Jeuwayuꞌ kweꞌsxtxiꞌs weꞌwwaꞌjaꞌs peesne, açyu Jeuwa jĩi wala jxthuhthesana kĩh weꞌwna ũsçxawa, wala jxpaꞌyakx ũs kaahaꞌk (lẽeywe Santiago 1:26). ¿Kweꞌsxyuꞌ kĩh yũuwaꞌj jiꞌphkxthaꞌw kweꞌsx weꞌwniꞌs Dxusaꞌs weçxawaꞌj?

1. ¿Dxus peesniꞌs maꞌw ew iijxũuyaꞌ ãjakxthaꞌw?

Dxus eçaꞌ naꞌjĩꞌk: “Puutx teeçxsa naꞌwẽçxah kçxhãaçxhaꞌjna naꞌwẽ yũuna ũsiꞌkwe txãꞌweçxáa meswe” (1 Tesalonicenses 5:11). ¿Maii nxusna uꞌpte jiiga, maꞌw puꞌçxhyaꞌ ãjaguigk nuyçxhãçxha wẽeçxa? Nxusna fxiꞌzesatx kvxiisxãꞌj wẽeçxa zxiçxkwe weꞌwwaꞌj jiꞌphneꞌga. Dxus eçte mazkwe textoꞌs jiꞌphki, vxite nasatxiꞌs kvxiisxãꞌj wẽeçxa, açyu ew iijxũwaꞌj jiꞌphnetkhaꞌw. Yuwe weꞌwni wala jxthuhthesana saꞌ peçxkananu, ewkweçxaa weꞌweneꞌga. Txãꞌw yũuçxa vxitetxiꞌs kvxiisxãꞌjyaꞌ ãjaꞌjnaꞌw (Proverbios 15:1).

2. Ew weꞌw wẽeçxa, ¿kĩh yũuwaꞌj jiꞌphkxthaꞌw?

Dxus eçaꞌ naꞌjĩꞌk: “Saꞌ kazx weꞌwenisa yuꞌ teeçx yuweçxáa yuhwa iꞌkweꞌsx yuweju kasehwaꞌjsameꞌ, wejxwa Dxus yakh fxiꞌzewaꞌj selpiwaꞌjsaçxáꞌs weꞌwewaꞌjaꞌ” (lẽeywe Efxesios 4:29). Txãa jĩnisayuꞌ kazx weꞌwwaꞌj jiꞌphmeeneꞌtkhaꞌw, vxitetx weꞌwçxawa ewmee kaayakiꞌjmee, txaꞌwẽy. Vxitetx nuy weꞌwna fxiꞌzewaꞌj jiꞌphmeeneꞌtkhaꞌw (lẽeywe Proverbios 16:28).

3. Ew weꞌw wẽte, ¿kĩh puꞌçxhiꞌk?

Vxitetx weꞌwçxayuꞌ kweꞌsx ũuste jiꞌphunisaꞌs, txaꞌwẽy ũus yahkxniꞌsçxanetkhaꞌw weꞌwe, nawa ewsaçxan yahkxwaꞌj jiꞌphnetkhaꞌw (Lukas 6:45). Txãa jĩnisa çehksaçxaa vxiteꞌ zxiçxkwesaçxaa, peeykãanisa weꞌwnisaçxan weꞌwwaꞌj jiꞌphnetkhaꞌw (Fxilipenses 4:8). Nawa txãꞌw yũuçxayuꞌ kĩh yũu wẽeçxawa ew txhitxhwaꞌj jiꞌphnetkhaꞌw (Proverbios 13:20). Vxite namiku ewsa txhitxhwaꞌj jiꞌphneꞌtkhaꞌw, txaꞌwẽy ew yahkxna ewçxaa weꞌwna. Kazx weꞌwnisa maꞌw kik vxitetxiꞌs suwuu. Dxus eçaꞌ naꞌjĩꞌk: “Yahkxmey weꞌwnisayuꞌ kçxilxyuꞌ yãꞌjani naꞌwsana, nawa yuwe zxiçxkwe weꞌwnisayuꞌ yuꞌçeꞌjena” (Proverbios 12:18).

 WEJXKWEÇXA PIYAN UꞌJWEKA

4. Kĩh weꞌw wẽeçxa jxpaꞌyakxwe

Ewmee weꞌwçxayuꞌ yahkxçxa thaameethaꞌw (Santiago 3:2). Lẽeywe Gálatas 5:22, 23, txajuꞌ naa paapẽynisatxis paswe:

• ¿Ew weꞌw wẽeçxayuꞌ Dxusaꞌs kĩh pẽhywaꞌj jiꞌphguigk? ¿Jeuwayuꞌ idxaꞌs maꞌw puꞌçxhiꞌk?

Lẽeywe 1 Korintios 15:33, txajuꞌ naa paapẽynisatxis paswe:

• Ewmee namikuweꞌsxyuꞌ vxiteꞌ ewmeesaꞌs thegna ũsçxawa. ¿Adx weꞌwniꞌs suwuuyaꞌ ãjamatx?, ¿maꞌw kikh suwuu?

Lẽeywe Eclesiastés 3:1, 7, txajuꞌ naa paapẽynisatxis paswe:

• ¿Maa eente sxuunaꞌ yũuguigk?, ¿baaçx weꞌwwaꞌj jiꞌphguigk?

 5. Vxitetxiꞌs ew weꞌweka

6. Yat nweꞌsxtxiꞌs zxiçxkwe weꞌwwe

 ¿AYTE PAꞌJ KĨHKXTHAꞌW PIYA?

Jxpaꞌyakxmey weꞌwçxa, vxitetxiꞌsyuꞌ kaꞌweçxaꞌjxaꞌ ãjameenaꞌw, vxiteyuꞌ wala nxusuyã. Açyu wala jxpaꞌyakxna ũswaꞌj jiꞌphnetkhaꞌw: kĩh weꞌw wẽeçxa, bakaçx weꞌw wẽeçxa, kĩh eente weꞌw wẽeçxa.

¿Kĩh pasuguigk?

• Vxitetx puꞌçxh wẽeçxa, ¿kĩh weꞌwwaꞌj jiꞌphguigk?

• ¿Kĩhna weꞌwwaꞌj jiꞌphmeeguigk?

• Ew zxiçxkwe weꞌwte, ¿kĩh puꞌçxhiꞌkx?