PEꞌLA 49

¿Maꞌw yũuçxa yatteweꞌsx yakh weçxan fxiꞌzeyaꞌ ãjakxthaꞌw? (Peꞌla 1)

TAKH

Ãçxh ptaamusaa wala wãt fxiꞌze wẽjeneꞌta uu eentepkaçx sũhuneꞌta yaatxi. Nawa, ¿txãꞌw yahkxni isamanx? Txãꞌw yaatxnisa isate yaꞌkpahtxiyã. Cristianoweꞌsxyuꞌ jiiyã wala çxhãçxhawaꞌj jiꞌphuneꞌta. Dxus eçte yuꞌkxpehnisaꞌs kxtey yũuçxa wãt fxiꞌzeyaꞌ ãjayã.

1. Nmiꞌaꞌs Dxus eçaꞌ, ¿kĩh kik yuꞌkxpeheꞌ?

Jeuwaꞌ nmiꞌweꞌsxtxiꞌs naꞌwne yuꞌkxpeheꞌk, ew iipeꞌjwaꞌjna nyuuaꞌs. Txãasane ew txhitxh kaha wãt fxiꞌzekahn (lẽeywe Efxesios 5:23). Dxus eçaꞌ nmiꞌweꞌsxtxiꞌs naꞌjĩꞌk: “Ãçxhaꞌ nmiꞌaꞌ nyuuaꞌs peeygãawaꞌj jiꞌphaꞌ” (Efxesios 5:25). ¿Nmiꞌyuꞌ kĩh yũuwaꞌj jiꞌphki? Nmiꞌyuꞌ txãjx nyuuaꞌs peeykãawãꞌj jiꞌphna yatte uꞌpçxawa, meeçxaꞌ mazkwẽe nasa ksxaavxte ũsçxawa, txaꞌwẽy. Nxusna uꞌptewa puꞌçxhna kvxiisxãꞌjn. Ũꞌwaꞌj peejxtewa, jathwa peejxte nmiꞌyuꞌ walmee puꞌçxhwaꞌj jiꞌphna (1 Timoteo 5:8). Nyuu kĩh pejxthewa espiritualmente nmiꞌyuꞌ puꞌçxhwaꞌj jiꞌphna, Jeuwa yakh wejxkwe namiku yuukahn (Mateo 4:4). Nmiꞌaꞌ Dxus yuweꞌs jaꞌda lẽeywaꞌj jiꞌphna txãjx nyuu yakh vxiteꞌ Dxus yakh puutx weꞌwna. Txãꞌw yũuçxa nyuꞌs peeykãhn Jeuwa yakh namiku çxhãçxha yũun kahana (lẽeywe 1 Pedro 3:7).

2. Nyuuaꞌs Dxus eçaꞌ, ¿kĩh kik yuꞌkxpeheꞌ?

Dxus eçaꞌ nyuuaꞌs naꞌwku weꞌwe: “Açaꞌ nyuuaꞌ peekx nmiꞌaꞌs nwẽeseꞌjna fxiꞌzewaꞌjaꞌ” (Efxesios 5:33). Nawa naa yuꞌkxpehniꞌs, ¿maꞌw kxtey yũuyã ãjaꞌkx? Ew yahkxwaꞌj jiꞌphneꞌkwe, nmiꞌaꞌ kĩjkĩhnawa jxuka yũun ũsna iꞌkwe ĩtxi fxiꞌzeniꞌs, vxiteꞌ luuçx nweꞌw wẽeçxa, açyu wala respetaĩwaꞌj jiꞌphneꞌkwe, txaꞌwẽy txhitxhnisaꞌs puꞌçxhwaꞌj jiꞌphneꞌkwe, zxiçxkwe weꞌwna cristianomeetewa.

3. ¿Ptaamsa maꞌw yũuçxa ew fxiꞌzeyaꞌ ãjatxki?

Dxus eçaꞌ naꞌjĩꞌk ptaamsatxiꞌsyuꞌ: “txãꞌwẽ eꞌzçxawa teeçxsaçxáa naꞌwẽ yuuna” (Mateo 19:5). Ptaamsayuꞌ txutemee jaꞌda fxiꞌzewaꞌjna, uu eentepkaçx puutx weꞌwna, zxiçxkweçxa weꞌwna, ũusaçxan weꞌwmeꞌ peeykãhn. Ptamsa jĩiwaꞌjyuꞌ wala jxthuhthesana Jeuwaꞌs peçxkaname. Jeꞌzsayuꞌ wala jxpaꞌyakxwaꞌj jiꞌphtxna vxite namiku yakh thakwe weꞌwyaꞌmeꞌ.

WEJXKWEÇXA PIYAN UꞌJWEKA

Ayte uyuuneꞌga: naa yuꞌkxpehnisaꞌs ptamsa ew fxiꞌzewaꞌjaꞌs.

4. Nmiꞌ peeykãhn nweꞌw idx nyuuaꞌs

Dxus eçaꞌ naꞌjĩꞌk: “Nmiꞌaꞌ txãꞌwẽ peekx nyuuaꞌs peeygãawaꞌj jiꞌphaꞌ peekx kakweꞌswa maꞌwẽga yaꞌpeeygãjaꞌ txãꞌwẽy” (Efxesios 5:28, 29). Naa yuꞌkxpehniꞌs, ¿maꞌwte kxtey yuuyã ãjakx? Txãa VIDEUꞌS thegwe, txajuꞌ naa paapẽynisatxis paswe:

VIDEU: Nmiaꞌ nyuuaꞌs wejxkwe peeykãhwaꞌjsana (9:53)

¿Nmiꞌaꞌ maꞌw iipeꞌjwaꞌj jiꞌphki txãjx nyuuaꞌs?

Lẽeywe Kolosenses 3:12, txajuꞌ naa paapẽynisatxis paswe:

Naa yuꞌkxpehnisa nmiꞌaꞌ, ¿maꞌwte kxtey yuuyã ãjakx?

5. Nyuuaꞌ peeykãhn vxiteꞌ respetayna ũswaꞌj jiꞌphna nmiꞌaꞌs

Dxus eçaꞌ naꞌwku yuꞌkxpeheꞌk: nyuuyuꞌ txãjx nmiꞌaꞌs wala respetaĩwaꞌj jiꞌphna, nmiꞌaꞌ Dxusaꞌs selpiimeetewa. Lẽeywe 1 Pedro 3:1, 2, txajuꞌ naa paapẽynisatxis paswe:

Iꞌkwe nmiꞌaꞌ Dxusaꞌs selpimee ũste, Dxusaꞌs selpii jxthãasuneꞌkwe. Kĩh wejxkwe puꞌçxhiꞌk, ¿een isa Dxus yuweꞌs ptaꞌsxte? Meeçxa, ¿ew fxiꞌzen txaꞌwẽy respetaĩna ũste puꞌcxmaꞌk?, ¿iꞌkweyuꞌ maꞌwkwe yaatxi?

Ptaamsa wẽt fxiꞌze wẽeçxa, ew txhitxhwaꞌj jiꞌphyã. Nawa nyuuyuꞌ maa eenteyuꞌ nmiꞌ txhitxhniꞌsyuꞌ ewmeeneꞌ theguꞌ. Açyu makwe ewmee sustewa respeto yakh weꞌwyaꞌ ãjana, nawa Jeuwayuꞌ jxthãasune txãjx nmiꞌaꞌs nwẽeseꞌjxa. Lẽeywe 1 Pedro 3:3-5, txajuꞌ naa paapẽynisatxis paswe:

¿Jeuwayuꞌ maꞌw kik theguꞌ nyuuaꞌ nmiꞌaꞌs respetaĩte?

6. Ptaamsayuꞌ thẽysaꞌs pheuꞌjxaꞌ ãjaꞌyã

Isateyuꞌ ptaamsayuꞌ thẽysa jiꞌphuyã, nawa jaꞌdaçxaa mjĩin ũste puꞌçxhina, txãa thẽysaꞌs pheuꞌjkahn. Txãa VIDEUꞌS thegwe, txajuꞌ naa paapẽynisatxis paswe:

VIDEU: ¿Ptamsaweꞌsxaꞌ maꞌw wejxkwe puutx peeykãhyaꞌ ãjatxki? (5:44)

Txãa ptaamsayuꞌ, ¿kĩh thẽysa kitx jiꞌphun ũsu?
¿Txãaweꞌsxyuꞌ kĩhta yũu txãjx peeykãhniꞌs kçxhãçxhawaꞌj?

Lẽeywe 1 Korintios 10:24 vxiteꞌ Kolosenses 3:13, naa versículoꞌs lẽeyçxa, txajuꞌ naa paapẽynisatxis paswe:

Ptaamsaweꞌsxtxiꞌs naa yuꞌkxpehniꞌsa, ¿maꞌw kikh nuyçxhãçxhaꞌja?

Dxus eçaꞌ naꞌwne weꞌw ptaamsaweꞌsxtxiꞌs: respeto vxiteꞌ peeykãahniꞌs kaavxaꞌjyaꞌ jiꞌphuneꞌta. Lẽeywe Romanos 12:10, txajuꞌ naa paapẽynisatxis paswe: