Kweꞌsx pkhakheni Dxus yatte selpiisa kĩhwa paal jiꞌphmeethaꞌw vxu ul pẽjxsa. Txaꞌwẽy nyaafxtey maꞌwneta vxitna ũsuꞌ Cristo yakh ih uꞌjusa pkhakhesa Dxus yatte selpiisa, piçthẽꞌjweꞌsx txhitxhneta thẽꞌjsaweꞌsx jiisa nawa “iꞌkweꞌsxtxik thegwaꞌjsa nvxiht naa paꞌga” (Hechos 20:28). Txãa thẽꞌjsaweꞌsx wala jiisayã, wala ew jxpeejeneta pkhakheni Dxus yatsu selpiiwaꞌjaꞌs, “Saꞌ vxyuu jxpaꞌgawaꞌjçxáꞌs yajkxna txãꞌwẽ yũumée, Dxus jxthãasniçxáꞌs kxtey myuuwe, waꞌlmée weçxana ewçxáa yũuna” (1 Pedro 5:1-3). ¿Kweꞌsxtxis maꞌw puꞌçxhik?

Wala ew jxpeejeneta khĩiçxa nweꞌweneta. Thẽꞌjsaweꞌsxa puꞌçxhineta pkhakheni Dxus yatsu selpiiwaꞌjaꞌs nweꞌwna, ew ũus yahkxkan kweꞌsxa jiithaꞌw Dxusne neweꞌw, jxthuhthesaꞌs wẽtne fxiꞌzen ũs thaasu (2 Corintios 1:24). Txaꞌwẽy piisxa jxpeꞌjsa maꞌwneta ew jxpeꞌje, txaꞌwẽyneta thẽꞌjsaweꞌsxa ew jxpeꞌje jxuka pkhakheni Dxus yatsu selpiisaꞌs (Proverbios 27:23).

Thẽꞌjsaweꞌsxa kaapiyaꞌjaneta Dxusaꞌs nwẽseꞌjya. Kiꞌsu iisa thẽꞌjsaweꞌsxa kaapiyaꞌjaneta pkhakheni Dxus yatsu selpiiyã Dxus sũhnis ũuste jiꞌphuya puꞌçxhineta (Hechos 15:32). Txãa thẽꞌjsaweꞌsxaꞌs sedxmeeyã een kutxiꞌjineta Dxus jxkaahwaꞌjaꞌs weꞌwya, kweꞌsx yakh Dxus yuwes ptaꞌsxineta maꞌw vxitwatewa.

Teeçx teeçxne kçxhãçxhaja. Thẽꞌjsaweꞌsxa paꞌjaneta kweꞌsx yatsu, wala ew ũus yahkxya Dxus jxkaahwaꞌjaꞌs weꞌwni yatsu. Txaꞌwẽy wala ew puꞌçxhineta Dxus eçyakh khĩiçxa kçxhãçxhan (Santiago 5:14, 15).

Nawa txaawẽꞌsxwa wala mjĩi jiꞌphyã yatte weꞌsxjĩi, thegwa kĩh jxpeejxtewa pejxmee jiꞌphukan. Txãa yakhthẽꞌj wala çxhãçxha mjĩisayã, txãa paꞌka wala wẽdxi jiꞌphthaꞌw (1 Tesalonicenses 5:12, 13).

• ¿Kĩhkxtx yũu thẽꞌjsaweꞌsxa pkhakheni Dxus yatte selpiisa?

• ¿Maꞌwkitx jxukasaweꞌsxtxis puꞌçxhi?