Nes selpiisayũu, txãa khwẽꞌyne dxiꞌjaꞌs phade kiwe peꞌla uꞌsesu, eꞌs kaayusayu kĩhwa thẽymee Dxus yuwes ptaꞌsxkan. Jesus txaꞌwẽy nes selpiisaneyũu, Dxusne naa kiwete kaah Dxus yuwes ptaꞌsxkan, saꞌ dxiꞌj phadene eꞌs kaaweꞌsx bakaçxtewa ĩtxi ũskan (Mateo 20:28). Naa ensu kweꞌsxwa Jesus naꞌwẽy txãwyũuthaꞌw, wala een kutxiꞌjithaꞌw Dxus yuwes ptaꞌsxya nasa jiyukan (Mateo 28:19, 20). Txãajĩiçxaneta maii yũu takh nes selpiisayũuya.

Teeçx een ãh Dxus yuwes nes ptaꞌsxsana. Jeuwa kaajiꞌyusa jxukasay Dxus yuwes ptaꞌsxii jiꞌphthaꞌw. Nawa maii yakhthẽꞌjweꞌsxa wala phewjuneta txãa aꞌte iisa nes selpiisa ẽepxãh pkaçx. Txaawẽꞌsxa een pxãnçxaneta, mjĩi nawa aꞌte isa 70 horasneta dukhe. Txhitxhineta vxiteweꞌsxtxiwa txaꞌwẽy selpiin nes yũusa txaawẽꞌsxçxa fxiysayã, saꞌ kaajaꞌneta maa kiwe peꞌlate peejxin ũstewa wejxkwe Dxus yuwe nes ptaꞌsxwaꞌjaꞌs; txaawẽꞌsxsa aꞌte iisa 130 horasneta dukhe txãa mjĩinite. Txaawẽꞌsx nes selpiisa wẽeçxaaneta leꞌçxkwe jiꞌphçxawa, nawa jiiyã Dxusa puꞌçxhnaçxaa nes yũuna kĩh pẽhytewa (Mateo 6:31-33; 1 Timoteo 6:6-8). Maii yakhthẽꞌjweꞌsxa ãjaꞌmeeyã nes selpiisa Dxus yuwes ptaꞌsxna, saꞌ nes selpiisa txaawẽꞌsxçxaa fxiysayã. Nawa maa aꞌte eensuçxa nes selpiisayã, txaawẽꞌsxa mjĩiyã ãjaꞌyã 30 horas, meeçxawa 50 horas dukhya ãjaꞌyã Dxus yuwe ptaꞌsxnis.

Dxus vxite nasa wẽdxsane puꞌçxhi txãa selpiin nes yũusaꞌs. Jesus naꞌwẽy, kweꞌsxwa uyuthaꞌw nasaweꞌsx jiimeesa kĩh ewsatewa, kĩh ewmeesatewa (Marcos 6:34). Kweꞌsxa jiisathaꞌw ãçxh maꞌw puꞌçxhwatewaꞌj jiyukan ew ũsya. Txaawẽꞌsx nes selpiisaꞌs nasaꞌs wẽdxna puꞌçxhiyã, een kutxiꞌjn saꞌ txãjx çxhãçxhanisaꞌs dukhna kaapiyan kĩh ewsatewa kĩh ewmeesatewa nasatxis (Mateo 22:39; 1 Tesalonicenses 2:8). Naa Dxus sũhnis ũusteçxaa jiꞌphçxa puꞌçxhina wejxkwe walaan uꞌjena, txaꞌwẽy Dxusaꞌs wẽdxwa walaan uꞌjena, saꞌ wẽt fxiꞌzenaꞌw (Hechos 20:35).

• ¿Kĩhkx selpiin nes yũusa?

• ¿Kĩh kik puꞌçxhi maii Dxus yuwe nes ptaꞌsxwaꞌjaꞌs?