Maii nasa pkhekheni Dxus yatsu selpiiyã waꞌluneta, kĩhwa Dxus eçte ew ptaꞌsxiçmeeneta, saꞌ kĩhwa kçxhãçxhaꞌjaçmeeneta. Idxa Jeuwa kaajiꞌyusa yakh pkhakheya ãjaꞌjnega ¿kĩh yũuçxa? ¿Maꞌw idxaꞌs puꞌçxhikx?

Nasa wẽdxsayakh pkhakhen ũste wala ewna. Nyaafxi teeçx siglote, Cristoyakh ih jaꞌda uꞌjusa pkhakheni Dxus yatsu selpiiyã phewjuni ũsuneta, saꞌ pkhakheneta Dxus eç piyaya, saꞌ txaawẽꞌsx pweꞌsx kçxhãçxhaꞌjya (Hebreos 10:24, 25). Yakhtẽꞌjweꞌsxyakh pkhakhen ũsçxa Dxus sũhnis ũusteçxaa jiꞌphçxa puꞌçxhina, txaawẽꞌsxwa wala ew yahkxiyã (2 Tesalonicenses 1:3; 3 Juan 14). Kwẽꞌsxwa txaꞌwẽy thaꞌw yũu, saꞌ wala wẽt yaakxithaꞌw.

Wala isasa Dxus eçte jiꞌphna txãaꞌs piyate wala puꞌçxhina. Kweꞌsxwa txaꞌwẽy uꞌjethaꞌw nyaafxi yakhtẽꞌjweꞌsx naꞌwẽy, uꞌyweꞌsxyakh, piçthẽꞌjweꞌsxyakh, saꞌ luuçxweꞌsxyakh uꞌjethaꞌw pkhakheçxa wẽseꞌjya thẽꞌjsaweꞌsx kaapiyaꞌjnis. Txaawẽꞌsx yũu ew jiyuya puꞌçxhiyã Dxus eçaꞌs (Deuteronomio 31:12; Nehemías 8:8). Kxtee nasa pkhakhen ũssa jxuka paapẽynis passya ãjaꞌyã, saꞌ fxiꞌjnisaꞌs memya ãjaꞌyã. Txãw yũu jxukaysa weꞌwya ãjaꞌjnaꞌw kweꞌsx yahkxnis (Hebreos 10:23).

Kçxhãçxhaꞌjana idxaꞌs Dxus sũhnis ũusteçxaa jiꞌphuya puꞌçxhna. Txãjx eensu apostol Pablo fxiꞌjne Cristoyakh ih uꞌjusa Dxus yatsu selpiiyã: “iꞌkweꞌsxtxi puꞌçxhiꞌnja sũjuꞌth, [. . .] Saꞌ puutx kxteeçxah yaꞌpuꞌçxna Dxus yakh çxhãçxha fxiꞌzewaꞌjaꞌs jiꞌphuꞌnjaꞌw, txãa paꞌgatey iꞌkweꞌsxwa Dxusaꞌs yaakxsa iꞌkwe adx naꞌwẽy” (Romanos 1:11, 12). Kweꞌsx yakhtẽꞌjweꞌsxyakh pkhakhen ũste Dxus sũhnis ũusteçxaa jiꞌphuya puꞌçxhina, saꞌ Cristo maꞌwne jxkaah puꞌçxh wẽt fxiꞌzeya.

¿Kĩh yũuçxaga kweꞌsxyakh pkhakheçmee? Uyunega ewsaꞌs kweꞌsxa weçxan jxpaꞌkaꞌjnaꞌw, txãa pkhakhenite kĩhwa vxu ul pẽjxmeeyã.

• Kweꞌsx pkhakhenite ¿kĩh kitx yũu?

• Kweꞌsx pkhakhenisa ¿maꞌw puꞌçxhikx?