Dxusa wẽdxine kweꞌsxtxis wẽt fxiꞌzekan naa kiwe zxiçxkwe yũunkahte bakaçxtewa.

Nawa idxa naꞌwga ũus yahkxya: “¿Maꞌw yuh yũukx?”. Dxus eça naꞌjĩk Dxus jxkaahwaꞌja weꞌwni isayu kxtey yũuna. Txãa vxitsa wẽdxine naa kiweteweꞌsx jxuka jiyukan txãjx jxkaahwaꞌjaꞌs (Salmo 37:11, 29; Isaías 9:7).

Dxusa wẽdxine ew uꞌjukan.

Maꞌwne ney ewsa kũh yahkx txãjx luuçxtxis Dxuswa kweꞌsxtxis txaꞌwẽyne wẽt fxiꞌze thaasu bakaçxtewa (Isaías 48:17, 18). Txãa naꞌjĩne “Nawa Dxus jxthãasniçxáꞌs kxtey yuusaꞌ, bagaçxte yujwa pçumée ĩtxi fxiꞌzewaꞌjaꞌs jiꞌphutxna” (1 Juan 2:17).

Dxusa wẽdxine txãjx dxiisu uꞌjukan.

Dxus eça ptaꞌsxik txãa vxitsa wẽdxna ũsna kaapiyaꞌjn txãjx dxiite uꞌjukan (Isaías 2:2, 3). Dxusa “txãaweꞌsxtxi txhitxhku txãjx luuçx yuuwaꞌjsa” naa kiwete jiyukan (Hechos 5:14).

Dxusa jxukasatxne jaꞌda selpii thaasu.

Txãa Dxus isasa selpiisa nasatxis utxançxaa ũsna (Juan 13:35). ¿Kimweꞌsx txãa kaapiyan ũstxikx nasatxis Dxusaꞌs selpiiyã? Piꞌkithaꞌw jiyuya naa folletote.