Jeuwa yatte weꞌsxtxis vxitçxa, ney weꞌsxtxis wala nweꞌwne luuçxtxis ew jxpehkan (Colosenses 3:20). Jiiyãçxa idx kaapiyaꞌjwa jiꞌphunega luuçxaꞌs Jeuwaꞌs wẽdxya. Txãw yũu ew fxiꞌzena (2 Timoteo 1:5; 3:15). Idxa jiiyuwaꞌj jiꞌphnega luuçx ũus yaakxnis. Idx ew yũute txaꞌwẽy ew yũuyã piyana. Idx khwẽꞌy Dxusaꞌs ũuste jiꞌphunega, txãwçxa luuçxtxis kaapiyaꞌjanega (Salmo 40:8).

DXUS EÇA NAꞌJĨK: “Kĩhwa ptaꞌsxni ewsa yuꞌsaꞌ bagaçxtewa waꞌlmée jxpaꞌgayaꞌçxáa meswe. Nawa weꞌwewaꞌj yuꞌsaꞌ ũus yajkxçxa jxpaꞌyajkx mweꞌwewe” (Santiago 1:19). Luuçx yakh weꞌwte wala ewna. Txaꞌwẽy luuçx kĩh weꞌwyawaꞌjtewa wẽseꞌjwana. Wẽseꞌj txãa ew yahkxkan (Santiago 3:18). Iꞌkweꞌsx wẽesxute kĩhwa ptaꞌsxmeena, txaawẽꞌsx weꞌwte wẽseꞌjnçxames maajĩtewa (Mateo 3:17; 1 Corintios 8:1).

ÃJAꞌNEKWE TXÃW VXITYA:

• Een kutxiꞌjimthaꞌw txaawẽꞌsx yakh weꞌwya

• Luuçxweꞌsx yakh weꞌwna nesyũu, thẽysa jiꞌphuteçxa weꞌw waꞌjmeena

DXUS EÇA NAꞌJĨK: “Txãa jiisaꞌs kaajiyute ewsaꞌs uyuhna” (Proverbios 16:20, TNM). Ew wẽseꞌj kĩh ũus yahkxna ũstewa. Piçthakxweꞌsxa ew ũus yahkxmeey weꞌweneta. Dxus eç ptaꞌsxik: “Wẽseꞌjwa khwẽꞌy jiꞌphnetkhaꞌw kĩh paasyawaçxawa.” (Proverbios 18:13.) Khĩiçxa ũusxçxaanu (Proverbios 19:11).

ÃJAꞌNEKWE TXÃW VXITYA:

• Kĩh weꞌwna ũstewa ptxidewameena

• Yaakitkawa luuçxkay maꞌwnetkhaꞌw yũu

DXUS EÇA NAꞌJĨK: “Zxikweꞌsx wẽseꞌjwe ney weꞌwnis, khĩiçxa njĩꞌj jxkaahnis nvxitnuwe” (Proverbios 1:8, TNM). Jeuwa neyweꞌsxtxis ũsne zxikweꞌsxtxis jxkaahwaꞌjaꞌs. Jeꞌzi kaapiyaꞌjwa jiꞌphyã zxikweꞌsxtxis nwẽseꞌjkhan (Efesios 6:1-3). Luuçxweꞌsxa jiiyã neyweꞌsx jaꞌda ũus yahkxmeetewa “naꞌwẽçxaçxáa ew yajkxna fxiꞌzekhan” (1 Corintios 1:10). Thẽysa jiꞌphuçxa, phewuꞌjya ãjaꞌmeeçxa zxikweꞌsx dxipte puiinuwe. Txãw yũute zxikweꞌsxwa neyweꞌsxtxis nwẽseꞌjya piyayã.

ÃJAꞌNEKWE TXÃW VXITYA:

• Jeꞌzi ũus yahkxçxa zxikweꞌsxtxis yuꞌkxpehwe

• Jeꞌzi jiiyuwe luuçxaꞌs maꞌw kaapiyaꞌjwatewa, txaꞌwẽy jaꞌda ũus yahkxmeeçxawa

DXUS EÇA NAꞌJĨK: “Luuçxaꞌs kaapiyaꞌj ew uꞌjukhan” (Proverbios 22:6, TNM). Idx luuçxaꞌs ew uꞌju thaꞌsçxa kaapiyan nesyũu. Wala jxthuhthesana zxikweꞌsxtxis kaapiyaꞌjwa ew uꞌjukan (Salmo 127:4; Proverbios 29:17). Kĩhwa peeçxukwen kaapiyaꞌjwameena, nawa puꞌçxhwana ew jiiyukhan kĩh yũuçxakxthaꞌw txãw jxkaahja (Proverbios 28:7). Txaꞌwẽy kaapiyawaꞌjana Dxusaꞌs wẽdxya, jiyukan Dxus wala isasaꞌs (Salmo 1:2). Txãwçxa jiiyuyã kĩh ewsatewa, kĩh ewmeesatewa (Hebreos 5:14).

ÃJAꞌNEKWE TXÃW VXITYA:

• Neyweꞌsx puꞌçxhwe luuçxtxis Dxusaꞌs jiyukhan

• Puꞌçxhwe jiyukhan kazx yũukameen, çaam internette kazxsaꞌs thegnuwe. Ãhçewe kxtee kazx yũun vxyaasaꞌs