Hebreo yuwete Betelyu “Dxus yatna” (Génesis 28:17, 19). Txaꞌwẽy txãa yase wala ewsana Dxus yat txajuꞌneta Jeuwa kaajiyusaweꞌsxa thegna puꞌçxhi, maꞌw Dxus yuwes ptaꞌsxwatewa naa kiwete jxuka. Txãa kũhmee thẽꞌjsaweꞌsx jxkaahsa jxthuhthesa yatsu mjĩin ũsyã, txãayu çxhab Nueva York yasena. Txajuꞌ vxitni yatsuneta thegna puꞌçxhi vxite kiwasu weꞌsxtxiswa. Naa Betel yatteweꞌsxa yakhthẽꞌjweꞌsx yakh jaꞌda mjĩin fxiꞌzesayã. Yatteweꞌsx dxih naꞌwsayã jaꞌda mjĩin, Dxus yuwes piyanneta fxiꞌze (Salmo 133:1).

Kxtee wala jxthuhthesa txaawẽꞌsxa wala çxhãçxha mjĩineta. Kxtee Betel yatteweꞌsxa piçthẽꞌjweꞌsx vxite uꞌyweꞌsx ũsyã, txaawẽꞌsxa een kutxiꞌjn mjĩineta Dxus jxkaahnisaꞌs kxtey yũun (Mateo 6:33). Kxsu mjĩisatxis kĩhwa dukheçmeeneta nawa kĩh peejxtewa puꞌçxhineta. Yakhthẽꞌjwẽꞌsx fxiysa mjĩi jiꞌphyã kxtee fotote vxaakh txaꞌwẽy.

Kxtee wala puꞌçxhineta Dxus jxkaahwaꞌjaꞌs ptaꞌsxna. Kxtee Betel yatte wala mjĩineta Dxus eçaꞌs jiyukan, naa folleto eça txãwku ptaꞌsxi. Naa fxiꞌjnisa kũhmeesa thẽꞌjsaweꞌsx jxkaahsa paathegunisana, çaam internette fxiꞌjçxa kaahn, vxite yuwe weꞌwna fxiꞌjn puꞌçxhsatxis naa kiwete jxuka, naa fxiꞌjnisaꞌs tuhdneta kutxiꞌjçxa dukhna 110,000 thaakwe pkhakheni Dxus yatsu. Txãa Betel yatte txaawẽꞌsx jxuka puꞌçxhineta Dxus yuwes ptaꞌsxya (Marcos 13:10).

• ¿Betel yatte selpiisatxis kĩhkx ũsuꞌ?

• ¿Kĩh mjĩi jxthuhthesa kitx vxitu Betel yatsu?