Jxukasay vxu jxpeejxthaꞌw yatteweꞌsxtxis puꞌçxhwaꞌj (Proverbios 30:8). Txaꞌwẽy vxu selpiisana (Eclesiastés 7:12). Maa eente yatteweꞌsx yakh vxute weꞌwte thẽysa kaseꞌjena, nawa ptaamsa thẽysa jiꞌphuçxawa kũh yahkxwaꞌjmeena (Efesios 4:32). Jeꞌzi weꞌwe jiꞌphyã vxius psuwyamee.

DXUS EÇA NAꞌJĨK: “Iꞌkweꞌsxaꞌ yat wálasa txajxaꞌwaçxaꞌ, jxuka jxãꞌjwaꞌj kĩjkĩhwa ãh ũstxmanx sũhna kaçxçxa ¿yajkxmeemaꞌkwe?” (Lucas 14:28). Jeꞌzi ũus yaakxi jiꞌphnekwe vxiu jxawni jiꞌphçxa, kĩhte iijxũuyãwaçxawa (Amós 3:3). Thegwe vxu ãh maak kĩh weywaꞌj jxpeejxtewa (Proverbios 31:16). Vxu maakwe jiꞌphçxa jxuka pabawaꞌjmeena, vxu jiꞌphçxa txãasçxaa iijxũu yuluꞌjmee (Proverbios 21:5; 22:7).

ÃJAꞌNEKWE TXÃW VXITYA:

• Aꞌte pçuuste vxuneyũute jeꞌzi thegwe maꞌw iijxũuyãçxawa

• Kĩhçxawa ũste ũꞌwaꞌjna

DXUS EÇA NAꞌJĨK: Ew kuꞌle myũu “Dxus dxiꞌpteçxáamée, nasaa dxiꞌptewa txãꞌwẽy” (2 Corintios 8:21). Isa weꞌw idx nyuuthẽꞌjaꞌs vxu maakwe knayna ũsçxawa.

Vxus pebameey jeꞌzi puutx weꞌwe maꞌw yũuyãwaçxawaꞌj (Proverbios 13:10). Naasu weꞌwçxa ptaamsa kĩhwa ũsçxawa jiꞌphmeenekwe. Knayna ũste vxu idxjĩiçxameena, yatteweꞌsx jxukasajiina (1 Timoteo 5:8).

ÃJAꞌNEKWE TXÃW VXITYA:

• Jeꞌzi puutx weꞌwe vxute kĩhte pebayaçxawa

• Thẽysa jiꞌphumeey vxute weꞌwwe