Jeuwa kaajiꞌyusa uꞌjethaꞌw jxuꞌmaakhyũu, saꞌ een ewmeeyũutewa yahkxmee pkhakheni yatsu. Yakhthẽꞌjweꞌsxyakh pkhakhethaꞌw kçxhãçxhaya, maakwe thẽysa jiꞌphçxawa, txaꞌwẽy mjĩijũ watxna kaseꞌjçxawa uꞌjethaꞌw ¿kĩh yũuçxa?

Puꞌçxhina ew uꞌjuya. “Saꞌ ew yũuna peeygãha fxiꞌzewaꞌjaꞌs jiꞌphuyaꞌ”, txãa apostol Pablo fxiꞌjne pkhakhenisaꞌs (Hebreos 10:24). Naꞌwna “kĩhmeewa piyan”, naa weꞌwnisa kaapiyajak ew jiyuya, vxiteꞌ weꞌsxjĩi kũj yaakxna. Txaꞌwẽy vxite yakhthẽꞌjweꞌsx yakh pkhakheçxa jiyuyanaꞌw, txaawẽꞌsxwa thẽysa jiꞌphuneta kweꞌsx naꞌwẽy, saꞌ puꞌçxhiyã thẽysaju kaseꞌjya.

Puꞌçxhina jaꞌda ũsya Dxus jxkaahsa nwẽseꞌjsa yakh. Pkhakheni yatsu kxteweꞌsxa wala puutx wẽdxithaꞌw uynimeesaçxawa. Txaꞌwẽy een kutxiꞌjithaꞌw jaꞌda pweesaꞌjya, wẽt fxiꞌzeya. ¿Maꞌw puꞌçxhik naꞌwyũunisa? Wejxkwe kçxhãçxhaꞌjane wẽdxwaꞌjaꞌs. Txaꞌwẽy maii yakhthẽꞌj thẽysa jiꞌphun ũste, kweꞌsxa wẽdxna ãçxhkhey puꞌçxhithaꞌw (Proverbios 17:17). Txaꞌwẽy pkhakheni yatsu kweꞌsxa kaajiyuthaꞌw kũj yaakxna yakhthẽꞌjweꞌsxaꞌs “jaꞌdaçxah puutx yaꞌpuꞌçxwaꞌjsataꞌ” (1 Corintios 12:25, 26).

Kweꞌsxa wala kçxhãçxhaꞌjathaꞌw idxaꞌs, nasa yakh utxaa ũsya Dxus jxkaahsa nwẽseꞌjsa yakh. Uyunega txãa Jeuwa kaajiꞌyusaweꞌsx. Maakwe thẽysa jiꞌphçxawa pkhakheya ãjaꞌnega kweꞌsxyakh.

• ¿Maꞌw puꞌçxhik yakhthẽꞌjweꞌsx yakh pkhakheni yatsu?

• ¿Bakaçxga jiyuwẽeje kweꞌsx pkhakheni Dxus yatte uꞌjya?