Primer siglote Jerusalente ũsuneta thẽꞌjsaweꞌsx vxite apostolesweꞌsx. Txaawẽꞌsxa pkhakheçxa weꞌwneta puꞌçxhya pkhakheni Dxus yatsu selpiisaꞌs Cristo ih jaꞌda uꞌjusa txhitxhnisatxis (Hechos 15:2). Jaꞌday ũsweçxa Dxus eçaꞌs neta piyan ũsuꞌ kçxhãçxhajya wejxa çehksa Dxusna peejxna (Hechos 15:25). Ãçxh txaawẽꞌsxa kũhmee thẽꞌjsaweꞌsx jxkaahsa, nyaafxi maꞌwneta kaapiyan ũsuꞌ, Dxus eçyakh txaꞌwẽyçxa yũun ũsyã ãçxhwa.

Txaawẽꞌsx txhitxhnisayã txãjx ũus yahkxnisaꞌs kxtee yũukan. Yakhtẽꞌjweꞌsx txhitxhnisa kũhmee thẽꞌjsaweꞌsx jxkaahsaweꞌsx yakh kxtee ũsyã, Dxus eçaꞌs wala wẽdxineta, txaawẽꞌsx yũu wala jiisayã Dxus eçaꞌs phewjuneta khĩiçxa puꞌçxhna. Kiꞌsu iisaneta pkhakhe Dxus eçaꞌs piyaya yakhthẽꞌjweꞌsx naa kiwete kweꞌsxtxis jxuka puꞌçxhneta. Maꞌwneta puꞌçxhna ũsuꞌ primer siglote, txaꞌwẽy ãçxhwa puꞌçxhna ũsyã Dxus eçyakh, fxiꞌjçxa kaahn netayũu, vxiteꞌ thẽꞌjsaweꞌsx tadxiisa vxite yakhthẽꞌjweꞌsx yakh txaꞌwẽy puꞌçxhna ũsyã. Txaꞌwẽy jaꞌda ũsya ãjaꞌjnaꞌw wala ew ũus yahkxna Dxus çxhabte (Hechos 16:4, 5). Aça txaawẽꞌsxa wala ew phewjuneta thegwa sãꞌjĩwaꞌjaꞌs isasaꞌs Dxus eçyakh. Txaꞌwẽy wala kçxhãçxhaneta Dxus jxkaahwaꞌjaꞌs ptaꞌsxkan, khĩiçxa txhitxhineta yakhthẽꞌjweꞌsxtxis puꞌçxhkan.

Txaawẽꞌsx nwẽseꞌjeneta txãa kçxhãçxhasaꞌs wejxa çehksa Dxus jĩis. Txãa kũhmeesa thẽꞌjsaweꞌsx jxkaahsa pakweneta Jeuwaꞌs vxite Jesusaꞌs puꞌçxhkan (1 Corintios 11:3; Efesios 5:23). Dxus çxhabsu pkhakhen ũssa kĩhwa naamumeeyã. Txãa txhitxhnisa mtee Jesus “uꞌthewa txãa yakh jaꞌda uꞌjweꞌ” (Revelación 14:4). Txãa kũhmee thẽꞌjsaweꞌsx jxkaahsa wala weeçxaneta Dxus yakh puutx weꞌwna pẽhyneta txaawẽꞌsx paꞌka.

• ¿Kimweꞌsxkitx jxkaahn ũsuꞌ primer siglote?

• ¿Kũhmee thẽꞌjsaweꞌsx jxkaahsa ãçxh maꞌw pakwen ũstxkx Dxus puꞌçxhkan?