PEꞌLA 60

Jeuwa yakh namiku yũuçxa espiritualmente çxhãçxha ũsunaꞌw

TAKH

Naa librute idxaꞌs puꞌçxhine Jeuwaꞌs peeykãhwaꞌj, açyu yaꞌbautisãyneꞌga, Jeuwan peeykãhçxa. Nawa yaꞌbautisaĩmeyçxayuꞌ, idxyuꞌ yaꞌbautisãywaꞌj jiꞌphneꞌga Jeuwaꞌs selpii wẽeçxa. Yaꞌbautisãy jxãꞌjçxa espiritualmente walaawaꞌj jiꞌphneꞌga. Naa peꞌlate wejxkwe jiyuyaꞌ puꞌçxhina.

1. Jeuwa yakh namiku yũu wẽeçxa, ¿kĩh yũuçxa çxhãçxhawaꞌj jiꞌphguigk?

Çxhãçxha yũuwaꞌj jiꞌphneꞌga Jeuwa yakh namiku yũuçxa, ¿kĩh yũuçxa? Dxus eçaꞌ naꞌjĩꞌk: “Txãa paꞌga wala jxpaꞌyakxwaꞌj jiꞌpthaꞌw, naꞌwẽ Dxus Nçxiꞌk yuu kweꞌsxtxi weꞌwete yuwe ewsaꞌs wẽseꞌthaꞌw txãajũ txuteeyaꞌmée” (Hebreos 2:1). ¿Kĩh yũuwaꞌj jiꞌphguigk Jeuwan selpii wẽeçxa? Dxus yuweꞌs ptaꞌsxwaꞌj een kutxiꞌjn, kĩh yũuwatewa jxpaꞌkwen Dxusna selpiiwaꞌj (lẽeywe Fxilipenses 3:16). Jeuwaçxan selpiiteyuꞌ meh wala ewna (Salmo 84:10).

2. ¿Kĩh wejxkwe yũuwaꞌj jiꞌphguigk?

Naa curso jxãꞌjneꞌga, nawa wãt fxiꞌzeyaꞌ ãçxhçxaꞌ takheçneꞌga. Dxus eçaꞌ naꞌwku yuꞌkxpeheꞌ cristianoweꞌsxtxiꞌs: “Iꞌkweꞌsx ũuste ewsa yuuçxáa yuꞌpthehni yuuteꞌ, Dxus maꞌwẽneꞌ jxthãasuꞌ txãa yuuçxáana ãate kaavxaꞌjaꞌjna fxiꞌzeneꞌkwe” (Efxesios 4:23, 24). Dxus yuweꞌs piyan, txaꞌwẽy congregacionte pkhakhen. Txãꞌw yũuçxa Jeuwaꞌs wejxkwe ew jiyuneꞌga. Txaꞌwẽy kĩh yũu wẽçxawa jxpaꞌyakx ũswaꞌj jiꞌphneꞌga, Jeuwaꞌs nwẽeseꞌj wẽeçxa. Nawa Jeuwa naꞌwẽy yũu wẽeçxa, wala yuꞌptheꞌjwaꞌj jiꞌphneꞌtkhaꞌw.

3. ¿Jeuwayuꞌ maꞌw puꞌçxhiꞌk çxhãçxha ũswaꞌj espiritualmente?

Dxus eçyuꞌ naꞌjĩꞌk: “Dxus kĩhtewa jxuka puꞌçxsaꞌ kçxhãaçxhaꞌjana jxpubana sxiigmée ew fxiꞌzewaꞌjaꞌs puꞌçxna” (1 Pedro 5:10). Jxukaysatx ewmee yahkxwa vxaane, nawa Jeuwayuꞌ kĩh pejxtewa kwesxtxiꞌs puꞌçxhina wantãywaꞌj (Salmo 139:23, 24). Jeuwayuꞌ idxaꞌs kçxhãçxhasaꞌs ũsune wãt fxiꞌzekahn (lẽeywe Fxilipenses 2:13).

WEJXKWEÇXA PIYAN UꞌJWEKA

Theguka, idxyuꞌ maꞌw yũuwaꞌj jiꞌphguigk espiritualmente çxhãçxha ũs wẽeçxa, txaꞌwẽy jiyunaꞌw Jeuwayuꞌ kĩh bendisionwa peesuna.

4. Jeuwayuꞌ meh namiku ewsana, açyu peçxkanameeneꞌga Jeuwa yakh puutx weꞌwyaꞌ

Dxus yakh puutx weꞌwna txaꞌwẽy Dxus yuweꞌs piyan, txãꞌw yũuçxa wejxkwe Jeuwa yakh namiku yũuneꞌga, txãꞌw yũuçxa Jeuwa yakh wejxkwe utxaa ũsyaꞌ ewuuneꞌga, ¿kĩh yũuçxa?

Lẽeywe Salmo 62:8, txajuꞌ naa paapẽynisatxis paswe:

Dxus yakh puutx weꞌwna ũsçxa wejxkwe çxhãçxha ũsyaꞌ ãjaꞌjnaꞌw. Nawa, ¿idxyuꞌ kĩh yũuwaꞌj jiꞌphguigk?

Lẽeywe Salmo 1:2, txajuꞌ naa paapẽynisatxis paswe:

Dxus yuweꞌs lẽeynçxa wejxkwe Jeuwa yakh namiku yũuyaꞌ ewuuneꞌga. Nawa, ¿kĩh yũuwaꞌj jiꞌphguigk?

Dxus yuweꞌs wejxkwe ew jiyu wẽeçxa, ¿idxyuꞌ kĩh yũuwaꞌj jiꞌphguigk? Wejxkwe ew jiyuwaꞌj. Txãa VIDEUꞌS thegwe, txajuꞌ naa paapẽynisatxis paswe:

VIDEU: Dxus eçaꞌs wejxkwe ew piyaneꞌga (5:22)

Naa videute, ¿kĩhga piyaꞌ?
¿Idxyuꞌ kĩhga piyaꞌ wẽje, Dxus yuwete?

5. Myahkx kĩh yũuwaꞌj jiꞌphguigk congregacionte

Espiritualmente çxhãçxha ũs wẽeçxa congregacionte, wejxkwe wala mjĩiwaꞌj jiꞌphneꞌga. Txãa VIDEUꞌS thegwe, txajuꞌ naa paapẽynisatxis paswe:

VIDEU: Jeuwaꞌs wejxkwe selpiina fxiꞌzete wejxkwe ewaꞌ (3:31)

¿Cameronyuꞌ kĩhka puꞌçxh congregacionte wejxkwe mjĩiwaꞌj?

Jxukaysa vxite kiwe Dxus yuweꞌs ptaꞌsxyaꞌ uꞌjyaꞌ ewuumeenaꞌw, nawa kweꞌsx congregacionte wejxkwe ptaꞌsxyaꞌ een kutxiꞌjyaꞌ ewuunaꞌw Dxus yuweꞌs ptaꞌsx wẽeçxa. Lẽeywe Proverbios 21:5, txajuꞌ naa paapẽynisatxis paswe: ¿maꞌw yũuçxa puꞌçxhikith...

... congregacionte?
... Dxus yuweꞌs ptaꞌsxyaꞌ?

¿Naa principio bíblico maꞌw puꞌçxhiꞌk?

Wejxkwe çxhãçxha mjĩiyaꞌ ãjanaꞌw

Dxus yakh wejxkwe puutx weꞌwyaꞌ ãjaꞌnaꞌw.
Dxus yuweꞌs jxuka lẽeyna.
Congregacionte yahkthẽꞌjweꞌsxtxiꞌs jxuka jiyun.
Vxitetxiꞌs Dxus yuwe kaapiyaꞌjn.
Precursor auxiliar yũun meeçxa precursor regular.
Piçthẽꞌjweꞌsx çxhãçxhawaꞌj jiꞌphyã thẽꞌjsaweꞌsx yakh puꞌçxhna yũuwasa.

6. ¡Ew wẽt mfxiꞌze bakaçxtewa!

Lẽeywe Salmo 22:26, txajuꞌ naa paapẽynisatxis paswe:

Ew wẽt fxiꞌzeneꞌga, ãçxhii txaꞌwẽy bakaçxtewa. Nawa, ¿kĩh yũuwaꞌj jiꞌphguigk bakaçxtewa wãt fxiꞌze wẽeçxa?

¿AYTE PAꞌJ KĨHKXTHAꞌW PIYA?

Jeuwate wejxkwe namiku yũuneꞌga, txaꞌwẽy congregacionte wala mjĩiwaꞌj jiꞌphneꞌga espiritualmente çxhãçxha ũs wẽeçxa. Txãꞌw yũuçxa weçxan fxiꞌzewaꞌjaꞌs uyuuneꞌga, bakaçxtewa.