¿Uyuꞌga naa dxipweꞌsx wẽt ũste? Txaawẽꞌsx yũu pkhakheni walasu paꞌjsatxna. Nyaafxteweꞌsx maꞌwneta Dxusaꞌs selpii txaꞌwẽy. Dxusa jxkaahne añote tekhus pkhakheya, kweꞌsxa wẽdxithaꞌw pkhakhe walasu ũsya (Deuteronomio 16:16). Añote vxituneta tekhus pkhakhewa, txãayu naꞌwta: jeꞌz Pkhakheni wala tadxiisa teeçx teeçxta. Saꞌ txaꞌwey Pkhakheni wala çxhabujweꞌsxa txãayu tekh eenteweꞌsxa. ¿Txãa pkhakheni walasa maꞌw puꞌçxhitxkx?

Kçxhãçxhajathaꞌw wẽdxwaꞌjaꞌs Yakhthẽꞌjweꞌsxtxis. Israelitasweꞌsx wala wẽdxneta Dxusaꞌs selpiiyã, nasaweꞌsx yakh pkhakheya. Saꞌ kweꞌsxwa wẽdxithaꞌw pkhakheya yakhthẽꞌjweꞌsx yakh naa pkhakheni walasu (Salmo 26:12; 111:1). Naa pkhakhenisu puutx uyuthaꞌw yakhthẽꞌjweꞌsx vxite kiwajuweꞌsxyakh, txaꞌwẽy aysuweꞌsx yakhwa ẽepxãh jaꞌda ũꞌwethaꞌw, yakhthẽꞌjweꞌsxyakh wẽt yaakithaꞌw (Hechos 2:42). Kxtee uyuthaꞌw “yakhthẽꞌjweꞌsxtxi peeygãhna” (1 Pedro 2:17).

Dxusaꞌs selpiiyã kwalaaꞌjana. Israelitasweꞌsxa “Dxus eçaꞌs jiyuneta”, txãa yũu puꞌçxhina (Nehemías 8:8, 12). Kweꞌsxwa wẽdxithaꞌw jiisaꞌs jxpaꞌkaya pkhakheni walasu. Pkhakheni walasu Dxus eçyakh peꞌl peꞌla weꞌweneta. Nasa ksxaavxte weꞌw waꞌja, saꞌ vxitnisaꞌs weꞌweneta, açyu kapiyane Dxusaꞌs selpiiyã. Txaawẽꞌsx thẽysa jiꞌphunisaꞌs ptaꞌsxte, wala kçxhãçxhaꞌjya puꞌçxhitx. Pkhakheni wala çxhabujweꞌsx kxteeyu fxiꞌjn kaavxaajaꞌsa vxaana, txanteyweꞌsx naꞌwẽy Jahtçxa kaaseꞌjeyã. Txãwçxa wejxkwe Dxus eça jiyuwaꞌj puꞌçxhina, txaꞌwẽy Dxusa yakh selpiiyã. Pkhakheni walasu yaꞌyaseneta, txaawẽꞌsxa Dxus yakh khwẽꞌy puutx weꞌwna, açaꞌ najĩn Dxusaꞌs selpiiwẽjet jĩn.

• ¿Kĩh yũuçxa kxthaꞌw wẽt ũsu pkhakheni walasu?

• ¿Maꞌw puꞌçxhikx kweꞌsx pkhakhe walasu paꞌjte?