Txaꞌwẽy “ptaꞌsxwaꞌjaꞌsku jiꞌphuꞌ naa kiweteweꞌsx mtee mteeweꞌsxtxiwa, nasa maꞌwẽsa, fxiy fxiyçxáa weꞌwesa, maa çxhabsuweꞌsxtxiwa jxuka”, 750 thaakwe vxite yuwesu fxiꞌjn ũsyã (Revelación 14:6). ¿Maꞌw yũuçxa txãa wala fxiꞌjn ũstxkx? Txaawẽꞌsx naa kiwete jxuka eç kutxiꞌjn fxiꞌjnnes puꞌçxhsa Jeuwa Kaajiꞌyusayã

Nyaafxte inglesteneta fxiꞌj. Kũhmee thẽꞌjsaweꞌsx jxkaahsa paathegun uꞌjeneta mjĩi peꞌla fxiꞌjnisaꞌs. Txãa peꞌla mjĩin fxiꞌjnisa paatheguꞌjuneta vxitni yatsu maꞌw mjĩi ũstewa. Nasa maꞌwsameewa puꞌçxhnineta, vxite yuwesu puꞌçxhya ãjaꞌjnaꞌw, txãwçxa vxite yuwe fxiꞌjnisaꞌs jiyuya ãjaꞌyã.

Naa eçaꞌs kaajahneta vxite yuwe fxiꞌjnisatxis. Ewya fxiꞌjni neyũute çaam internette kaahjaꞌneta nasa pweꞌsx vxite yuwe fxiꞌjsatxis, txajuꞌ txaawẽꞌsxa kutxiꞌjneta maꞌw fxiꞌjwatewa, txaꞌwẽy txaawẽꞌsxa theguneta maꞌw fxiꞌjni neyũutewa. Wẽdxineta “isasa weꞌwnisaꞌs” txhitxhya, txaawẽꞌsx yuwes jiyukan ingleste maajxne txaꞌwẽy (Eclesiastés 12:10).

Çaam fxiꞌjnisa wala puꞌçxhine. Çaam fxiꞌjnisa nasate naꞌwẽy yũu khadaya ãjaꞌmeena, nawa txãa çaam wala selpiisana diccionario jiꞌphna, saꞌ internetwa jiꞌphna. Jeuwa kaajiyusaneta vxit txãa Sistema Electrónico de Edición Plurilingüe (MEPS yũu inglestena), çaam fxiꞌjnisu txhitxhya ãjaꞌyã mazkwẽ yuwesuwa fxiꞌjnis, txaꞌwẽy foto jiꞌphyã ew vxaakan.

¿Kweꞌsxa kĩh yũuçxa kçxhãçxhan ũskxthaꞌw vxite yuwesu walamee weꞌwsa ũstewa? Jeuwa wẽdxine “kim yuhtxwa vxitu jxthãasuꞌçmeꞌ, jxukaysa ewsaꞌs jiyuçxa ewte neeyũuniꞌsku jxthãasuꞌ” (1 Timoteo 2:3, 4).

• ¿Maꞌw vxitna ũstxkx kweꞌsx eç jxuka ptaꞌsxnisaꞌs?

• ¿Kĩh yũuçxakxthaꞌw txãw kutxiꞌji vxite yuwesuwa?