweꞌsx juꞌguyuꞌmeeneꞌkwe jĩne kaapiyaꞌj, nawa txãꞌw yũuwayuꞌ maiitxiꞌs wala thẽyna nasa npeevxsxihkatewa. ¿Maꞌw yũuçxa kim juꞌgu yũumee Jeuwaçxana selpii wẽeçxa?

1. Cristiano isasaweꞌsxaꞌ nasa gobiernoꞌs, ¿maꞌwka theguꞌ?

Cristianoweꞌsxyuꞌ gobiernoweꞌsxtxiꞌs wala respetaĩneꞌta. “Jesusaꞌ naꞌwẽk jxkaah:—Cesaraꞌs jĩꞌs Cesaraꞌs dukhwaꞌjaꞌ”. Kweꞌsxyuꞌ Jesús jxkaahniꞌs wẽseꞌjçxa impuestoꞌs dukhethaꞌw (Markos 12:17). Dxus eçyuꞌ naꞌwku kaapiyaꞌja nasa gobiernosyuꞌ Dxus nvxiihtnisana, txãa paꞌka jxkaajxaꞌ ãjaneꞌta (Romanos 13:1). Txaꞌwẽy jiyuthaꞌw nasa gobiernosyuꞌ çxhãçxhasameetaꞌ Dxus Gobiernosyuꞌ wejx thaakwe çxhãçxhasana, açyu Dxus Gobiernoçxa naa kiwete thẽysaꞌs pheuꞌjxaꞌ ãjana.

2. ¿Maꞌw yũuçxa kaavxaꞌjakxthaꞌw maa juꞌgu ũsmeetewa?

Kweꞌsxyuꞌ Jesús naꞌwẽy politicate kaꞌduçmeethaꞌw. Nasayuꞌ uyneꞌta Jesusaꞌ txãa milagro vxitteꞌ, txãaweꞌsxyuꞌ jxkaahsaneꞌta vxit wẽje naa kiwete jxkaakhan, nawa Jesusyuꞌ jxpaꞌkameeneꞌ (Juan 6:15). ¿Kĩh yũuçxa? Jesusaꞌ ptaꞌsxku: adx jxkaahwaꞌjaꞌ naa kiweteweꞌsxmeena (Juan 18:36). Jesús discipuloweꞌsxaꞌ maa juꞌgu yuhwa yũuçmeeneꞌta, txaꞌwẽy puiiwa puꞌçxhmeeneꞌta (lẽeywe Miqueas 4:3). Banderaꞌsyuꞌ respetaĩthaꞌw, nawa txãꞌs weçxaniyuꞌ ewmeena, Dxusaꞌsthaꞌw weçxa (1 Juan 5:21). Kĩh politicatewa txãa juꞌgu ũsmeethaꞌw, txaꞌwẽy nuyweꞌweçmeethaꞌw. Kweꞌsxyuꞌ Dxus Gobiernoçxathaꞌw puꞌçxhi.

 WEJXKWEÇXA PIYAN UꞌJWEKA

3. Isasa cristianoweꞌsxyuꞌ maa juꞌgu yuhwa ũsmeeyã

Jesús vxiteꞌ discipuloweꞌsxyuꞌ ejemplo nvxihtneꞌta. Lẽeywe Romanos 13:1, 5-7 vxiteꞌ 1 Pedro 2:13, 14. Txãa VIDEUꞌS thegwe txajuꞌ naa paapẽynisatxis paswe:

• ¿Jxkaahsaweꞌsxtxiꞌs kĩh yũuçxa respetaĩwaꞌj jiꞌphkxthaꞌw?

• ¿Jxkaahsaweꞌsxtxiꞌs nwẽeseꞌjçxa maꞌwkxthaꞌw kaavxaꞌjaꞌ?

Vxite çxhabyuꞌ puiiwaꞌjaꞌs puꞌçxhmeenaꞌw jĩneꞌta, nawa puꞌçxhineꞌta txãa jĩçxawa txãa çxhab pweꞌsx yaꞌpuꞌçxhineꞌta puiiwaꞌjaꞌs. Txãa weꞌwnisa, ¿isateyuꞌ neutralidadsamanx? Lẽeywe Juan 17:16. Txãa VIDEUꞌS thegwe, txajuꞌ naa paapẽynisatxis paswe:

• ¿Maa juꞌguwa ũs wẽemeeçxa, kĩh yuuwaꞌj jiꞌphguigk?

Maii gobiernoweꞌsxyuꞌ Dxus jxkaahnimeeꞌs jxkaahte kweꞌsxyuꞌ kĩh yũuwaꞌj jiꞌphkxthaꞌw, lẽeywe Hechos 5:28, 29. Txãa VIDEUꞌS thegwe, txajuꞌ naa paapẽynisatxis paswe:

• ¿Maii Gobiernoweꞌsxyuꞌ Dxus jxkaahnimeeꞌs jxkaahte kweꞌsxyuꞌ kimna nwẽeseꞌjwaꞌj jiꞌphkxthaꞌw?

• ¿Kĩh yũute nasa gobiernosyuꞌ nwẽeseꞌjwaꞌj jiꞌphmeekxthaꞌw?

 4. Kĩh yũun ũstewa neutral yũuneꞌga

Lẽeywe 1 Juan 5:21. Txãa VIDEUꞌS thegwe txajuꞌ naa paapẽynisatxis paswe.

• ¿Ayengeyuꞌ kĩh yũuçxa kik política yakh ceremonia patrioticate utxaꞌçmeꞌ?

• ¿Ayengeyuꞌ ewmaꞌk txhitxh?

¿Kweꞌsxyuꞌ maꞌw kaavxaꞌjxaꞌ ãjakxthaꞌw maa juꞌgu ũsmeetewa? Txãa VIDEUꞌS thegwe, txajuꞌ naa paapẽynisatxis paswe.

• Adx çxhabteweꞌsx vxite çxhab yakh pelota pweesaꞌjn ũste maꞌw juꞌgu ũsmeeçxawa, ¿maꞌw yũuçxa kaavxaꞌjxaꞌ ewuuguigk?

• Politicoweꞌsx ew yũun ũste kĩh ewmee yũute, ¿kweꞌsxyuꞌ kĩh yũuwaꞌj jiꞌphkxthaꞌw?

• Radiote wẽseꞌjnisa vxite televisorte thegnisa kweꞌsx juꞌgu yuuniꞌs, ¿maꞌw kitx suwuu?

 ¿AYTE PAꞌJ KĨHKXTHAꞌW PIYA?

Cristianosweꞌsxyuꞌ neutralidad kaavxaꞌj wẽjeꞌthaꞌw, txãa paꞌka politicate juꞌgu ũsmeethaꞌw.

¿Kĩh pasuguigk?

• ¿Nasa gobiernoꞌs kĩhte paꞌj nwẽeseꞌjwaꞌj jiꞌphkxthaꞌw?

• ¿Politicateyuꞌ kĩh yũuçxakxthaꞌw maa juꞌgu yũuçmee?

• Neutralidad kaavxaꞌj wẽeçxa, ¿thẽymanx?