Naa folleto jiꞌphna foto kxteeyũu ¿idxa uyunega Jeuwa kaajiꞌyusa wala ew phewjçxa uꞌjwethaꞌw pkhakheni yatsu? Kweꞌsxa ¿kĩh yũuçxakxthaꞌw jathnis ew phewju?

Kweꞌsxa Dxusaꞌs wẽdxçxa. Dxus theguçmeene idx maꞌw ihyũutewa (1 Samuel 16:7). Nawa pkhakheni Dxus yatsu selpiisa, kxtee yũu yakhthẽꞌjweꞌsxaꞌs wẽdxçxathaꞌw wala ew phewjçxa uꞌjwe. Neꞌjwẽꞌsx tasxte uꞌjweççxa wala ew phewjçxa uꞌjweꞌjnaꞌw. Txãajĩiçxathaꞌw Jeuwa “jxkaahsa pçuwaꞌjsameꞌs”, tasxte wala ew phewjçxa uꞌjethaꞌw pkhakheni yatsu (1 Timoteo 1:17).

Kweꞌsxa txaꞌwẽy ew kaavxaajwa jiꞌphnetkhaꞌw jxthuhthe uꞌjuwaꞌjaꞌs. Dxus eça naꞌjĩk “ropa iijxũniꞌs jxpaꞌyakxwaꞌjaꞌ”, nawa “Dxus yakh ew fxiꞌzeniçxáa wejx ewsaꞌ” (1 Timoteo 2:9, 10). “Ropa iijxũniꞌs jxpaꞌyakxwaꞌjaꞌ” paꞌkasa jath kaajaçmee, “ropa iijxũniꞌs jathçxa kĩhwa txweswameenaꞌ”. Txaꞌwẽy “ropa iijxũniꞌs jxpaꞌyakxwaꞌjaꞌ”, txãwmyũu jathçxawa ew thegunaꞌw, kĩhwa kazx belxin uꞌjuwameena. Dxus wala isasa jiꞌphna kxteeyu maꞌw txhitxhçxa jathwatewa. Ew jathsa “Dxus yuweꞌ wala zhiçxkwesa yuꞌga jĩnaçxáa weꞌwetxna” (Tito 2:10; 1 Pedro 2:12). Kweꞌsx ew phewjçxa pkhakheni yatsu uꞌjthe, nasaweꞌsx ew weꞌwetxna Jeuwa kaajiꞌyusaweꞌsxtxis.

Dxus jxkaahwaꞌjaꞌs weꞌwni yatte uꞌjsa, jathwa çehksa ew phewuꞌjçxaneta uꞌjwe, kĩhwa paꞌkasameeneta jathteꞌ.

• Kweꞌsxa wala ew phewꞌjçxa uꞌjethaꞌw pkhakheni yatsu ¿kĩh yũuçxa?

• Dxus wala isasa puꞌçxhik ew wala phewjya ¿maꞌw?