Notas
-
Yuꞌçeꞌjsaweꞌsxyuꞌ ãçaꞌsaweꞌsxtxiꞌs puꞌçxh wẽeçxa, eeaꞌs iijxũuneꞌta
-
Negocio vxiteꞌ asunto legal açyu, ¿kĩh yũuwaꞌj jiꞌphkxthaꞌw?
1. Babilonia çxhab txakwe walasa kimna
Religión jxuka ĩsxiisayuꞌ “Babilonia çxhab txakwe walasana”, ¿maꞌw yũuçxa jiitkaꞌw? (Apocalipsis 17:5). Theguka tekh peꞌlakwetxiꞌs:
-
Babilonia çxhab txakwe walasa naa kiwete utaa ũsna. Babiloniayuꞌ çxhabu wala kũjsate kaçxhsa jxkaahna uꞌpna. Jxkaahsatx jxkaahn ũsna (Apocalipsis 17:15, 18).
-
Babilonia çxhab txakwe walasayuꞌ potencia política yũumeena txweysaweꞌsxmeena, txaꞌwẽy weysameena . Dxus eçaꞌ naꞌjĩꞌk jxkaahsaweꞌsx vxiteꞌ txweysaweꞌsx, txaꞌwẽy wesaweꞌsx ĩtxi ũsuyã. Babilonia çxhab txakwe walasa pabate. (Apocalipsis 18: 9, 15).
-
Babilonia çxhab txakwe walasayuꞌ, Dxus yase khũuçxiꞌjne. Txãa Babilonia çxhab txakwe walasa, uꞌy kazx yũuna fxiꞌzesa yaasena. Txãa uꞌyyuꞌ gobiernos yakh jaꞌda mjĩin ũsna, vxu paꞌka (Apocalipsis 17:1, 2). Nasaweꞌsxtxiꞌs naa kiwete jxuka kaajxpubaꞌj ũsna, txaꞌwẽy mazkwe nasaweꞌsx uun ũsyã, txãa uꞌy paꞌka (Apocalipsis 18:23, 24).
2. ¿Dxus txhitxhni baaçx kik vxaa?
Dxus eçyuꞌ naꞌjĩne weꞌw: 69 semanas skhẽwyãꞌ Dxus txhitxhni vxaawaꞌjaꞌs (lẽeywe Daniel 9:25).
-
¿69 semanayuꞌ baaçxka takh? Año 455te antes de nuestra. Txãa añote Nehemías jxkaahsa Jerusalente kũhne, kiꞌ txãa çxhabaꞌs pheuꞌjyaꞌ (Daniel 9:25; Nehemías 2:1, 5-8).
-
¿69 semanasyuꞌ makwe txeçxh een kik thẽeyuu? Profecía bíblicate weꞌwnisayuꞌ teeçx eenyuꞌ teeçx año naꞌwna (Números 14:34; Ezequiel 4:6). Teeçx kisuyuꞌ siete añona, açyu 69 kisuyuꞌ, 483 añona (69 semanatx por 7 diate).
-
¿69 semanayuꞌ baaçxka pçuu? Nehemías Jerusalente kuꞌjniju, 483 año isate. Açyu txãa weꞌwnisayuꞌ Jesús yaꞌbautisaynisayuꞌ año 29 era común te paꞌj a jxũunuweꞌk fxiꞌjnisa interneteçxa (Lukas 3:1; 21, 22).
3. Yuꞌçeꞌjsaweꞌsxyuꞌ ãçaꞌsaweꞌsxtxiꞌs puꞌçxh wẽeçxa, eeaꞌs iijxũuneꞌta
Yuꞌçeꞌjsaweꞌsxyuꞌ ãçaꞌsaweꞌsxtxiꞌs puꞌçxh wẽeçxa, eeaꞌs iijxũuneꞌta, nawa eeaꞌs kutxiꞌjyaꞌ jxaawuneꞌta txãꞌw yũunisa ewmeena (Deuteronomio 15:23).
Maii cristianosweꞌsxyuꞌ naa yuꞌçesatxiꞌs iijxũuneꞌta: Análisis de sangre, hemodiálisis, hemodilución, máquina de recuperación de sangre meeçxaꞌ bomba de derivación cardiopulmonar. Cristianosweꞌsxyuꞌ txhitxhwaꞌj jiꞌphneꞌta maꞌw iijxũuyaꞌwatewa eeaꞌs, yuꞌçesa ũste meeçxaꞌ yuꞌçeꞌjsa yakh weꞌwyaꞌ, açyu naꞌw paapẽywaꞌj jiꞌphneꞌta:
-
Maii yuꞌçesaweꞌsxyuꞌ eeaꞌs kutxiꞌjçxa thẽymee, kiꞌ akhneꞌta txãa eeaꞌs kwekwete. Açyu, idxyuꞌ txãꞌw yũunisa, ¿jxpaꞌkamag? (Deuteronomio 12:23, 24).
-
Yuꞌçeꞌjsa eeaꞌs kutxiꞌjçxa çehk nvxitkhan kiꞌsxaweduneꞌta kwekwete, txãꞌw yũunisa, ¿ewmanx?
4. Ptaamsaweꞌsx txuteeniꞌs
Dxus eça ptaamsaweꞌsxtxiꞌs kĩhwa txutee kaahaçmeena. Nawa txuteeteyuꞌ kĩhwa ptaamuyaꞌ ãjaçmeeneꞌta (1 Korintios 7:10, 11). Nawa maii cristianosweꞌsxyuꞌ txutee wẽjeneꞌta. Açyu, ¿baaçx kitx txuteeyaꞌ ãja?
-
Yatteweꞌsxtxiꞌs iipeꞌjxyaꞌ walte: Nmiyuꞌ ũꞌnisa puꞌçxhyaꞌ waꞌlune, txaꞌwẽy nmiyuꞌ kĩhte ewsa uꞌpuwa pakweçmeene (1 Timoteo 5:8).
-
Nyuu meeçxaꞌ nmiꞌ seena uyiine: Txaꞌw yũunisa seena ewmeesana (Gálatas 5:19-21).
-
Dxusaꞌs selpiiyaꞌ ahçene: Nmiꞌ meeçxaꞌ nyuu ũusxaçxan ũspaꞌka, Dxusaꞌs selpiiyaꞌ wala ahçene (Hechos 5:29).
5. Fiestatxiꞌs
Jeuwa wẽdxmeeteyuꞌ fiestas vxitmeenaꞌw, fiestate piꞌkx wẽeçxa cristiano isa paapẽywaꞌj jiꞌphna: ¿Adxyuꞌ kĩh yũuyaꞌ ãjakith? Maii ejemplotxiꞌs theguka:
-
Maii nasaweꞌsx naꞌjĩneꞌta; “wãt ũsya ãjaneꞌga fiestate”: Naꞌw pasyaꞌ ãjaneꞌga: “Çxute”. Nawa vxite paapẽynisa jiꞌphte txãa nasaweꞌsxyuꞌ kaajiyuꞌjyaꞌ ãjaguig: ¿Kĩh yũuçxa kik txãa fiestas celebraymee?
-
Ptaamsayuꞌ Dxusaꞌs selpiimeeneꞌta teeçxçxane selpii fiestan piꞌkxte uꞌjmag: Fiestate uꞌjuyaꞌ txhitxhteyuꞌ, fiestayuꞌ ewmeesa jiꞌphte participaymeen jĩn weꞌwwaꞌj jiꞌphna.
-
Txãa fiestateyuꞌ namuyuꞌ vxu peesun jĩnne weꞌwe: Fiestate paꞌka regalo pees wẽete, ¿idxyuꞌ jxpaꞌkamag? Mjĩinisa weçxa wẽeçxa regalo pees wẽete, ¿idxyuꞌ jxpaꞌkamag?
-
Fiestate paꞌjçxa, idxaꞌs regalos pees wẽete jxpaꞌkamag: .Maii nasaweꞌsx naꞌjĩneꞌta: “Idxyuꞌ Fiestas celebrayçmeeneꞌga, nawa naa regalos pees wẽjeth”. Txãa jĩte, ¿Maꞌw yahkxguigk, jxpaꞌkamag meeçxaꞌ, jxpaꞌkameemag? Idxyuꞌ wala jxpaꞌyakx txhitxhwaꞌj jiꞌphneꞌga, Jeuwa kĩh kik jxthaasu txãꞌs (Hechos 23:1).
6. Wee teekasa
Ãçaꞌn ũsthu sũhçxa, jxpaꞌyakxwaꞌjna vxitetxwa ãçaꞌyaꞌmee. Txajĩi naa textoꞌs wesẽꞌj wẽeçxayuꞌ kxtey yuuwaꞌjna: “Vxitetxwa mpeeygãj, idx maꞌwẽga yaꞌpeeygãjaꞌ txãꞌwẽy jĩꞌk” (Romanos 13:8-10). Dxus eçte txãꞌwku weꞌwe.
Nawa, Dxus eçte weꞌwnisa, ¿maꞌw yũuçxa kxtey yuun kaahakxthaꞌw? Wee ewmeesaꞌ jiꞌphçxayuꞌ vxite nasatxiꞌ psxaꞌdwameenaꞌ, txaꞌwẽy kusewa ũswaꞌjmeena, txãꞌw yũu, kĩh weewaꞌj kaaskhẽuꞌjyaꞌmee jĩin, txãaweꞌsx yatte piꞌkmeete idxaꞌ ũusaçxameeneꞌga ãçaꞌn ũsçxa, txãꞌw yũu txãaweꞌstxiꞌs wee kaaskhẽꞌjwaꞌjmee. Bautisãyyaꞌwaçxa wee ewmeesa jiꞌphçxa, ptaꞌsxwaꞌj jiꞌphneꞌga thẽꞌjsaweꞌsxtxiꞌs. Idxyuꞌ wee ewmeesa jiꞌphçxa jiyuꞌ wẽeçxayuꞌ, yuꞌçesa tasxte khwẽꞌy uꞌjuwaꞌj jiꞌphneꞌga. Iiyuu wẽçxayuꞌ, txaꞌwẽy kxtey yũun kaahçxa, idxyuꞌ vxite nasatxiꞌs peeykãhçxaneꞌga txãꞌw yũu. Dxus eçte naꞌwku yuꞌkxpehe: “Txãꞌwẽ peekx wẽt fxiꞌzewaꞌjçxáꞌs yahkxmée, wejxwa vxitesatx puꞌçxna mfxiꞌzewe ew fxiꞌzewaꞌjaꞌs txãaweꞌsxwa jiyukahn” (Fxilipenses 2:4).
7. Negocio vxiteꞌ asunto legal açyu, ¿kĩh yũuwaꞌj jiꞌphkxthaꞌw?
Kĩh negocio vxitçxawa eç fxiꞌjçxa nvxihtçxayuꞌ thẽysa jiꞌphuyaꞌ ewuumeeneꞌga. Txãꞌw yũuçxa meeçxaꞌ idx yakhthẽꞌj maꞌk yuu, kimna negocio vxitçxawa puiiwaꞌj jiꞌphumeeneꞌga (Jeremías 32:9-12).
Adxaꞌs pesweeteꞌ vxiteꞌ txaꞌwẽy seena wala ĩsxiite txãa weꞌwniꞌs dud yaꞌpheuꞌjuna, Jesusyuꞌ naꞌwku yuꞌkxpeh (lẽeywe Mateo 18:15-17).
-
Jeꞌzsa thẽysa jiꞌphuniꞌs puutx weꞌwna pheuꞌjwaꞌj jiꞌphuyã (thegwe versículo 15).
-
Txãa thẽysaꞌs pheuꞌjyaꞌ ãjameeçxayuꞌ vxite jeꞌz yakhthẽꞌj puꞌçxhkahn pakweneꞌga (thegwe versículo 16).
-
Txãꞌw yũutewa pheuꞌjyaꞌ ewuumeeçxayuꞌ, thẽꞌjsaweꞌsx yakh weꞌwwaꞌj jiꞌphneꞌga (thegwe versículo 17).
Iꞌkweꞌsx yuwe susniꞌsyuꞌ pãatxhĩꞌkhyaꞌ ewuumeeneꞌga, yakhthẽꞌj tribunalte yakhthẽꞌjaꞌs pãatxhĩꞌkhçxayuꞌ. Txãa yũusayuꞌ Dxus yuweꞌs kutxiꞌjina, txaꞌwẽy congregacionnawaꞌj (1 Korintios 6:1-8). Vxite thẽysaꞌsyuꞌ tribunalte uꞌjçxa pheuꞌjyaꞌ ewuuneꞌga: divorcio, nçxiꞌkweꞌsx custodian, ũꞌwaꞌj puuçnxin, seguroꞌs duhkwaꞌj, yulçxawa vxu jiꞌphmeene, neyũu duhkwaꞌj meeçxaꞌ testamenton. Cristiano thẽysaꞌs jiꞌphçxawa jxuka ewteçxa pheuꞌjçxa yũu. Dxus weꞌwniꞌs ewmee yuumeenaꞌ.
Cristianoyuꞌ nasa jxkaahnisate, nasa ahmee yuuniꞌs ptaꞌsxçxa: violación, luuçxtxiꞌs kazx yuusa vxiteꞌ puiin nasa ikhna. Cristiano txãꞌw yũunisaꞌs pãatxhĩꞌkhçxa yũu, Dxus dxipteyuꞌ ew yũun ũsna.
a 455 antes de nuestra era. Naayuꞌ teeçx año 1 antes de nuestra era 454 añosneꞌta yũu. Teeçx añote 1 antes de nuestra era, txajuꞌ vxite año era comunte teeçx año iiçxana, ceroyuꞌmeenaꞌ. Año 1 era comunte, 29 era común te paꞌjyuꞌ, 28 añosna. Ãçxhaꞌ sumaĩnaꞌw 454, 1 vxiteꞌ 28te jxuka sumaĩteyuꞌ. 483 añone kaahaꞌ.
