¿Idxa Jeuwa wẽdxinis vxitmagk?

Wala weeçxathaꞌw naa folletos een kutxiꞌjn theg paꞌka, wejxkwe jiyukan kweꞌsx mjĩiniꞌs. Txaꞌwẽy jiyuya puꞌçxhina Jeuwa kxtee yũuniꞌs kweꞌsxçxaa txãw yũun ũsthaꞌw. Piꞌkithaꞌw Dxus eçaꞌs piyaya. Açyuꞌ idx yatteweꞌsxtxis vxiteꞌ uynisatxis weꞌw kĩh piyan ũsçxawa jiyukahn, kweꞌsxa piꞌkithaꞌw pkhakhe nes yũukahn (Hebreos 10:23-25).

Wala Jeuwaꞌs piyaçxa, wejxkwe txãjx wẽdxinis jiꞌphunega. Txãwçxa walmee Dxusaꞌs wẽseꞌjyã ãjaꞌnega (1 Juan 4:8-10, 19). ¿Dxusaꞌs wẽdxçxa maꞌw yũuçxa kaavxaajxthaꞌw? ¿Dxusaꞌs maꞌw wẽseꞌjkxthaꞌw kazx yũuyãmee? ¿Kĩh puꞌçxhikx wejxkwe Dxusaꞌs wẽdxya? Idx Dxuste piyanisa puꞌçxhina jiyuya naa paapẽynisaꞌs, idx yatteweꞌsxjĩi “Dxus peeygãanijũ txutemée ũythasna meswe [. . .] bagaçxte yuhwa pçumée ĩtxi fxiꞌzewaꞌjaꞌs ũswaꞌj” (Judas 21).