PEꞌLA 8
Baaçx nxus een paꞌjte
“Txãa paꞌga iꞌkweꞌsxaꞌ iiméh wala weçxana meswe, makwe maa enteyaꞌ nxuswaꞌj en maꞌwẽsawa paꞌthewa.” (1 Pedro 1:6)
Mawen eensu ptaamsa vxiteꞌ yatteweꞌsxtxis wẽt ũste, nxuswa een paꞌjane (Eclesiastés 9:11). Nawa Dxusa puꞌçxhina thẽysa jiꞌphun ũste. Dxus wala isasa kxtey yũute puꞌçxhina, yatteweꞌsxtxis kçxhãçxhawaꞌjaꞌs ũsuna maakwe thẽysa jiꞌphtewa.
1 JEUWAꞌSÇXA MIIYAHKX
DXUS EÇA NAꞌJĨK: “Txãa paꞌga iꞌkweꞌsxtxi kĩh thẽysa vxyaatewa, txãꞌsaꞌ jxuka Dxus kuseteçxaçxáa manvxihtwe, txãa paꞌgatey txãꞌ iꞌkweꞌsxtxi thegsaꞌ naa paꞌga” (1 Pedro 5:7). Yahkx Dxus kĩhwa yuwemeena kweꞌsx thẽysa jiꞌphutewa (Santiago 1:13). Txãa yakh utxaate puꞌçxhina jĩk (Isaías 41:10). Dxus yakh puutx weꞌwçxa, ptaꞌsx idx kĩh thẽysa jiꞌphçxawa (Salmo 62:8).
Eenisa Dxus eçaꞌs leyte, txãa kvxisxãꞌjana thẽysa jiꞌphtewa. Txãw yũute Jeuwa “txãasak kweꞌsxtxiꞌs peeygãhçxa bagaçxtewa kvxiisxaꞌjna nes yuꞌ” (2 Corintios 1:3, 4; Romanos 15:4). “Txãꞌwẽ yũuteꞌ, Dxusaꞌ ũssuna ũuste wẽt yaakxwaꞌj seenaꞌ walasaꞌs” (Filipenses 4:6, 7, 13).
ÃJAꞌNEKWE TXÃW VXITYA:
-
Jeuwaꞌs peejx puꞌçxhkhan kĩhwa kũh yahkxyamee
-
Khĩiçxa txhitxh thẽysa jiꞌphute kĩh puꞌçxhikx
2 IDX YATTE WEꞌSXTXIS EW JXPEꞌJ
DXUS EÇA NAꞌJĨK: “Nasa jiiyuçxa wejxkwe piyan uꞌjweyã, wẽseꞌjsa wejxkwe jiisa yũuna” (Proverbios 18:15, TNM). ¿Txãa yatteweꞌsxa kĩh jxpejxsakitx? Txaawẽꞌsxtxis paapẽy. Khĩiçxa weꞌwna wẽseꞌj (Proverbios 20:5).
¿Kĩh yũu jiꞌphtxki nweꞌsx wala wẽdxinisa uute? Thaamemee pebeejwe. Txaꞌwẽy yahkx “Açaꞌ Jesusaꞌ ũꞌnek” (Juan 11:35; Eclesiastés 3:4). Idx kaaseeꞌjn saꞌ dehwaꞌj jiꞌphnega (Eclesiastés 4:6). Txãw yũute puꞌçxhina nxus een jiꞌphutewa.
ÃJAꞌNEKWE TXÃW VXITYA:
-
Nxus een paꞌjmeejxte wala ew puutx weꞌw wana. Txajuꞌ thẽysa paꞌjte txaꞌwẽy ew phewuꞌjya ãjaꞌjnekwe
-
Nasa nxus een jiꞌphusa yakh txaꞌwẽy weꞌw
3 PAKWE KĨH PEJXÇXAWA PUꞌÇXHWAꞌJAꞌS
DXUS EÇA NAꞌJĨK: “Namiku ewsa nxus een jiꞌphutewa thegna puꞌçxhine” (Proverbios 17:17, TNM). Nawa iꞌkweꞌsx namiku wẽdxna puꞌçxh wẽejeneta, nawa jiimeeyã maꞌw vxitwa waꞌjtewa. Ptaꞌsxwa maꞌw puꞌçxhwatewaꞌj (Proverbios 12:25). Txaꞌwẽy pakwe wẽe Dxus yuwes jiisatxis puꞌçxhkhan. Çxhãçxhaçxa miiyahkxwe (Santiago 5:14).
Idxaꞌs puꞌçxhina Jeuwaꞌsçxa miiyahkx, Dxus sũhnis ũusteçxa jiꞌphte nasatxis puꞌçxhina. Puꞌçxh nasa thẽysa jiꞌphun ũste. Khĩiçxa weꞌw Dxus sũhnis ũusteçxa jiꞌphçxa, khĩiçxa Dxus kĩh yũuyãwatewaꞌj. Vxitetxis wala ewçxa puꞌçxhnames, txuteenu idx nasa wẽdxsa jiꞌphçxa (Proverbios 18:1; 1 Corintios 15:58).
ÃJAꞌNEKWE TXÃW VXITYA:
-
Namiku ewsa yakh weꞌw puꞌçxhkhan
-
Kĩh pejxçxawa isasa yakh weꞌw
