Jesus uumeey naꞌjĩne: “Naapkaçxhaꞌ Dxus jxkaahwaꞌjaꞌs ptaꞌsxnisaꞌ maa kiwetewa jxuka ptaꞌsxni yuuna mteeweꞌsxwa jxuka jiyukahn. Txãꞌwẽ yũunijũ nmeh ensa paꞌjana”. (Mateo 24:14) ¿Maꞌw yũun ũstxki Dxus yuwe ptaꞌsxwaꞌjaꞌs naa kiwete jxuka? Jesus naꞌwẽy yũu jiꞌphnetkhaꞌw (Lucas 8:1).

Idx yatte paꞌjathaꞌw. Jesus kaapiyaꞌne txãa yakh ih jaꞌda uꞌjusatxis Dxus yuwe ptaꞌsxna yat iisa (Mateo 10:11-13; Hechos 5:42; 20:20). Nyaafxte Dxus yuwe ptaꞌsxsa jinetayũu phewjnis kĩhte ptaꞌsxwatewaꞌj (Mateo 10:5, 6; 2 Corintios 10:13). Pkhakheni Dxus yatsu selpiisa ãçxhwa phewjni ũsyã kĩhsuwa Dxus yuwes ptaꞌsxwatewaꞌj. Txãw yũuçxa Jesusaꞌs nwẽseꞌjçxa “nasatx naꞌwẽ ptaꞌsxkahn” (Hechos 10:42).

Ptaꞌsxithaꞌw nasa kĩhsu ũstewa. Nasa kũj ũstewa Jesus ptaꞌsxne, txaꞌwẽy mteewa (Marcos 4:1; Juan 4:5-15). Kweꞌsxwa txãa naꞌwẽy Dxus yuwes weꞌwna nasa yakh ũsthaꞌw: klxikhunsu, saꞌ txwẽynisu, parquesu, saꞌ kĩh çaamsuwa. Txaꞌwẽy ptaꞌsxithaꞌw nasa pekuꞌjweꞌsx, mjĩinisu kaapiyaꞌjni yatsu, saꞌ yatte weꞌsxtxis txaꞌwẽy. Mazkwẽ nasatxis puꞌçxhna ũsyã “Dxus yuwes wẽseꞌjya nasa ĩtxi yũukhan” (Salmo 96:2).

Ũus yahkx kimna Dxus yuwes kaapiyaꞌjyaꞌwaga, kĩhwa jxaawmee idx piyanisaꞌs vxite nasatxis jxtxuhde.

• ¿Kĩh ptaꞌsxwa jiꞌphkxthaꞌw?

• Jesus naꞌwẽy Jeuwa kaajiꞌyusa ¿maꞌw kxthaꞌw Dxus yuwes ptaꞌsxi?