PEꞌLA 53

Een kutxiꞌjçxa wãt fxiꞌzewaꞌjaꞌs, nawa Jeuwaꞌs nwẽeseꞌjwaꞌj jiꞌphneꞌkwe

TAKH

Jeuwayuꞌ wala wãt fxiꞌzesana (1 Timoteo 1:11). Txãa paꞌka kweꞌsxtxiꞌsyuꞌ wãtne fxiꞌze jxthãasuꞌ. Wala mjĩiçxawa een kutxiꞌj thãasune kasewaꞌj. Eenaꞌs ew iijxũuçxa wala wãt fxiꞌze thãasu. Een kutxiꞌjçxa wãt fxiꞌze wẽeçxa, kweꞌsxyuꞌ Jeuwa jxthãasniꞌs nwẽeseꞌjwaꞌj jiꞌphnetkhaꞌw. ¿Jeuwayuꞌ maꞌw kikh wãt fxiꞌze jxthãasu? Naa leccionte uyuunaꞌw.

1. Eenaꞌs kutxiꞌjçxa wãt fxiꞌzewaꞌj, ¿kĩh yakhxwaꞌj jiꞌphkxthaꞌw?

Een kutxiꞌjçxa wãt fxiꞌze wẽeçxa. Idxyuꞌ, ¿kĩhga yũu? Vxite yatsuyuꞌ wãtneꞌta uꞌp wẽje, libroneꞌta lẽey, musicaneꞌta wẽseꞌje vxiteꞌ internetteneꞌta pehd. Vxiteyuꞌ wẽdxineꞌta namikuweꞌsx yakh uꞌjn ũsyaꞌ vxiteꞌ pweesaꞌjxaꞌneꞌta wẽdxi. Kĩh yũu wẽeçxawaꞌj, ew yahtxhwaꞌj jiꞌphna Jeuwa weçxakahn (Efxesios 5:10). Vxiteyuꞌ weçxan fxiꞌze wẽeçxaꞌ Jeuwa wẽdxnisaꞌsmeeneꞌta theguꞌ, puiin vxiteꞌ kazx yũun fxiꞌzenisateçxaneꞌta theguꞌ, txaꞌwẽy ocultismoçxan thegna (lẽeywe Salmo 11:5). ¿Kĩh puꞌçxhiꞌk ew txhitxhwaꞌj?

Namiku ewsa jiꞌphte txãaweꞌsxyuꞌ kweꞌsxtxiꞌs puꞌçxhina, ew txhitxhwaꞌj Dxus wẽdxniꞌs. Peꞌla 48 naꞌwku weꞌwe jiisa yakh uꞌjusa, jiisa yũuna. Nawa nwẽeseꞌjsa yakhmee uꞌjuçxa ewmeete wetena (Proverbios 13:20).

2. Weçxan fxiꞌze wẽeçxa, ¿kĩh yũuçxa eenaꞌs jxpaꞌyakx kutxiꞌjwaꞌj jiꞌphkxthaꞌw?

Een kutxiꞌjçxa weçxan fxiꞌze wẽeçxa, wala jxpaꞌyakx ũswaꞌj jiꞌphnetkhaꞌw. Jeuwa jxthãasniꞌsçxa wejx jxthuhthesana, açyu Jeuwa jxthãasniꞌs kxtey yuuwaꞌj jiꞌphnetkhaꞌw. Dxus eçaꞌ naꞌwku yuꞌkxpehe: “Naa paꞌga en ewsatxiꞌ ivxiitunuwe” (lẽeywe Efxesios 5:15, 16).

WEJXKWEÇXA PIYAN UꞌJWEKA

Theguka, maꞌw yũuçxa idxaꞌ ew txhitxhwaꞌj jiꞌphguigk wãt fxiꞌzewaꞌjaꞌs.

3. Eenaꞌs kutxiꞌjçxa wãt fxiꞌzewaꞌjaꞌs ewmee yũunuwe

Eenaꞌs kutxiꞌjçxa weçxan fxiꞌze wẽeçxa, ¿kĩh yũuçxa meh ew txhitxhwaꞌj jiꞌphguigk? Txãa VIDEUꞌS thegwe, txajuꞌ naa paapẽynisatxis paswe:

VIDEU: ¿Kĩh pweesaꞌjxaꞌwatka? (4:39)

¿Txaantey Romate pweesaꞌjnisa ãçxhwa txaꞌwẽymanx?
¿Danny kĩhka piya?

Lẽeywe Romanos 12:9, txajuꞌ naa paapẽynisatxis paswe:

¿Naa versículo kweꞌsxtxiꞌs maꞌw puꞌçxhiꞌk eenaꞌs kutxiꞌjçxa wãt fxiꞌzewaꞌj?

¿Kĩhka Jeuwayuꞌ ahçe? Lẽeywe Proverbios 6:16, 17 vxiteꞌ Gálatas 5:19-21, txajuꞌ naa paapẽynisatxis paswe:

¿Nasaweꞌsxyuꞌ naa eensu kĩh kikh yũuyã wẽdxi?

Eenaꞌs kutxiꞌjçxa weçxan fxiꞌze wẽeçxa, ¿maꞌw ew txhitxhyaꞌ ãjakxthaꞌw?

Idxiiçxa paapẽy:

Naaꞌs thegte, ¿Dxusaꞌ wẽdximaꞌk?
Een vxituka wejxkwe jxthuhthesaꞌs yũuwaꞌj, ¿txãꞌw yũute ewmanx?
¿Jeuwaꞌs wẽdxsamee yakh utxaawaꞌj jiꞌphmath?

Ewmeete weteyaꞌmee wala jxpaꞌyakx ũswaꞌj jiꞌphnetkhaꞌw

4. Een iviitnu

Txãa VIDEUꞌS thegwe, txajuꞌ naa paapẽynisatxis paswe.

VIDEU: ¿Idxaꞌs kĩhteka seenaꞌ dud een uꞌj? (2:45)

Yakhthẽꞌjyuꞌ kĩhwa ewmeesane theguꞌ. Nawa txãjx eenyuꞌs, ¿maꞌwka vxitna ũsu?

Lẽeywe Fxilipenses 1:10, txajuꞌ naa paapẽynisatxis paswe:

¿Naa versiculoyuꞌ kĩhka ptaꞌsxi weçxan fxiꞌze wẽete?

5. Weçxan fxiꞌze wẽeçxa ew txhitxh

Jeuwayuꞌ een kutxiꞌj thãasune wãt fxiꞌze wẽeçxa, nawa txaꞌwẽy jxpaꞌyakx uꞌjuwaꞌj jiꞌphnetkhaꞌw, maiiyuꞌ ewmeesayã txãa paꞌka. Lẽeywe Eclesiastés 8:15 vxiteꞌ Fxilipenses 4:8, txajuꞌ naa paapẽynisatxis paswe:

¿Idxyuꞌ kĩh yũuwaꞌjaꞌsga wẽdxi?

Idxyuꞌ jxkaaseyaꞌ pweesaꞌjyaꞌ ãjaneꞌga ewsaꞌs yũun.

MAII NASAWEꞌSXA NAꞌJĨTX: “Wãt fxiꞌze wẽeçxa een kutxiꞌjçxa suthnisaꞌs, puiinisaꞌs vxiteꞌ kazx yũunisaꞌsçxa thegte, ¿ewmeemanx?”

¿Idxyuꞌ maꞌwga yaatxi?

¿AYTE PAꞌJ KĨHKXTHAꞌW PIYA?

Een kutxiꞌjçxa wãt fxiꞌzewaꞌjaꞌs ewsaꞌsçxa txhitxhwaꞌj jiꞌphnetkhaꞌw, Jeuwayuꞌ txãꞌwne jxthãasu.

¿Kĩh pasuguigk?

Een kutxiꞌjçxa wãt fxiꞌze wẽeçxa, ¿kĩh txhitxhwaꞌj jiꞌphkxthaꞌw?
Een kutxiꞌjçxa wãt fxiꞌze wẽeçxa, ¿kĩh yũuçxa wala jxpaꞌyakx ũswaꞌj jiꞌphkxthaꞌw?
Een kutxiꞌjçxa wãt fxiꞌze wẽeçxa, ¿kĩh yũuçxa Jeuwaꞌs nwẽeseꞌjwaꞌj jiꞌphguigk?

¿Baaçx jxãꞌjaguigk naa peꞌla?

Wejxkwe mjĩiwaꞌj

Naa recuadro naꞌw yaasesa: “ Eenaꞌs kutxiꞌjçxa weçxan fxiꞌze wẽeçxa, ¿maꞌw ew txhitxhyaꞌ ãjakxthaꞌw?” Txãa recuadro lẽeynçxa, jiyuneꞌga kĩh wẽdxna ũstewa.

¿Kĩhçxaga mjĩiwẽje?

Your other goal