Luuçx jiꞌphute wala zxiçxkwesana, nawa txaꞌwẽy thẽyna. Saꞌ een kutxiꞌjwaꞌjna luuçx thegwaꞌjaꞌs. Ptaamsatxis wala thẽysa paꞌjane txãa yuꞌphteꞌjnisa. Txaꞌwẽy jeꞌzi luuçxaꞌs thegwa jiꞌphuyã, saꞌ ptaamwa txaꞌwẽy yaꞌthegwana. ¿Maꞌw puꞌçxhikx Dxus eçte yuꞌkxpehnisa thẽysa jiꞌphutewaꞌj?

DXUS EÇA NAꞌJĨK: “Maawa peeygãawaꞌjaꞌs jiꞌphsaꞌ, ũusçxa yaakiꞌçmeꞌ, maa yakhwa jxuka ewsaꞌ [...], peekx wẽt fxiꞌzewaꞌj yuꞌs pakweꞌçmeꞌ, ũusçxaꞌçwameꞌ” (1 Corintios 13:4, 5). Kĩhwa fxysameena luuçxaꞌs txãa thegna uꞌphtewa. Nawa nmiꞌa thegnimee naꞌw yaakxina, txaꞌwẽy nmiꞌaꞌswa thegwa jiꞌphna. Ewkweçxaa weꞌw waꞌjna luuçx theg paꞌka weeçx puꞌcxhgu jĩn.

“Txãꞌwẽy nmiꞌweꞌsxwa iꞌkweꞌsx nyuu yakh jxpaꞌyakx ewçxáa mfxiꞌzewe.” (1 Pedro 3:7.) Idx luuçx ney yãçxa jiyu nyuuthẽꞌja wala een kutxiꞌji jiꞌphna luuçxjĩi, nawa maꞌwẽn yũu wala wahtx yahkxna txãa mjĩin ũsçxa. Nawa maꞌwẽn idx yakhwaꞌj ũusxaçxaana, “piçthẽꞌj kĩhwa ũusxçxaasamee, jxthaakwena piçthẽꞌj çxhãçxhasate” (Proverbios 16:32, TNM). Wala ũus yahkx kĩh pejxçxawa jiꞌphunega (Proverbios 14:29).

ÃJAꞌNEKWE TXÃW VXITYA:

• Neyyãçxha: Puꞌçxh idx nyuuthẽꞌjaꞌs luuçx jxpeꞌjya, kuswa txaꞌwẽy. Een kutxiꞌj nyuute yakh saꞌ luuçxyakh uꞌpya

• Njĩꞌjyãçxha: Nmiꞌwaꞌj luuçxaꞌs jxpeꞌj puꞌçxh wẽete ewna. Ewmee puꞌçxhte ũusxçxaawaꞌjmeena, maꞌw yũuwatewa ew kaapiyaꞌjwaꞌjna

DXUS EÇA NAꞌJĨK: “Txaꞌwẽy jeꞌzçxawa teeçxsaçxaa naꞌwẽy yũuwa jiꞌphyã” (Génesis 2:24, TNM). Ãçxh luuçx jiꞌphuyãçxa, iꞌkweꞌsx yahkxwe “teeçxsaçxaa naꞌwẽ yuuwa jiꞌphyã”. Wala mjĩiwe ptaamsaweꞌsx çxhãçxha ũssya.

Nyuuthẽꞌja, wala wẽeçxa jiꞌphna nmiꞌaꞌs, ew weꞌwnisa wala kçxhãçxhajana (Proverbios 12:18). Nmiꞌa, nyuuthẽꞌjaꞌs naꞌjĩ jiꞌphna wala wẽdxit jĩwaꞌjna, saꞌ makwe peehykãhwa jiꞌphna yatteweꞌsxtxis (Proverbios 31:10, 28).

“Peekx fxiꞌzewaꞌjçxáꞌs yajkxmée, vxitetxwa peeygãawaꞌjaꞌ ew kfxiꞌzeꞌjyaꞌ.” (1 Corintios 10:24.) Baaçxwa nyuutẽꞌjaꞌs ew yũun, wala wẽeçxa jiꞌphkikwe. Jeꞌzi een kutxiꞌj puutx weꞌw wa, saꞌ wẽseꞌjyã txaꞌwẽy. Yahkxwe ptaamsa ih dehçxa sedxmee kakweꞌs yadukhwaꞌjna. Dxus eç jxkaajak: “Ptamsa yãꞌjaꞌ, ih fxiꞌzeniꞌs puutx waꞌlwaꞌjmeꞌ” (1 Corintios 7:3-5). Txãasu weꞌwçxa thaamemee weꞌw waꞌjna. Txãw yũute puꞌçxhina wejxkwe kçxhãçxhajya ptaamsatxis.

ÃJAꞌNEKWE TXÃW VXITYA:

• Jeꞌzi peçxkananuwe jaꞌda ũssya

• Wẽdxçxa ew kavxyaaꞌjwaꞌjna kĩhwa peesna

DXUS EÇA NAꞌJĨK: “Leꞌçxkuẽjũjx Dxus yuweꞌs jiyug txãꞌ Kristo Jesus yakh fxiꞌzeçxa ewte paꞌjwaꞌjaꞌs kaajiyuꞌjuna” (2 Timoteo 3:15). Thegwe maꞌw kaapiyaꞌjakikwe luuçxaꞌs. Tutxhte uꞌpçxawa neyweꞌsx weꞌwte jiiyune, upxhmeeyna wala kaapiyaꞌjwaꞌjna. Luuçxa upxhyãte eçte leyna kaapiyaꞌjwaꞌjna.

Yahkxnu luuçx meh leꞌçxkwe suwaꞌjmee Dxus eçte kaapiyaꞌjwa. Txãjx dxipte Dxus yakh puutx weꞌw (Deuteronomio 11:19). Jaꞌda pwesaꞌjn ũsçxawa, Dxuste weꞌwna naas Jeuwane jxuka vxit jĩn ptaꞌsxwana (Salmo 78:3, 4). Txãa walaaçxa uyuhna, kweꞌsx maꞌwnetkhaꞌw Jeuwaꞌs wẽdxi, txaꞌwẽy wẽdxya piyana.

ÃJAꞌNEKWE TXÃW VXITYA:

• Dxusaꞌs puutx weꞌwna jiiyuwaꞌjaꞌs pejxna zxikaꞌs kaapiyaꞌjwana

• Peen peena kaapiyaꞌjanega idx luuçxkweꞌs dud piyakan