Kweꞌsx yat pkhakheni naꞌw yase Dxus jxkaahwaꞌja weꞌwni yat. Kxsuyu piyathaꞌw ptaꞌsxya Dxus jxkaahwaꞌjaꞌs Jesus naꞌwẽy (Lucas 8:1).

Kxtee yũu Dxusaꞌsthaꞌw selpii. Txajuꞌneta paatheguꞌju Dxus yuwes ptaꞌsxwaꞌjaꞌs (Mateo 24:14). Txãa Dxus jxkaahwaꞌja weꞌwni yat maii yũu leꞌçxkweyã, maii yũu walayã naa wala ew phewjnisayã, kxsuyu fxiy fxiysa yakhthẽꞌjweꞌsxneta pkhakhe. Nmeh añosu wala kũh yat vxitna ũsyã (te eente 5 yatneta vxitu) pkhakheni yat wala peenaçte peena yat vxitna ũsyã. ¿Maꞌw yũuçxakitx txãw yũu? (Mateo 19:26).

Peesni vxiu teeçx ãhteçxaane uꞌjwe txãa juꞌneta yat txaajaꞌj. Txãa vxu peesnis vxitni yatsuneta kaahjaꞌ, txãa vxujuneta Dxus jxkaahwaꞌja weꞌwni yat txaaꞌja.

Kĩhwa vxu ul pẽjxmeeneta txaaꞌja. Kũh kiwasu ũsyã yakhthẽꞌjweꞌsx pkhakheçxa txaaꞌjsa Dxus jxkaahwaꞌja weꞌwni yat vxitsa, txãa yakhthẽꞌjweꞌsx pkhakheçxa yat txaaꞌjsayã naa kiwe peꞌlate jxukaneta tadxii yat txaaꞌj puꞌçxhna, kĩhtemeewa Dxus jxkaahwaꞌja weꞌwni yat txaaꞌjya uꞌjeneta. Vxite kiwesu yakhthẽꞌjweꞌsx wala jiisa txhitxhineta yakhthẽꞌjweꞌsx pkhakheçxa yat txaaꞌjsayakh paatheguꞌjuneta. Maii yakhthẽꞌjweꞌsxa wala jiisayã nawa kxteey ihçxaneta wala mjĩi puꞌçxhi. yakhthẽꞌjweꞌsxtxis Jeuwane puꞌçxhi txãjxçxaa kxteey yũun ũsyã (Salmo 127:1; Colosenses 3:23).

• ¿Kĩh yũuçxa kweꞌsx pkhakheni Dxus jxkaahwaꞌja weꞌwni yat txãw yasekx?

• ¿Maꞌwkxthaꞌw txaaꞌja Dxus jxkaahwaꞌja weꞌwni yattxis naa kiwete jxuka?