Nyaafxte Jeuwa a Dxusne kaptaamuu piçthẽꞌj vxite uꞌyaꞌs. Dxus eça naꞌjĩk txãane teeçx uꞌyaꞌs vxit, khĩiçxa piçthẽꞌjaꞌs ũsne. Adan wala wẽt yahkxne, khĩiçxa naꞌjĩne: “Naa Adx kakwenaꞌw yuhwa jĩne” (Génesis 2:22, 23, TNM). Jeuwa wẽdxna ũsna ptaamsaweꞌsx wẽt ũskhan.

Nawa ptaamuyãçxa, kĩhwa thẽysa jiꞌphumeeꞌjnaꞌw sũhuneta, nawa txãwmeena. Nawa ptaamsawa makwe yaꞌjxwẽdxçxawa thẽysa jiꞌphuyã (1 Corintios 7:28). Naa folleto Dxus wala isasa jiꞌphna, idx kxtey yũute wala puꞌçxhina. Txaꞌwẽy wẽt fxiꞌzeya ãjaꞌnega yatteweꞌsx yakh (Salmo 19:8-11).

DXUS EÇA NAꞌJĨK: Nmiꞌa thegna jxpeꞌjwaꞌjna yatteweꞌsxtxis (Efesios 5:23).

Nmiꞌaꞌs Jeuwa naꞌjĩk, nyuuthẽꞌjaꞌs ew jxpeꞌjwaꞌj jiꞌphnega (1 Pedro 3:7). Dxusa vxitne uꞌyaꞌs nmiꞌaꞌs puꞌçxhkhan, khĩiçxa ewne jxpeꞌj thãasu wẽdxna (Génesis 2:18). Idxa nyuuthẽꞌjaꞌs wala wẽdxwaꞌj jiꞌphnega (Efesios 5:25-29).

Nyuuthẽꞌjaꞌs Jeuwa naꞌjĩne, wala nmiꞌaꞌs thegna wẽdxwaꞌj jiꞌphna vxiteꞌ puçxhna kxtey yũun (1 Corintios 11:3; Efesios 5:33). Puꞌçxh nmiꞌaꞌs kĩh yũuyãwatewaꞌj waꞌlmee (Colosenses 3:18). Kxtee yũute nmiꞌ wala wẽdxine Jeuwa txaꞌwẽy (1 Pedro 3:1-6).

ÃJAꞌNEKWE TXÃW VXITYA:

• Ptaamsaweꞌsxa weꞌwe jiꞌphyã maꞌw ew fxiꞌzeweçxawa. Khĩiçxa wẽseꞌjçxa kxtey yũunekwe

• Wala mũythãasu jiꞌphnega. Ew fxiꞌze wẽeçxaa

DXUS EÇA NAꞌJĨK: Wala jxthuhthesana ptaamsaweꞌsxa wala puꞌçxhwaꞌj jiꞌphyã (Filipenses 2:3, 4). Ptaamsaweꞌsxa wala yaꞌjxpeꞌjwe, Jeuwa wala kaayaakijĩne ptaamsa selpiisatxis, wẽdxwaꞌj jiꞌphyã (2 Timoteo 2:24). Wala ũus yahkxçxa weꞌw, Dxus eça naꞌjĩk: “Nawa ewmee weꞌwnisa wala kyũsuꞌjuna, nawa ew weꞌwnisa yũhçe ewsa naꞌwna” (Proverbios 12:18, La Biblia Latinoamérica, 2011). Jeuwa çxhãçxhani wejxya çehksa puꞌçxhina ew weꞌwya wẽdxna (Gálatas 5:22, 23; Colosenses 4:6).

ÃJAꞌNEKWE TXÃW VXITYA:

• Dxusaꞌs pẽhy puꞌçxhkhan ew ũssya, khĩiçxa wala ew ũus yahkxwe ptaamsa weꞌwçxa

• Wala ew ũus yahkx kĩh weꞌw waꞌj jiꞌphçxawa

DXUS EÇA NAꞌJĨK: Ptaamuyãçxa txaawẽꞌsxa “teeçxsaçxáa naꞌwẽ yuuna” (Mateo 19:5). Nawa txaawẽꞌsxa txaꞌwẽy ũus yahkxmeeçxawa. Txaawẽꞌsx ptaamsa piyawaꞌj jiꞌphta maꞌw ũus yahkxçxawaꞌj jaꞌda ũssya (Filipenses 2:2). Jeꞌzi wala ew ũus yahkxte wala jxthuhthesana kĩh yũuyãwatewa. ¿Maꞌw txãa yũuyã ãjaꞌtxkx? Dxus eça naꞌjĩk: “Ew ũus yakhkxçxa weꞌwte, txãwçxa ew kaaseꞌjena” (Proverbios 20:18, TNM). Dxus wala isasa puꞌçxhina jeꞌzitxis kĩh yũuwa jxthuhthesa jiꞌphtewa (Proverbios 8:32, 33).

ÃJAꞌNEKWE TXÃW VXITYA:

• Ptaamsa jiyuweçxa weꞌwwe kĩhnekwe ũus yahkx

• Ptaamsa kĩh vxityawaçxawaꞌj weꞌwwa jiꞌphkikwe