PEꞌLA 5
Maꞌw nweꞌsx yakh ew ũsukxthaꞌw
“Puꞌçxna fxiꞌzewaꞌjaꞌs, iiwejçx yajkxmée maa yakhwa jxuka ewçxáa fxiꞌzewaꞌjaꞌs, puutx ũusçxa yajkxmée fxiꞌzewaꞌjaꞌs.” (Colosenses 3:12)
Ptaamuyãçxa vxite yat dxih naꞌwneta yũu. Nawa neyweꞌsxtxis wẽdxna nwẽseꞌjneta yũu, nmiꞌ vxiteꞌ nyuuthẽꞌj txaawẽꞌsx ptaamuyãçxa wejxkwe jxthuhthesayã naa kiwete. Nawa maii nweꞌsxa txãw yũute wẽdxmeeyã. Txaꞌwẽy Dxus wala isasa ptaamuyãte puꞌçxhina ew fxiꞌzeya.
1 NWEꞌSX YAKH KUꞌLE YŨUWA JIꞌPHNEKWE
DXUS EÇA NAꞌJĨK: “Peekx neyweꞌsxtxi nwẽeseꞌjçxaꞌ” (Efesios 6:2). Idx maz año jiꞌphçxawa iꞌkweꞌsx neytxis ew thegna jxpeꞌje jiꞌphkikwe. Wala ew yahkxwe iꞌkweꞌsx ney weꞌsxjĩiwa een kutxiꞌjwaꞌj jiꞌphnekwe. “Iiwehcx yahkxiçmee”, nmiꞌ vxiteꞌ nyuuthẽꞌj neyweꞌsxtxis thegte ewmee yahkxmeenekwe (1 Corintios 13:4; Gálatas 5:26).
ÃJAꞌNEKWE TXÃW VXITYA:
-
Thaakwe weꞌw wameena: “Idx yatte weꞌsxa thaakwetx weꞌwe”, “Idx njĩꞌja baaçxtewa kĩh vxittewa wẽdxiçmee”
-
Nmiꞌ vxiteꞌ nyuuthẽꞌj naꞌw yahkxwe
2 KĨH PEJXTEWA ÇXHÃÇXHA YAHKXWANA
DXUS EÇA NAꞌJĨK: “Txãa paꞌka piçthẽꞌja peekx neyweꞌsx tasxu txuteeçxa peekx nyuu yũuwaꞌjsa yakh utxaawaꞌjsa, txãꞌwẽ jeꞌzçxawa teeçxsaçxaa naꞌwẽ yũuna paꞌjya” (Génesis 2:24, TNM). Txaꞌwẽy ptaamuniyãju ney weꞌsxa thegwa jiꞌph naꞌwneta yaakxi. Nawa kĩhwa peetheguꞌja jiꞌphmeeyã.
Jeꞌzi ew puutx weꞌwe jiꞌphkikwe kĩh yũuyãwaçxawa wẽdxna. Isa weꞌw, kazx weꞌwmee (Proverbios 15:1). Txaꞌwey puꞌçxhina iiwehçx yahkxyamee, wejxwa puutx pẽhy kaahn ewçxaa yũun fxiꞌzewe yatte weꞌsx yakh, txaꞌwẽy vxitetxis wẽdxna (Efesios 4:2).
ÃJAꞌNEKWE TXÃW VXITYA:
-
Nweꞌsxweꞌsx peethegun ũste, jeꞌzi puutx weꞌwwe ũusxaçxaamee
-
Puutx jaꞌda txaꞌwẽy myũuwe kĩh weꞌwyawaçxawa
