Jxukasay ew txhitxhyaꞌ ãjaꞌjnaꞌw kĩh jath wẽeçxawa. Dxusna weçxa wẽeçxayuꞌ, Jeuwa jxthãasniꞌs nwẽeseꞌj txãjx jxkaahniꞌs kxtey yuuna. Yaatxika maꞌwne Jeuwa weꞌwe.

1. ¿Ew pheuꞌj wẽete, Dxus eçaꞌ maꞌw kik puꞌçxh?

Cristianoyuꞌ ew txhitxhwaꞌj jiꞌphna, açyu ropa iijxũuniꞌs jxpaꞌyakxwaꞌjaꞌ, Dxus yakh ew fxiꞌzeniçxaꞌ wejxkwe ewsana. Dxusna selpisaaweꞌsxyuꞌ ewneꞌta pheuꞌjçxa uꞌjwe. Vxite nasaweꞌsx txãꞌw uyçxa, Dxusaꞌs selpisaana jĩnatx weꞌwe (1 Timoteo 2:9, 10). Ew jath wẽeçxayuꞌ, ayte uyuuneꞌga pahz yuꞌkxpehnisatxiꞌs: (1) Jxpaꞌyakx jathçxa, Dxus çxhabteyuꞌ jxukasay fxiyfxiysaneꞌtkhaꞌw, açyu ew jathçxa Dxus weꞌwniꞌs kxteythaꞌw yuu. (2) Ropa iijxũuniꞌs jxpaꞌyakxwe paꞌkasa jath kaahaçmee, kĩhwa txweswameena, kĩhwa kazx belx uꞌjwameena. (3) Nasaweꞌsx Dxusaꞌs jiimeesa maꞌwsawa jxukaneꞌta jathe, nawa Jeuwayuꞌ maꞌwne jxthãasu, kweꞌsxyuꞌ txaꞌwẽyçxa yũunaꞌw, txãa paꞌka ew txhitxhyaꞌ ãjaꞌjnaꞌw, kĩh jathçxawa. (4) Kweꞌsx ewkwe pheuꞌjçxa jathte, Dxus isasaꞌsneꞌta selpii sũhuꞌyã (1 Korintios 10:31).

2. Ropa jathniꞌs vxite cristianoweꞌsxyuꞌ, ¿maꞌw kitx theguꞌ?

Kĩh jath wẽeçxa, kweꞌsxyuꞌ txhitxhyaꞌ ãjaꞌjnaꞌw. Nawa kweꞌsx jathnisaꞌs ew txhitxhçxayuꞌ, vxiteyuꞌ ewneꞌta theguꞌ. Naa yuꞌkxpehnisaꞌs wẽseꞌjethaꞌw: “Kweꞌsxaꞌ teeçxsa naꞌwẽçxah vxite nasatx puꞌçxna wẽt kaafxiꞌzeꞌjwaꞌj jiꞌpthaꞌw ewçxáa yũuna, txãaweꞌsxaꞌ Dxus yakh jweeíiçxáa çxhãçxha fxiꞌzeyaꞌ ãjakahn” (lẽeywe Romanos 15:1, 2).

3. ¿Kweꞌsx pheuꞌjni vxitetx maꞌw puꞌçxhiꞌk Jeuwan selpiiyã?

Pkhakheyaꞌ uꞌjweꞌççxayuꞌ ropaꞌs wejxkwethaꞌw ew pheuꞌju vxiteꞌ Dxus yuweꞌs ptaꞌsxyaꞌ uꞌjweꞌççxawa. Txaꞌwẽy, Dxus yuweꞌs jiimeesa kweꞌsxtxiꞌs ew weꞌwkahn, txaꞌwẽy piyayaꞌ wẽdxineꞌta Dxusaꞌ kimtewa (Tito 2:10).

 WEJXKWEÇXA PIYAN UꞌJWEKA

4. Jathnisaꞌs ew iijxũuteyuꞌ Jeuwaꞌs ewneꞌta weꞌwe

¿Ew jath wẽeçxa kĩh yũuçxakxthaꞌw kũj yaatxi? Lẽeywe Salmo 47:2, txajuꞌ naa paapẽynisatxis paswe:

• Kweꞌsxaꞌ Dxus yuweꞌs jxũun uꞌjweꞌççxayuꞌ, ¿ropaꞌs maꞌw jathwaꞌj jiꞌphkxthaꞌw?

• Pkhakheyaꞌ vxiteꞌ Dxus yuweꞌs ptaꞌsxyaꞌ uꞌjweꞌççxa, ¿kĩh ropa jathekxthaꞌw?, ¿kĩh yũuçxaga txãꞌw yaatxi?

 5. Ropaꞌs ew jath wẽeçxa, ¿maꞌw ew txhitxhwaꞌj jiꞌphguigk?

Txãa VIDEUꞌS thegwe.

Ropayuꞌ wala paꞌka maꞌk yuu meeçxaꞌ paꞌkamee maꞌk yuu. Nawa isateyuꞌ wala jxthuhthesana ropa çehksaꞌsçxaa kiꞌpwaꞌjna pkhakheyaꞌ uꞌjweꞌççxawa, txãꞌw yũuteyuꞌ wala ewna. Lẽeywe 1 Korintios 10:24 vxiteꞌ 1 Timoteo 2:9, 10. Txajuꞌ naa paapẽynisatxis paswe:

• ¿Kĩh yũuçxa ropa maꞌwsawa jatheçmee txaꞌwẽy ropa khũçxsa vxiteꞌ pheuꞌjnimeesaꞌ?

• ¿Ropa thaakwe zuunaꞌsa jathnisa, vxite nasatxiꞌs kazx kaayakiꞌjimaꞌk?

Cristianoyuꞌ Moisés Leyte fxiꞌzen ũsmeeneꞌtkhaꞌw, nawa txãꞌs wẽseꞌjçxa wala piyathaꞌw. Jeuwa maꞌwne jxthãasu txaꞌwẽy yũuyã. Lẽeywe Deuteronomio 22:5, txajuꞌ naa paapẽynisatxis paswe:

• ¿Maꞌw yaꞌthegukx piçthẽꞌjyuꞌ uꞌy ropaꞌs jathte?, ¿maꞌw yaꞌthegukx uꞌyyuꞌ piçthẽꞌj ropaꞌs jathte?

Lẽeywe 1 Korintios 10:32, 33 vxiteꞌ 1 Juan 2:15, 16, txajuꞌ naa paapẽynisatxis paswe:

• Adx uꞌpnite ropa jathe nasayuꞌ wala theguneꞌta, açyu adxyuꞌ wala thaameewaꞌj jiꞌphuneꞌtka. ¿Pkhakheniteweꞌsxyuꞌ maꞌw kitx theguꞌ adx ropa?, ¿kĩh yũuçxa txãꞌw yahkxwaꞌj jiꞌphkxthaꞌw?

• Idx uꞌpnite ropaꞌs maꞌwneꞌta jathte, nawa txãa yũu cristianoweꞌsxtxiꞌyuꞌ, ¿ewmanx?

• ¿Maꞌwtega txãꞌw yaatxi?

 ¿AYTE PAꞌJ KĨHKXTHAꞌW PIYA?

Ropaꞌs jathwaꞌj ew txhitxhçxayuꞌ ewkwe pheuꞌjçxa Jeuwan respetaĩthaꞌw, vxitetxwa txaꞌwẽy.

¿Kĩh pasuguigk?

• Ropaꞌs jathwaꞌj ew yaꞌpheuꞌjte, ¿Jeuwayuꞌ maꞌw kik theguꞌ?

• ¿Kĩh principio puꞌçxhiꞌk ropaꞌs ew pheuꞌjçxa jathwaꞌj?

• ¿Ropaꞌs ewkwe pheuꞌjçxa jathe vxiteyuꞌ maꞌw kitx yaatxi? Txaꞌwẽy, ¿vxitetxiꞌs maꞌw puꞌçxhiꞌk isasaꞌs jiyuwaꞌj?