PEꞌLA 48

Namiku ewsa mtxhitxh

TAKH

Namikuweꞌsx ewsayuꞌ wala kaaweçxaꞌjaneꞌta saꞌ wala thẽysa jiꞌphtewa puꞌçxhineꞌta. Txajĩi nxusnisayuꞌ leꞌçxkwene neeyũun kaaha. Nawa, Dxus eçaꞌ naꞌwku kaapiyaꞌjaꞌ maii namikuyuꞌ ewmeesayã, ¿maꞌw yũuçxa namiku ewsa txhitxhyaꞌ ãjaguigk? Ayte uyyaꞌ ãjaneꞌga txãa pasnisaꞌs.

1. ¿Namikuweꞌsxyuꞌ kweꞌsx ĩtxi fxiꞌzeniꞌs puꞌçxhyaꞌ ãjamatx?

Ewsa namiku jiꞌphte kweꞌsx fxiꞌzeniꞌs puꞌçxhina ew yũuwaꞌj, nawa ewmee namikuweꞌsx jiꞌphte ewmee kaapiyaꞌjayã. Açyu fxiy meena kĩhte uꞌpçxawa txãa internette namikuweꞌsx meeçxaꞌ jaꞌda uꞌjusaꞌs, Dxus eçaꞌ naꞌjĩꞌk: Jiisa yakh uꞌjusa jiisa yũuna saꞌ ewmee yũusa yakh uꞌjusa txãawa ewmeete wetena (Proverbios 13:20). Namikuweꞌsxyuꞌ Dxusaꞌs peeykãhn ũsçxa, kweꞌsxtxiꞌs wala puꞌçxhiyã Jeuwan txaꞌwẽyçxa peeykãhn ũsyaꞌ. Jeuwan selpiisameetx namiku yũute, kweꞌsxtxiwa Jeuwa yakh fxiꞌzeniꞌs suwuuna. Dxus eçaꞌ wala yuꞌkxpeheꞌk wala jxpaꞌyahkx ũswaꞌj jiꞌphneꞌtkhaꞌw, namikuweꞌsx yakh. Açyu, namiku Dxusaꞌs peeykãhn ũsçxa kweꞌsxtxiwa wala puꞌçxhina. Dxus eçaꞌ naꞌwku weꞌwe: “Txãa paꞌga nxusmée mfxiꞌzewe. Puutx teeçxsa naꞌwẽçxah kçxhãaçxhaꞌjna naꞌwẽ yũuna ũsiꞌkwe txãꞌwẽçxáa meswe” (1 Tesalonicenses 5:11).

2. ¿Kĩh yũuçxa namiku ewsatxiꞌs txhitxhwaꞌj jiꞌphguigk?

Jeuwayuꞌ txãjx namikutxiꞌs meh ew txhitxhine, txãa paꞌka ew uꞌjusa yakh Jeuwayuꞌ utxaana (Proverbios 3:32). Namiku ewmeesa yakh utxaan ũsteyuꞌ, ¿Jeuwa maꞌw kik yaatxi? Namikuweꞌsx ewmeesa jiꞌphte, Jeuwayuꞌ wala nxusune. Txãaweꞌsxyuꞌ puꞌçxhmeeneꞌta Dxusaꞌs selpiiyaꞌ txãa paꞌka (lẽeywe Santiago 4:4). Namiku ewmeesatxiꞌs nvxihtte, Jeuwayuꞌ wala weçxana (Salmo 15:1-4).

WEJXKWEÇXA PIYAN UꞌJWEKA

Theguka, kĩh yũuçxa wala jxthuhthesakx namiku ewsa jiꞌphte, txaꞌwẽy thegyaꞌ ãjaneꞌga ewsa namikutxiꞌs idx ĩtxi fxiꞌzeniꞌs maꞌw puꞌçxhiꞌk.

3. Wala jxpaꞌyahkx ũs kaahaꞌk namiku ewmeesatxiꞌs

Namiku ewmeesayuꞌ Jeuwaꞌs peeykãhaçmeeneꞌta, txãꞌwey txãjx jxthaasniꞌs kxtey yuumeeneꞌta. Txãa VIDEUꞌS thegwe, txajuꞌ naa paapẽynisatxis paswe:

VIDEU: Nasa ewmeesa yakh namiku yũuwaꞌjmeena (6:17)

¿Maꞌw yũuçxa jiyuguigk namiku ewmeesa jiꞌphçxawa?

Lẽeywe 1 Korintios 15:33, txajuꞌ naa paapẽynisatxis paswe:

¿Idxaꞌsyuꞌ kim namiku ewmeesatxki?, ¿kĩh yũuçxa?

Lẽeywe Salmo 119:63, txajuꞌ naa paapẽynisatxis paswe:

Namiku ewsa, ¿kĩh jiꞌphuwaꞌj jiꞌphtxki?

Teeçx manzana çxibxsa vxite manzanatx suwuuna. Idx namiku ewmeesa, ¿maꞌw suwuutxki?

4. Kweꞌsx fxiyfxiysa namiku jiꞌphuyaꞌ ãjaꞌjnaꞌw

Dxus eçyuꞌ naꞌwku weꞌwe: David vxiteꞌ Jonatanyuꞌ meh namiku ewsa yũuneꞌta. Davidyuꞌ piçtakxne yũu, Jonatanaꞌ wala thẽꞌj yũune. Fxiyfxiyçxaneꞌta fxiꞌze, nawa jaꞌda fxiꞌzeniꞌs wala zxiçxkwe jiꞌphutx. Lẽeywe 1 Samuel 18:1, txajuꞌ naa paapẽynisatxis paswe:

¿Kĩh yũuçxa fxiyfxiysa namiku jiꞌphuguigk?

Lẽeywe Romanos 1:11, 12, txajuꞌ naa paapẽynisatxis paswe:

¿Namikuweꞌsx maꞌw kitx kçxhãçxhaꞌj Jeuwaꞌs selpii wẽeçxa?

Jiyumey, teeçx piçtakx maꞌw kik uy namiku ewsa. Txãa VIDEUꞌS thegwe, txajuꞌ naa paapẽynisatxis paswe:

VIDEU: Namiku ewsaꞌs pakweçxayuꞌ uyuuneꞌga (5:06)

Akilaꞌ escuelate namiku jiꞌphune, açyu ¿neyweꞌsxyuꞌ kĩh yũuçxa kitx kũh yahkxna ũsu?
¿Akilyuꞌ maꞌwte kik namiku txãꞌwsatx wẽdxi?
¿Kĩhka yũu txãaçxa ũsyaꞌmeeꞌ?

5. Namiku ewsayuꞌ, ¿maꞌw jiꞌphuyaꞌ ãjaguigk?

¿Namiku ewsa maꞌw pakweyaꞌ ãjaguigk? ¿Idxwa maꞌw ew namiku yũuyã ãjaguigk? Txãa VIDEUꞌS thegwe.

VIDEU: ¿Namiku ewsayuꞌ maꞌwki? (4:14)

Lẽeywe Proverbios 18:24; 27:17, txajuꞌ naa paapẽynisatxis paswe:

¿Namiku ewsaçxa maꞌw puutx yaꞌpuꞌçxhikxthaꞌw?
Proverbioste weꞌwnisa naꞌwẽy, ¿idxyuꞌ namiku txaꞌwẽysa jiꞌphga? Nawa txaꞌwẽysa namiku jiꞌphmeeçxayuꞌ, ¿idxyuꞌ kĩh yũuwaꞌj jiꞌphguigk?

Lẽeywe Fxilipenses 2:4, txajuꞌ naa paapẽynisatxis paswe: